其實係上昇唔到panic，你唔洗太介意。
我明你意思的。
我只係隨心講吓自己想法，令你困擾唔好意思。
我真係覺得，19年到以家，大家都唔係白紙，曉分㗎啦。
3個讚
有D人已經唔係第一次俾人話佢說話唔恰當，佢都係咁樣自信地回應你個dislike的
1個讚
我都唔係針對你的，唔好介意 
1個讚
個間工程公司實際搵d咩人做大家都唔知，我意思係當中一定係有問題先導致今日意外，係咪因為budget問題判上判或者搵左d自己友做利益輸送，冇人敢講冇，如果好似以前咁正正常常冇問題dancer們係唔會有意見，之前佢地集體黑色頭像就可能係暗示緊一d外人未必知嘅野，但又唔可以直講，你可以話我陰謀論，至於係咪fake news或者fact check，我諗正常人識分析。如果你唔中意我咁講我say sorry。
其實呢單野都冇話帶唔帶風向，工程出問題就一定係，因為part的確係佢負責，唔係話有人帶風向單野個責任先落係佢度。
6個讚
其實大家都係緊張件事，
唔想再有類似問題發生，
演唱會未開始已經有人受傷，
也有舞蹈員提醒安全隱患，
人在江湖，有啲嘢⋯⋯⋯⋯大家都明嘅
安全先係重點，
1個讚
Viu本來應該贏到無影，
罔顧安全發生意外，
結果輸得徹底。
5個讚
醒左嘅人瞓唔番
扮瞓緊繼續努力扮
瞓到豬咁嘅，唔會醒
做好自己
對住豬，做到包容就包容…
唔得就一笑置之罷
2個讚
完美示範左咩叫贏粒糖輸間廠
5個讚
粒糖都要嘔返出嚟，
3個讚
未清楚意外情況，正常都唔會亂講d乜，亦都唔係由佢同係個個時間講。當刻佢要做既係要安排觀眾離場，同大約交代門票既安排，係佢當時能夠做同應該做既事
3個讚
意外相信無人想發生，但當發生咗後，大家係咪仍然可以冷靜去處？ 尤其是咁嚴重意外
- 好多人指舞台機關問題，其實大家有無諗過呢個其實係需求問題？ 回想小鳳姐，藍校長，哥哥時代，舞台上邊有咁多升升降降，左轉右轉？ 大家真係聽講，但而家，當12人吊落台時，大家反應係咩？ 係大叫小心？
- 網上話時間問題，得兩日試台，如果係真，呢個真係大問題，咁多機關，兩日邊夠時間熟習？
- 話花姐唔提取消，大家要知道，整個演唱會邊個係老闆，花姐係經理人，佢有咩權力話取消？ 佢講完之後，大老闆一句要佢賠償損失，邊個幫佢？
- 政府出聲叫停，好多人覺得好應該，但大家要留意，呢個係商業活動，主辦機構未出聲而政府出聲，將來就會引申至政府權力可以介入任何商業活動入面，主辦機構未有即時出聲可能要開會先，11點機發生，唔好諗住班老闆唔瞓，佢地只知有錢袋就安瞓覺啦
5.意外發生原因，設計問題？ 工程問題？ 搵清楚先指責，回歸後，香港好多工程都轉用大陸公司，原因係咪？ 大家明嘅
最後最緊要幾位dancer無事，意外一次都嫌多
18個讚
嘩，唔怪之得咁垃圾
豆腐渣，唔死人都偷笑啊真係
政府介入我覺得係合理，本身演唱會係要政府簽發牌照，有人check過工程消防合乎標準先批出，而家出左事，即是話中間有d野係未知，唔知係check漏定冇check定其他情況，基於公眾安全，的確係應該要求主辦方中止左先，人命關天，就已經唔係商業活動範圍了。
咁當然政府會否借此無限擴張權力，呢個又係另一件事。
5個讚
來來去去都係幾個party， viutv，舞台設計及工程，機械工程，到底viutv 有無慳皮只追求價低搵D平野，定係本身行業就係果幾間公司壟斷，如果前者viutv責任相對較大，如果後者viutv責任較少，呢度唔係新聞報導，係討論區，係可以提供唔同線索比大家追查問題癥結
5個讚
其實我以為嗰幾個電視係永遠FIX死左喺紅館.
睇左好多嗰啲片, 真係好不安.
2個讚
睇完條片, 個情緒真係好鬱住, 到今朝起身個腦都諗住…不斷嘆氣
希望12子同DANCER們都可以振作
3個讚
今朝一早起左身，瞓唔番，希望大家平安
無錯, 其實 fans 入去都係睇鏡仔, 唔係要睇你玩升降台,
day 1 見到個 show 咁就諗起家駒當年係日本個升降台
跌左落黎, 晚晚我都好擔心會有事發生… 結果就咁…
希望 2 位 Dancers 平安康復…
1個讚
對呀, 我由第一晚開始, 晚晚去到9-10點, 都會望吓娛一, channelc
2個讚
我自己估佢地係慳皮要自己攪, 只係知要做咩就搵邊間
公司去做, 唔係咁樣就咁砌埋就係, 好多大型活動其實真
係要花錢比專門做製作既人去攪, 好多細節位監工唔係
話你叫個間公司做就可以, 中間有無專業工程師去睇?
做唔做到係咪可行安全性夠唔夠.