你爸媽有無真係同你大大佬開聲講希望佢帶你地過去? 你地有無開口同你大大佬講? 你大大佬拒絶你地, 所以無一個細佬妹跟佢移民?
如果樓主要報恩，唔一定要個兄弟幫你報，你自己都可以報到：
堂細佬離港個陣封返去大利是比佢，等佢多啲錢傍身
堂細佬過左去你都可以多啲聯絡，傾下計已經好好嘅幫助
堂細佬唔係香港，你咪約多啲叔嬸，幫佢睇住老人家。
做齊呢啲已經好好啦，唔駛叫人幫。
11個讚
Btw, 堂弟未必想同個廿幾年冇見過嘅所謂親戚做節㗎wor 
對佢來講只係有血緣嘅陌生人
4個讚
同情一下樓主，細個有好多不滿，未有地方發洩處理，家人亦未必理解。你個移民兄弟以前可能真係唔識感恩回報。
不過堂兄弟移民呢單，就真係絕對唔應該覺得兄弟會照顧佢哋。任何人移民，依靠親友嘅基本上都不會被理會。我朋友幫咗我一兩次都好厭煩唔理我，我都唔好意思搵佢啦。
係英國，幫新移民港人係好大嘅禁忌。好多鄰居為此反面
過節就太離譜啦。去外國無過節呢件事，我同自己屋企都唔過，如果有任何親人要我係外國過節，我一定發脾氣。
樓主未移過民可能唔明，但放低呢個期望啦
6個讚
叔嬸唔係成家走，只係堂細佬同老婆，我堂細佬都有叫佢一齊食飯。今日係同大大佬好似平時咁whatsapp傾開計，我先同佢講。唔係無事不登三寶殿嗰種
傾閒計唔駛咁勞氣, 你大大佬其實真係答得好得體㗎, 佢同人哋唔熟, 真係冇得勉強噃
1個讚
咁由返堂弟親自同佢講啦，人地可能只係禮貌上食餐飯（甚至可能只係禮貌上應付下你，過到去根本唔會搵人食），未必想被人幫、過節一齊食㗎
大家成年人，你何必做埋啲雞仔媒人
6個讚
可能呢句睇落好寸啦，不過如果我收到你大大哥親自種嘅野都幾開心。
可能真係因為樓主大佬移民太多年，對屋企感情唔深，又或者唔係親身感受當時屋企有幾困難，因而眼不見就當唔知或感受較低。 而樓主係同家人至親，怎至對 叔嬸所給予嘅幫忙眼親所見同親身感受，加上在華人文化中長大所以覺得 得人恩果千年記。
始終喺外國太耐都會受佢哋文化所影響，就如未必個個會供養父母一樣。 樓主咁諗會唔會舒服d?
2個讚
自己知自己事，財力不足，完全冇諗過移民。所以唔係因為佢無問而心有不甘。
係一直一家人都幾好關係，如果為左細個無得去旅行嗰d好介意, 都唔會佢移左民快三十年都仲個個星期whatsapp喇， 如果為左家用，早就斷左纜十五年了。如果係為以上早就無聯絡了
1個讚
無家用比，分擔埋佢嗰份十五年，要借堂細佬先出到呢啖氣？人唔笑狗都吠
我有個親人又係，阿媽錫曬個拉仔，其餘兄弟姊妹為個家搏曬命。但最唔理屋企就係個拉仔，兄弟姊妹都怨佢。
但其實，我旁人睇，問題出喺個阿媽身上。
無論個拉仔對阿媽幾冷淡，阿媽都係最錫拉仔，係反而會令個拉仔更加討厭阿媽。拉仔因為自己都唔想要嘅愛錫，仲要俾其他兄弟姊妹憎。
作為拉仔，如果諗得通嘅，應該遠離呢個家庭，唔好俾阿媽太多機會幫到自己，唔好再和呢班兄弟姊妹太多瓜葛。
移民真係最好嘅遠離關係方法。
有時文字表達唔到語氣啫，對家人/谷友既說話唔好太上心。
我都感受過有D谷友既回覆有時係咩D既，自己睇開D啦
4個讚
谷友係太刻薄啦。樓主係辛苦嘅。
新一輩唔會覺得要照顧父母架啦，更加唔會照顧兄弟姊妹嘅恩人。唔好再有期望啦，睇開啲啦
3個讚
又係你自己話氣頂嘅
同埋我真係唔明點解要拉埋細個阿媽俾大佬出去讀書要你地捱呢單野出來，根本同你堂弟移民冇關係，好明顯係咁多年積落
有時兄弟不和，係父母一手造成
1個讚
有冇不甘都好啦，你唔應該將你堂弟放上台，你地呢房人家事自己關埋門搞掂佢啦，唔好搞到叔嬸一家
叔嬸帶埋堂細佬上大佬屋企見面先
咁咪由佢哋互動囉，或者食完後唔會再見，又或者發覺好啱key日日見，由佢地兩家人自由決定啦。
先唔講報恩呢個理由，你又要拜托人幫忙堂弟，又要過節食飯，真係做多左，成件事得你一個係度嬲
4個讚
樓主點解堂細路拒絕你，你會氣結？覺得人哋唔領你情？ 
你想幫人，人哋唔想你幫，其實都好正常啫。你係嬲佢拒絕你，定係嬲佢好似唔想同你有聯繫？