係
教科書真係無計，不過我女個班主任好好
佢知有同學用家姐舊書，會專登影返曬改咗版嗰啲頁數俾佢
我個女由二年級開始都係用舊書舊校服，學校每個學年都回收舊書同問家長要唔要舊書，我想講我個孩子呢基本上每年都係全級三名以內拎獎學金囉，升中時地區名校幾間都收囉，我唔係冇錢呀，係教啲孩子咩叫唔浪費同埋要學識將自己啲嘢分享呀！用舊書就讀書唔好都唔知咩思維！點教好啲孩子
我講出的衹係意見及原因,接唔接受係各人自己唔同稔法.唔浪費同埋要學識將自己啲嘢分享都要睇係邊啲野,唔係樣樣都可以及適合,更何況我都講過用舊書唔係差(唔成日改版既話),我衹係唔想小朋友浪費時間睇舊書學生寫的資料對錯,用自己方式去諗去做先深刻及穩定,這亦都係基礎原理,所以亦都因此從來都唔需要補習,留翻時間去玩仲好. 你的小朋友能力咁好唔錯,入到邊一間讀都冇所謂. 我就從冇要求小朋友要咩名次(雖然年年都攞到獎學金)
自己會買全新
不過大嗰個有幾科都pass 咗俾個細嘅
會賣舊書出去
大概1折至3折視乎咩書
Carousell 是個好東西
其實賣得舊書出去嘅人都會擦哂上面嘅手寫先拎去賣，而買家都會揀無手寫乾淨嘅書來買，正常唔會特登買本有哂答案嘅書啩…
我冇擦
大佬十幾廿蚊本
人工都唔只
可能當年嘅人窮，賣書係為咗幫補買新學期嘅書，大家都好珍惜啲書，會處理得靚靚仔仔先拎去賣，收書嘅人都會睇吓本書新淨程度出價
呢個係好多人中學生涯回憶一部分（包括我
）。雖然而家年代唔同，唔係真係咁多人有需要因家境問題去咁做，但節儉、珍惜呢啲一向係好嘢嚟，係得啲奇奇怪怪嘅人先會咩影響思維掛鉤
咪就係，用舊書會影響思維睇到我好尷尬，歪理當真理，好頂唔順喺BD會睇到啲咁嘅嘢
我個時都係買舊書. 一黎家境唔係有錢.
二來有部分舊書都重好新. 完全唔會影響去學野.
如果要新書改左版先學到野. 我相信個一個人係傻既
人地冇讀書. 扮哂野以為自己個套就係岩.
講埋一埋歪理當正呢度係BD
結果比咁多人話重要跌落地拿乍沙.
再間接曬命自己個女都拎獎學金肉酸到呢
可惜呢隻NANCY大媽鬧極都係要厚面皮去扮野"教育"人呢
咁中學生有時間擦下都唔難
同埋以前要攞去舖頭，可能少啲痕先賣到
依家carousell 自己賣可以註明寫花咗，對方自己買返去擦定唔擦，點都得
我都係想慳，會賣書，都會向同校師姐買舊書
人哋jot down啲notes好多都好有用，有時唔同老師，課文以外引申出嚟嘅point可以好唔同
佢嗰套連佢個孩子都唔慌會聽，又玩分身又盛，啲廢噏唔駛同佢認真
當年係連螢光筆都唔會用，會擦哂啲間線
真係唔使浪費時間同果d 大媽辯論
我果代大把同學用舊書啦
見到有同類好開心
咁當然有啲人係好介意用二手嘅，理解到
我自己以前都有介意過買二手校服俾小朋友，點講呢，即係覺得又唔係買唔起點解要俾舊嘅佢呢
但而家就唔會咁諗喇
因為平一大截執到寶個種感覺真係太開心可能我係ftm，有時會覺得自己經濟上冇乜貢獻，學下善用資源都唔錯，慳到嘅都係用返係小朋友身上，帶到正面訊息俾佢，又俾老公讚
買二手係可以揀過先買
見到舊，接受唔到係可以唔買佢
好多時賣得出黎都真係靚靚仔仔，好企理咁先放出黎
不過介意真係可以買一手嘅
係, 我見到個大媽一開波就話上一手會影響下一手, 真係平行時空,
想賣書嘅學生, 本身就會將本書keep得好好, 因為可以賣個靚價錢。
BTW, 見到上一手notes唔係壞事,
讀書時借過一本1950年出嘅thesis, 當年大學生一樣係thesis做晒notes, 當然係鉛筆, 分得出由唔同人寫, 好nostalgic, 呢D係讀書樂趣, 不過嗰個大媽邊會明
我買舊書比個仔，有d 舊書都係好新淨，買左用到花晒都唔會心痛，好彩阿仔唔介意
當然新版書好無奈要買新
我帶埋小朋友去睇左D舊書, 估唔到佢都好贊成用舊書, 大家一齊睇邊D CONDITION OK
最後都揀左幾本, 特別係D閒科, 真係唔買舊都對唔住自己 
音樂果本係99%新, 4折, 仲有埋書套, 真係無得輸