間公司個個都要做英雄，要出名，到細節無人監管，花姐原本做節目監製好出色，做演唱會明顯唔掂，仲要分身做埋經理人，魯生做CEO，成日見佢又做劇集出品人，個個好似百足甘多爪，我唔係呢個行業，純粹個人睇法。
呢個係我最唔想見嘅結果
明眼人都知，個台幾咁危險
數漏左，花姐仲要做埋司機，拍埋廣告、綜藝，上youtube 節目，都幾抵用架。
我相信背後仲有一班團隊做野只係唔出名jie, 例如有好多人唔鍾意既am team.
5個讚
Sorry，AM team係指？
artist management team
據聞好西，手上有mirror 就好大牌，對合作單位不友善，極無理，無王管咁。詳細自己上網搵。
我睇個場concert, 鏡仔多謝am team時，我在場聽到噓聲，中細聲，得佢地有。
3個讚
點解從來無人提過簽合格紙個負責人係邊個？ 佢係最終打關者，我做主題公園時，所布機動設施都要運作到一定時數/里數先可以簽合格紙
5個讚
凡事太盡，緣份勢必早盡。
我都算係一個小粉（唔係勁入迷嗰隻）唉～～～ 太急功近利嘅公司，最終害咗呢班有理想嘅年輕人。
佢哋而家要先好好休息，調理好心情先。
5個讚
要比個5， 呢個都係我對成件事既整體睇法，只係私心都唔想佢地呢個時候爆既。
8月仲要去summer sonic…
1個讚
呢度個個都想見到香港mirror亞洲第一天團，
1個讚
傷者已經轉為⋯⋯⋯臨床危殆
咩意思，轉好定唔好
應該唔會好轉，只係唔再差落去
應該向差嘅意思
Oh no
捉鬼獸畢明又高章咗啦…
道德高地只有佢可以企
我梗係想有人落鑊啦！仲要唔係推啲替死鬼出嚟嗰隻呀！
大家冷靜d， 睇娛壹
阿Mo手術須插喉麻醉 伊院公佈按程序暫列危殆 維生指數穩定
香港舞者發聲：忘卻了我哋係有血有肉嘅人
《全民造星》導演Himtos稱好人有好報 壞人要見報
「Dancer唔係用完即棄嘅道具」
MIRROR演唱會超巨屏幕墮下擊中兩位舞蹈員，其中阿Mo受重傷，仍在ICU。昨晚（29日）7點半，阿Mo完成第二次手術，今日伊利沙伯醫院指由於手術須插喉麻醉，按程序暫被列為情況危殆，而傷者維生指數穩定。
舞蹈員出身的《全民造星》導演Himtos，在IG story轉發為阿Mo代禱的信息，並連發幾個po，為舞蹈員發聲，他上載一條在排舞室的短片，寫上：「好人有好報 壞人要見報」又怒斥：「Dancer唔係用完即棄嘅道具，係有血有肉嘅人！」
Himtos本身是舞蹈員，後來轉做幕後，193郭嘉駿參加首屆《全民造星》時，全靠當時任節目PA的Himtos義務特訓他，並為他排舞。當得知193由55強打入40強，他更感動落淚，絕對是義氣仔女。目前他已升為導演，但仍有出手，曾為《造星IV》的Dilys黎蘊芝排舞，助她晉級。今次阿Mo出事，他也為舞者手足作不平鳴。
《娛壹》聯絡上 #Himtos ，對於業界情況，他表示：「呢一刻暫時唔回應，只想Mo情況盡快穩定。」
但他在IG story透露心聲：「細個受傷唔敢出聲，怕影響到個show，怕因為講出嚟，人哋話你報寸唔搵你做嘢，怕No show影響整個表演，唯有死頂跳完先偷偷哋睇醫生，但從來冇諗過自己，突然冇生計要屋企人幫，本身就畀唔到多家用，醫療保險保極有個限度，仲要之後加保費，後續操返身體質素要時間 （好彩嘅就操得返，唔好彩嘅以後唔可以再跳舞）再上台會比以前更擔心，心理陰影冇就呃人嘅！」
