孝唔孝順父母係自己種落嘅因果和社會風氣，而在呢種咁政治正確嘅環境長大，人嘅同理心係少啲，黨性大過人性。
生唔生，黃藍唔係主要因素，任何人性複雜嘅問題，用大自然角度去解釋就會易啲明白。唔同物種有唔同特質， 有對翼嘅可以做季候鳥，去一啲好嘅地方生BB，走唔到嘅，再差嘅環境一樣會有動物 生 B，非洲國家無得食都係咁生，我哋祖父祖母嗰代，二戰後嘅香港一樣生活環境差，我呀婆生六個BB, 得 3 個養得大，其中得一個讀得成書，環境差，有人選擇唔搏去保本，有人係咁生但有心理準備成功養大養好機會低，十個仔女有一個出人頭地已經係人生贏家。
但我哋呢代好特別，出生於黃金時代，但活在亂世中，個 mindset 唔 match, 我哋 expect 高回報， 生一個，最多兩個，但好少想到會養唔大，仲要 expect 一定入名校，有個完美人生，個人價值觀和現實生活嘅矛盾，就引起好多 uncertainty, 有人生有人唔生，好似啲野生動物入咗動物園一樣，有好多都會唔食嘢，走唔到就自殘，過多幾代，野鳥變農場鷄，再無人性嘅環境，都會不停生，因為主人鍾意。
人各有志，生唔生其實都無乜所謂，至緊要生咗要負責任，好好咁教育同愛錫佢哋
咁同亞洲情況都算幾大分別。香港肯生2個既已經算少，生3個既行出黎會好多人望住，太稀有。
外國可能屋又大d，香港屋細塞幾個細路真係不敢想像。
人各有志，幾惡劣嘅環境都有人生；幾美好嘅環境都有人唔生。就算係2019後嘅香港，老實講都好過世界上極多地方。所以人哋生唔生都好，各自有原因，無謂評價人。
我同你一樣，都係2020年生，聽到佢咁講都心諗咗
留低或者走各有原因，正如我選擇生但唔走（住）都有自己的考慮因素。唔明點解要咁一刀切劃分
我身邊好多黃的朋友都係呢一兩年生。
講得好精警！
其實最令人猶豫呢兩年生唔生，係呢道防疫問題。如年幼就要載口罩，打金，停課，封公園等等。我心痛係聽到小朋友當忘記載口罩羞愧到好似忘記著內褲。正常呼吸，小朋友看見老師同學的臉係必須。我見能移民的小朋友自由在公園玩，沒有口罩在草地奔跑感到恩惠。
好多大人都覺得呢樣野係無問題, 跟本就係開始由細洗腦, 同郭安發一樣.
邊個guarantee 幾時生個細路仔大個一定好/ 唔好？
好似嗰條bear老豆老母夠喺幾廿年前生佢，咪一樣教到佢講嘢唔經大腦又痴痴地線。
正如樓上講，自己生自己負責自己愛同教，其他人唔需要 care 。
我都記得朋友講
果陣誇張到超聲波照到有心跳
私家醫院已問定你要唔要留床位生仔
有次我個女個口罩吹跌咗佢驚到喊晒不知所措
加速咗我走嘅決心
該主題在最後一個回覆創建後90天后自動關閉。不再允許新的回覆。