有呀 姑娘只係叫我兩歲再返健康院 但因為我仔有睇開政府專科 我同醫生講左佢情況佢就幫我寫紙去cac 但我8月頭先去做登記排隊果啲 怕會等得耐 所以想出去私家做 同問下大家意見
請問收費係幾多？
我想問 如果評估左係 到排期做治療 大約要等幾耐度？
你直接打去浸會問 ，我太多年前啦!
我評估完係ASD, high functioning, 之後都係心理學家跟進，無排政府。
讀國際學校，學校有老師support 加定期去心理學家review progress. 而家已經高中啦
我小朋友當年情況同你仔差唔多, 佢2歲2個月由醫生轉介排CAC, 我搵私人(臨床心理學家)做評估(2019年7千幾), ASD, 攞住份報告報政府排S位, 2歲半就排到社署的訓練(唔多, 一個月幾堂, 但只係要俾幾十蚊一堂), 家長陪佢上最好, 因為主要係俾家長學點訓練小朋友), 我就自己再搵私人特殊幼兒導師做訓練(1千左右一堂), 3歲半先排到CAC, 4歳就入到S位.
讀左一年S位(雖然有幾個月冇堂上), 但見佢進步咗勁多, 所以及早發現及早做訓練真係好重要.
搵私家做, 我小朋友2歲8個月時都未識講嘢, 排咗CAC做評估, 見完言語治療師就比我排O位, 當時聲稱排半年(9月先夠半年), 但期間我一直有搵私人治療師做訓練, speech+感統, 而家3歲3個月已經識講好多嘢(雖然都比同齡差少少), 社交同感統亦有改善, 如果你能力負擔得到, 一定係搵私人早開始訓練最好, 政府要排好耐
另外, 你喺屋企都可以做一D簡單家居訓練, 網上有好多資料參考
1個讚
前幾日見完cac姑娘，而家要等15個月先有得做評估…我唔等啦，搵左協康做，但都要等8星期以上先有位，到時我仔就差唔多兩歲，之前睇過一個兒科醫生叫我等佢大啲做評估先準啲，叫我等cac，話唔好曬左舊錢去私家做…大佬小朋友過左黃金治療時期就好麻煩，所以而家都係唔聽佢講
1個讚
好開心，聽到你小朋友咁快就有好轉，有時自己諗諗下會鑽牛角尖，但上網睇到人地講早治療就好多都好快有好轉，等我心都有翻少少希望
但我仔而家20個月，我上網睇好多治療堂要兩歲先可以上，我仔又未到，我想問下你地知唔知邊度有得報適合兩歲以下小朋友嘅堂唔該晒
絕對係，身邊好多朋友細路都係咁
2歲以下難搵，太細好多唔肯做，或收得好貴
想問差唔多2歲，未識講單字，但識聽指令，算唔算係？
首先你要了解自己小朋友邊方面嘅問題嚴重D, 以我小朋友為例, 佢係觸覺+聲音敏感, 社交+專注力較弱, 所以我主要針對呢幾方面比治療佢, 年紀細唔一定要去上堂, 喺屋企都好多嘢可以做, 舉幾個例:
- 觸覺: 佢最初好驚人掂佢, 唔肯掂沙/泥/水, 我就日日同佢玩messy play, 玩剃鬚膏, 動力沙, 泥膠, 麵粉, 去沙灘, 佢最初好抗拒接觸, 唔好迫佢, 比時間佢慢慢適應, train咗一年而家克服晒
- 專注力: 做多D table tasks, 咩遊戲都可以, 但一定要放喺枱做, 迫佢坐定, 可以由1-2分鐘開始, 搵D佢有興趣嘅遊戲, 慢慢拖長時間, 可以提高專注力
- Speech: 除咗搵治療師, 我會喺佢玩緊果陣, 重覆描述佢/我做緊嘅動作, e.g. 媽媽 執 波, 故意好慢同強調咁講, 擴張佢嘅詞彙
- 情緒控制: 自閉小朋友好恐懼陌生環境, 所以我會做好多情景預告, 例如要睇醫生, 就預先喺youtube或圖書搵診所/醫院嘅相/片比佢睇(真實圖片比圖畫好), 同佢解釋咩叫睇醫生, 會做咩步驟, 比個概念佢地, 到實際去到現場就會無咁驚恐
- 社交: 返學+playgroup, 同齡小朋友嘅peer influence真係比自己單對單教有用, 亦比機會佢地適應, 但真係慢慢嚟, 如果佢唔想同其他人玩, 要表示理解
希望幫到你
12個讚
我有fd個女3歲幾先識講野但乜事都無, 只係佢唔肯講, 所以真係唔知架
係 我上網睇左好多 全部都係兩歲以上
自己又唔太識同佢做訓練 好無助
睇書都可以學到?
你試下搜尋ABA書籍
1個讚
可以試下搵專做幼兒既上門導師？
1個讚
唔一定, 因為言語遲緩只係其中一項特徵, 部分自閉小朋友甚至沒有speech方面嘅問題, 有D小朋友係late talker, 真係會遲講嘢, SEN小朋友通常會有埋其他感統方面嘅問題
1個讚
負擔到的話，先去私家測試，再去一些包含各方面訓練的中心，咁可以知道仔仔要乜訓練。
雖然貴，但可以早尐訓練，值得的。
1個讚
我仔仔係唔識講野 言語遲緩，好少眼神接觸 迴避人目光，唔識聽指令，同社交 唔鍾意同人玩，感統果啲又好似無咩問題