他指「喺空中斷wire要自己捉住跳到尾」、「升降台夾腳扮冇嘢」、「喺二樓打個翻落嚟驚到X街都要打」、「台底冇燈趕出場撞爆頭繼續要跳」、「整個台冧咗第日嗱嗱聲搞掂上台」，這些是他和同業的真實經歷，也是他們過去未被聽到的心聲。
「因為The show must go on？點有信心啊！執生？執番條命算好彩啦！咁受傷之後有咩補償？『醫藥費用公司會負責，之後就好好休息啦！』 再之後呢？冇之後啦！之後咪就係停工幾年要被迫轉行揾食咯！」Himtos說。
一個成熟的舞蹈員，往往要花上十多年訓練，「換來只係不公不義嘅對待。安全問題只係其中一個，無論待遇、工資、保障等，都係一直以來存在嘅問題。」
【「再唔行出嚟，年輕一代只會繼續被壓榨」】
「要數呢個產業嘅問題大X把，你是但問一個手足都有排講畀你聽，但係外行人只會當趣事聽，食完花生繼續係咁，根本係出現喺整個產業制度問題，所謂『高層』有自己一套計算方法，如何控制整個產業經濟重要過生態健康，一個人係解決唔到所有問題，唯一可以改變嘅係整個娛樂生態。」
阿Mo在演唱會中受重傷，響起了一個最大的警號。
「今次唔可以再逃避，再唔行出嚟，年輕一代將來只會繼續被壓榨，以前當局者迷，到咗今日雖然我仍然只係呢個生態嘅低層，能力有限，不過都要盡力爭取，爭取應得嘅『東西』。」
過去有太多顧慮，現在身為ViuTV員工，他說這些話亦可能有「風險」，但如今他覺得：「冇一個合適嘅舞台就自己創造。」
「可能喺觀眾角度，娛樂只係娛樂，但娛樂喺一班藝術創作者眼中係生命。香港Dancers必須團結！」
【舞者：唔好再俾夢想綁架，今次唔係意外】
他亦轉發其他舞者的帖文，其中一位以「本地舞蹈界最傷心的一天」為題，寫道：「由day1入行講到而家嘅所有問題，從來都有改變過，喺呢一行，發聲=唔想撈，舞者要專注表演，更加要兼顧重重機關，永遠都加重十斤危險嘅服裝面具，得幾日時間經常要pick up人哋要練幾年嘅雜技道具。未計超時工作同透支體力，最重要係人工從來唔加慘過掃地，利用夢想去扭曲現實需要，結果有經驗嘅好快被迫轉行，然後新人又一個循環。」
「我哋度過咗唔知幾多次『好彩』，但有事時何曾有人關注，『萬能』一早變成Dancer嘅本份，卻忘了我哋係有血有肉嘅人。」
這位沒署名的舞者，希望社會關注業界權益，「無論安全定係薪酬，幾十年來從未有保障，就算有啲長show有合約嘅，利益都永遠只會歸公司。唔好再俾夢想綁架，今次唔係意外，絕對係可以避免嘅人為錯誤，為所有需要負實嘅人追究到底。香港Dancer們必須團結！」
另一位舞蹈員Bongchiu，發文：「希望大家可以好好珍惜香港舞蹈員，要知道走上紅館舞台表演並非易事，我們付出好多心血卻被某些人看似一文不值！我們不只是襯托，不是用來打發時間。」
他們是舞台一部份，「我們把時間、心機、身軀獻給舞台，是值得被尊重！在台上演出看似簡單但背後付出是你不能想像的，請不要把我們看小！香港舞蹈員加油！」
3個讚
我都好想見到
李啟言⋯⋯I swim 啟賢中學⋯⋯
又會咁橋，讀音相同。
因為麻醉要插喉，所以轉為危殆，做手術前醫生已經講過係技術性嘅轉變
2個讚