其實你係咪連登仔？
點解你咁緊張？死都要叫佢哋出嚟交待既？
你咁講又唔公道，有啲鏡粉都想退既
呢個post嘅風向越嚟越連登，小心地滑
3個讚
我唔係話鏡仔，我指佢哋公司呀 
唔係wo, 我見有鏡粉呼籲大家唔好退票要等佢地返黎wo
你見到既唔代表全部人意願嘛
1個讚
咁要睇下mkv退票機制點定，到時先知啦
如果有得換下次演唱會嘅飛，的確有非常大嘅誘因唔退
2個讚
我都個好多人想鏡仔快啲出番黎，親眼係現場
見既震撼和睇片係唔一樣，我地都好難想像到
當中既人承受既壓力。
其實我覺得已經拍左既片和戲可以如期播，唔需
要刻意抽起，至於出活動就真係要等佢地心理和
情緒上 ready 好先得，因係傳媒一定會追問無可能
當無事發生咗處理。
2個讚
100% 同意… 再遲出impact會更大… 責任一定要追究(無論係點, 期望真相可以越揭越多), 另一方面, Viutv 同 Makerville 唔好再龜縮, 行出嚟, 擔起件事, 重新出發… 唔好"side"咗12個仔同Viu 成班出心出命嘅台前幕後…
6個讚
要交待都係公司出黎交代喇。唔明點解出面仲有人要12子交代，佢地要到底交代乜野？要佢地出黎講好遺憾好對唔住??，佢地係演出者之一，同危機一樣咁接近，連舞蹈員無人講要12交代，都係話主辦單位交待渣喎。唔明要12子交代嘅人係咩心理。
3個讚
唔使咩心理，好多係競爭對手，TVB係最大競爭對手，仲有其他娛樂公司。呢個post裡面都有新會員TVB打手，仲要開其他post擾亂會員。
1個讚
想佢哋快啲出返嚟嘅，好可能係Hater
真正嘅fans，會掛住佢地，但寧願佢地休息下，唔會想佢哋咁快出嚟
忙嘅得最紅嗰個幾個，比較唔紅嗰啲情況唔係咁樂觀…Frankie 都已經講咗自己情況
Artist （包括Mirror 同Collar）幾時返出嚟我冇所謂，只在乎係咪適合嘅時機。製造時機係由公司去做
做娛樂，熱度好緊要。歌手話休息吓…休息一陣好啦…隔太耐又係搞唔掂
3個讚
如果你了解佢地，就知道情況唔係咁，Frankie 講既，嗯……建議你都可以聽返2021演唱會 Alton 棟篤笑同Tiger之前嘅speech , 套路如出一轍。
當然，攤得太耐，佢地受歡迎程度都未必可以返去出事之前咁
但如果可以跨過，相信就有排玩
結果如何，真係無人知
1個讚
想佢地快啲出返嚟又未必係hater嘅，我都想亦認為佢地應該要快啲出返嚟，但我唔係hater亦唔係連登仔，冇連登account
攤得太耐對佢地唔係好事，而家輿論都係同情12仔，因為佢地的確係受害人同倖存者，但時間會凋淡一切，如果隔多幾個月先出，到時輿論唔知會變成點
7個讚
其實仲要諗埋鏡仔自己既意願，佢地個心理陰影事實係一個創傷，我地呢啲塘邊鶴真係難以想像，特別係台上個兩個。
究竟要幾耐先企得返起身，仲可唔可以係台上表演，真係睇吓個創傷復唔復原到。如果為please 觀眾fans 行出嚟，觀眾點會睇唔出，到時可能令情況更加壞。
3個讚
我都覺得休息得太耐，會流失人氣，
1個讚
我覺得可以由宣傳工作開始，始終無嘢做個的仲易亂諗嘢
4個讚
大家有冇覺得自己有啲矛盾，之前都仲一路插花姐插MKV chur 到班鏡仔盡，唔俾人休息，啲工作仲一個接一個。
但依家呢？已經個個話要佢地快啲出黎，如果唔係就keep 唔到個勢
9個讚