基督教好彩源自外國，只要家長有信仰或肯糾正小朋友，基本上係救得番。
除咗班心繫祖國個班腥移民子女就有機會被洗腦式教育洗腦，可能會信耶穌係中國人。
其他好難
會令到小朋友變得好矛盾
學校教一套
屋企教另一套
歲數細，未涉獵到考試還好….
如果去到中學，考嗰科係國教，要答問題…涉獵到分數成績的話
就十分難做到！
咪即係教個小朋友虛假、不能做自己心目中所想
2個讚
我覺得好睇家長點樣教
我已經同讀高小嘅仔講某啲歷史以前同而家/將來會有唔同
某些國家點掩蓋真相
但我同佢講所有嘢都只可以喺屋企入面講， 千祈唔好喺街講
但Nancy/新移民家長一定唔會
6個讚
中學以上嘅我有信心，本身係藍/粉紅另計，
小三至小六亦知發生緊咩事，需要長時期少少先洗到，亦視乎學校幾愛國、父母咩色、學校同學係咩人。
但小三以下真係好唔樂觀
1個讚
信仰未必有幫助，大把教會高層都紅
5個讚
大陸咁多小粉紅，好多係因為佢身上面老一輩都係膠，佢地唔會教，淨係識生
但我會話，我自己跟緊d教育，盡力而為
我都知好難，幼稚園到小學嘅小朋友都好難會明。我小朋友k2最近問我71點解放假，唯有將史實講出嚟，香港由英國統治回歸中國，小朋友有假放有得玩就夠。
到中學開始有判斷能力，到時再教應付考試係一件事，史實係點就再另外俾資料佢自己睇。又唔係教佢做人虛假，只係考試為嘅係分數，教科書唔係絕對正確，都會有出錯。
1個讚
係！盡力而為，唔做就一定會洗腦，做咗可能冇洗到咁盡，critical thinking 要由細開始培養！
2個讚
有個Nancy朋友社會運動果陣話最緊要唔好影響佢
而家佢個仔要接受愛國教育
等睇佢個仔大個變小粉紅
1個讚
呢個係事實， quote 句經文，叫信眾順從權貴，話神安排得佢做一定有原因，你啲凡人唔會明。
所以，唔好以為小朋友在教會長大會好啲。
我覺得呢個先最頭痕，父母努力灌輸之後佢哋要承擔嘅嘢，長大後出聲，犯法。唔出聲，鬱喺心入面，仲要俾班廢老、小粉紅喺側邊講廢話而唔可以反駁。
1個讚
聽返我媽講嘅經驗，係一定會，因為中國係改哂d歷史來教學生，唯有靠家長同小朋友講返要將d野調轉睇同講返個真相出來，但會咁做嘅人係得好少好少，所以長遠來講係一定洗到腦，起碼8, 9成人，你睇大陸幾成功
1個讚
真人真事。以前有同學去大陸exchange,幾個exchange student住一間dorm, 有一晚有個大陸學生突然入佢地房，將好多禁忌野講出來，包括64，佢話佢父母係公務員，佢連同朋友都唔敢講，怕會影響到父母，佢只有係嗰間dorm先呼吸到自己空氣
1個讚
半年前討論過類似嘅topic
唔知半年後大家嘅思維有冇唔同
高小/中學以上就應該無咁易洗到。
初小以下就洗硬架勒。
11間名校生奏唱《我和我的祖國》
為慶祝香港特別行政區成立25周年，教育局邀請多間傳統名校，包括拔萃男書院、拔萃女書院、協恩中學、喇沙書院等，以歌聲及管弦樂參與《我和我的祖國》音樂錄像的製作，期望學生可了解歌詞的意義，加深對中華文化的認識之餘，亦培養學生的家國情懷和國民身份認同。
1個讚
其實大方向大家都認同係會洗㗎啦，只係半年前有班人單單打打話香港家長點教都冇用云云，所以先乞人憎（唔通走左就可以唔教？留低就任由自生自滅？）
3個讚
走咗更加要教，香港人聲音靠離開嘅先可繼續傳承。
唔係話留喺到自身自滅，只係教完就面對兩難嘅局面。
可惜嘅係，離開嘅小朋友，尤其細嗰班對香港唔會同我哋一樣有歸屬感，隨時講俾佢聽都唔會咁感觸。呢樣嘢我都喺另一post 講過，係現實，下一代接觸嘅生活、文化同我哋唔一樣，迫佢哋唔到。
4個讚
我小朋友學咗都會唱俾我知。之後我會同佢講，你唔洗再唱俾我聽喇。
其實都係主題，只要過咗個主題，家長係屋企唔再講亦唔好俾機會小朋友溫故知新，小朋友會好快唔記得。（當然佢真係記唔記得另一回事，只少小朋友少咗一個渠道同我宣揚愛國）
講真，係得呢個論壇嘅絕大部分家長，都知道年幼仔女留低係香港，接受教育嘅後果係乜嘢。
但因為種種唔同嘅原因， 走唔到，要留低。離開香港嘅人，尤其係呢度打躉嘅會員，應該俾多D同理心，唔需要覺得走唔到嘅人，係自討苦吃。
我覺得如果咁有精力單打留低嘅家庭(BD)，不如自己走過去亡國，同嗰班藍絲大媽，唇槍舌劍一番，咁做，我覺得有血性。
24個讚