如何忘記一個人?

時間可以沖淡一切

有時候躺平可以解決問題

唔好逼自己忘記, 因為從來越想忘記, 越會諗得多
過好自己每一日,充塞吓自己個時間表, 忙到係可以一上床即瞓, (返工, 做運動, 搵朋友食飯都可以)
俾時間自己走出個傷痛, 唔好高估自己嘅康復程度, 終有一日會覺得對方變得微不足道

1個讚

簡單兩個字,就係「時間」。當然因人而異,有人用3個月,有人用30年,如何選擇,只能從心!只有放下才自在,只有你自己才幫到你自己,旁人無從幫忙。

1個讚

無需要刻意忘記佢, 愈想忘記就愈難忘記!! 係唔係真係無寄託, 所以先會特別諗起佢?! 去到外國, 不如搵啲細藝做吓, 種吓花花草草, 太得閒就識吓啲鄰居, 得閒搞吓GATHERING, 再得閒啲就睇吓有無義工可以做吓, 幫吓人!! 無時間就唔會諗起!!
不過我認同樓上JM 講, 愛上另一個係最好既忘記方法! 當時你要真心愛另一個人, 而唔係因為要忘記佢, 求其搵個人一齊啦!! 加油呀!! 時間一定會淡忘一切~

1個讚

認同。
我記得樓主嘅故事,不過我地係人唔係電腦,唔可以按個delete 制就可以刪除依個人嘅記憶。

唔好要求自己忘記到佢,接受佢係你曾經嘅一部份,你就算偶然諗起佢,其實都好正常,由自己諗起佢一下,然後話俾自己聽:“係呀,我諗起咗佢”,然後就夠架喇,唔需要再諗其他嘢(嗰啲點解、如果點點點就無謂諗喇),由個念頭輕輕走過去啦。

2個讚

依幾日整理電腦D相, 睇返同依個男仔既相, 由10幾年前識, 到一齊影畢業相… 到上年佢就咁走左去… 我以為自己再睇到佢個樣會情緒激動, 唔開心… 但又無喎, 好平靜, 感覺有點唏噓, 不過係覺得佢成為左我歷史入面既其中一個人物而已, 我就當佢只係一個曾經玩過我既人吧。

可能我真係放低左了…

3個讚

絕對係好事,記住:外面世界好大,一個唔愛你嘅人只會浪費你時間

1個讚

係需要時間
唔係話咁易放低
首先唔好再睇佢social media 先

渣渣淋識過另一個伴侶,新感情有激情,就係最好治療良藥 :upside_down_face:

這樣來得多自在:+1:

1個讚

小弟都用咗18年但仲未忘記到一個人…

忘記唔到就索性當佢做回憶或教訓,然後變成成長嘅養份。

18年都忘記唔到一個人真係好辛苦

呢啲係執念。求不得之苦,心病仍需心藥醫,到底佢同你之間你有咩未放得抵?有咩說話想同佢講?同紙筆寫低,將心底話都寫出黎,之後撕爛佢,丟去好遠嘅地方。心理面同佢講再見

希望你成功擺脫呢種執念

1個讚

多謝你既回應, 其實我試過好多方法, 包括你講既… 甚至係去第二個地方重新生活… 可惜就算是過左新既西曆年, 農曆年… 他仍然是一直在我腦海裡, 件事忘記唔到…其實真係好痛苦, 我亦都唔知再可以點做

完全明白你感受。無端端久不久也會想起舊事,但總是刷不走記憶。

我那個18 年前的人今個月結婚,聽到後心裡面很難過但表面上要死撐扮不在乎。其實我一早已經moved on,只是執念太重、不甘心、吃不到的葡萄是甜的。好采我沒有那個人的電話、面書、IG等等,不用見到任何不想見的畫面。

1個讚

另一方面唸, 其實係咪迫自己接受現實是一件好事? 例如睇佢既婚照, 迫自己痛一次, 可唔可以令自己死左條心?

你moved on既意思係你都有自己既伴侶了?

明白的,我曾經都試過好努力忘記一個人,但原來你想忘記,就會忘不了。正面面對、承認呢個人曾經對你好重要,回憶重組一下大家一齊嘅點滴,消化成段關係,去理解一下佢離關嘅原因,接受分開的結果。比啲時間/空間自己接受,想哭就哭。佢只係人生過客,時候到了大要分開,接受緣起緣滅,但發生過的快樂時光係永遠長存,冇人可以拎走。

加油!

1個讚

我心入面都有一個人
好多年冇見 但我會睇佢fb 留意佢
竟然上個月比我撞返佢
我地好似當年咁吹水
之後我有事做走先
我心入面係有佢
但到真正見到又唔係太大感覺
可能我只係懷念往事
我尋晚發夢又見到佢

1個讚

道理我是明白的, 但總是放唔低件事… 我係覺得佢不明不白咁走左佢, 我實在係了解唔到佢離開既原因, 或者依個就是令我最辛苦既地方。
同時, 我會幻想有一日佢會再返黎我身邊, 重新開始, 我知道真係太傻, 但可惜我真係有咁唸, 我控制唔到自己既想法, 好無奈…

1個讚

我發覺其實我係已經去到喊唔到, 依種係欲哭無淚既境界, 係無奈, 咩都做唔到, 淡淡然既傷感… 仲慘過喊到出黎

1個讚