淩晨好快已無咗
好似1黯幾定12點幾我睇報導佢出咗黑圖，我即入去都無咗了。
馮講得好，香港冇晒人才了
2個讚
出黑圖…唔清楚嘅話係會以為阿mo死咗㗎…
當時仲未知阿mo情況係點…
我今朝都咁同朋友講，加上而家情況咁佢哋都可能會小心D㗎
1個讚
你、我都唔知，甚至魯生都未必知，佢尋晚見唔見到mo 都成問題。
咁多未知情況下，你會唔會為一個重傷嘅人代言？
2個讚
我諗佢個刻只係好單純見到個個用黑圖，佢都表示返
之前dancer 出事，其他人都出黑圖為佢發聲，我諗又唔使聯想到去死既
雖然呢家呢個moment 個個都好敏感，邊度都見到大量負面情緒。。。
1個讚
無point 就話人情緒有問題 
goodest logic
多謝關心，我身心都好健康
留意番 我第一個回覆只係問有冇fc 有冇source
後續都係建議check咗先share，唔好搞到啲資訊咁亂咋喎
一見到有人share 嘢啱自己諗法，不理好醜就share 嘅人似乎比我更overreacted
你求其up啲嘢都有機會中㗎啦 
仲未答我，點解唔俾人評論share嘅嘢真唔真呀？我冇話過要證實先俾post喎，我係建議share之前查證下喎？咁po嗰個唔做，又叫睇嗰個分析，但又唔準我分析完評論？ 
個龍門永遠都係你哋嗰邊嘅
原來分析只可以靜靜諗唔俾講…
btw 跳制嘅人似係你
1個讚
對。傷者既情況都係由醫管局發新聞稿update，正常情況下其他人都知唔能夠對公眾講太多
至於話係咪想淡化或者有無關心之類，我相信傷者同佢既家人最清楚同感受到。做管理層EQ要好高同冷靜，唔係下下要咬牙切齒激動落淚
我都覺得唔好出黑圖，感覺唔係幾好
1個讚
咁就唔關私隱事啦…
唔通醫管局可以講傷者傷勢，但公司唔講得？
你咁比較法，令我覺得係權威主義囉…
交代又要對政府先，公眾放埋一邊…
1個讚
我唔明點解咁都有得好拗
每日打開新聞報導意外，都會講述傷者情況
肺腫、腦出血等呢類字眼都會報道
點解而家會變成私隱？關報保險事？
魯生交代嘅情況的確輕描淡寫好多，但如果唔係實際情況，就等如欺瞞喎
3個讚
佢有責任去了解傷者情況、慰問家屬、向公眾交代
如果，佢講得出家屬唔想講，我會接受
但以今日嘅資訊睇得出，家屬冇咁表示過
醫管局觀察成晚、傷者情況、做手術，所有嘢confirm 哂可以公開咪今日講，同零晨4點幾魯生知道幾多、有幾多資訊喺手，點比較？
公司要有家屬先可以向外公佈傷者既野，呢個係保障雙方既做法。公司亦都不能要求家屬，因為要同公眾交代就要講多d情況
件事已經去到政府層面，連外國媒體都有報導，唔係涉事單位搵個人出黎講就得。由官方出新聞稿，我估係要統一資訊，避免有第二或第三種講法。新聞稿係有一定既規則，公佈幾多資料同點樣用字都有guideline。
其實都已離晒題
連登個邊仲好笑，連教主都拖埋落水
我又OK wor, 只要同今次事件相關都可以討論, 有火花冇問題呀,
上面兩個後來變到人身攻擊(真離題)先被舉報
2個讚
我再由另一角度去講
狀況得幾個：「死亡」「危殆」「嚴重」「穩定」「輕傷」
呢啲係common sense 嚟…
我只係想update 呢啲字眼，我唔係要求有幾多資訊呀…
即時送院公報一個嚴重、一個穩定
去咗醫院幾個鐘，直至魯生記招，「清醒」「ICU」…
咁即係維持嚴重？定穩定？定轉咗危殆？
佢唔講咪得個估字囉…
佢呢種級數，唔應該含糊其辭㗎…
3個讚
仲有啲人話Edan
我唔係fans，但怪責台上表演者真係好唔岩
唔鍾意還唔鍾意
個個係台上都反應唔黎！
唱歌既又掛住望觀眾，耳左帶左耳機
邊有可能睇到，就算睇到，當下都呆左啦！
咁都話佢哋真係本末倒置
3個讚
係啊，都明白人人都有唔同睇法同諗法，所以看待事件會唔同
我以前有份工，要處理突發大型事故，當然唔係全港性嚴重意外，所以會理解涉事單位處理手法。
大約知要處理危機時有乜應對同可以做乜，邊d唔可以做，邊d要配合其他單位先可以去公佈或處理