唔儍呀!我都試過
來來去去都係喊同喊,唱K 喊,坐車聽歌又喊。傻到佢生日(分左手)特登學整蛋糕,襯佢返左工,送個蛋糕去佢屋企,佢媽安慰我。
個個女仔都係咁啦,我都係爆喊,不吃不喝
到我飛人,人哋又係咁,但我明白個心態:覺得對方好討厭,點喊都冇用,愈喊愈憎tim
唔知有無人好似我咁癲
試過係佢樓下等佢、睇佢啲垃圾、係佢面前扮衝出馬路、send 假既𠝹手相、買‘和合‘既牌etc…
諗起都覺得自己好傻
中學初戀分手喊過之後,以後分手都冇喊過。
初戀失敗後,成個心好似冇咗一大塊,幾年之後先好返。
我個fd帶我去搵盲公龜殼占卦 仲錄佢音
Google search “賤男,報應” 等字眼
當時 ex 20歲,佢生日我買咗 20 份禮物送俾佢。我仲有去大埔林村許願樹拋寶碟
想跳樓
訓唔到覺
可以好耐唔食野,都唔覺得餓,以為自己患左厭食症
收埋自己係被竇入面喊
唔想見任何人
我冇咩做過傻事
但覺得為男人傷害自己身體就最傻
唔係曬命
我未試過分手,雖然曾經想飛人,但我諗起飛人都有啲心痛嘅感覺,最後冇飛到,仲同初戀唯一的對象結咗婚
其實我都想試吓失戀嘅感覺
我估我都係唔食唔瞓,日喊夜喊嘅人
咁最後點好番?
我以前都係好似你咁諗
但遇到一個真係好愛的人,
時間
果時岩岩卡係番學同番工之間,因為另一半同番學有關係,唔想再面對同學,我就選擇左番工
仲有電話號碼、fb之類既野,全部換晒
因為果時仲係學生,未有錢租屋,如果唔係、我都會搬去新地方
嘩你好勇!
我去飲灑,但我其實唔鍾意飲酒,夾硬飲唔飲到自己唔清醒,之後坐喺公眾地下 toilet, 一有人入廁所同佢say hello
而家睇返轉頭,覺得自己好低能
梗係知,但係完全控制唔到
我最多係佢出現地方等幾個鐘 仲要一次咁大把 通常都係 喊幾場就算
有試過類似,個時係大阪,係地鐵見架車來想撞落去,好彩冇勇氣咁做否則真係對唔住父母,又試過收工去佢工作嘅地方同佢’講數’,鬧佢浪費我青春,諗返都覺顛