無謂嘗試改變其他人的想法. 走是自己的決定, 自己的生活自己負責.
無謂爭論香港會唔會變好/衰, 走左6年後可以回流, 人生多一個選擇, 唔想走出comfort zone的人會用各種藉口合理化自己的決定.
1個讚
佢成日攞97前果次移民潮嚟講, 話D人最終咪回流乜乜七七, 反而錯失左黃金時期…無地方好得過香港…
移民咁大決定, 一家人唔齊心好煩 !!
問佢我去左外國你會唔會唔捨得我跟我去外國? 我都係你家人.
如果佢唔捨得你, 應該跟你去外國.
否則… 唔洗我多講
咁講仲搞笑, 佢會話兩邊都係家人喎, 本身可以兩全, 點解要迫佢??? 佢先係受害者喎 !
鬧鬧下會鬧埋英國, 整個BNO VISA出嚟搞到人人都話走, 有無問佢想唔想要!? —> 你話聽到咁係咪覺得佢CLS! 當你話佢藍絲自私佢就話佢係綠色和平喎!
2個讚
我果個又係唔肯走, 想同佢傾佢次次都唔出聲, 只係一句無錢, 根本就係唔想走出comform zone
同佢解釋, 客觀環境已改變, 兩邊家人已經唔可以兩全, 你必須作出決定. 誰是受害者不重要, 因為這是你的決定.
反覆之下, 你就會了解並作出決定.
1個讚
政治影響經濟係真喎
我身邊嗰個而家直頭唔再同我討論走唔走既問題，如果唔係因為不是一齊走會影響入藉，我就會帶小朋友走先，佢去唔去都唔理
我都有同一煩惱，我都甚至有諗過離婚或自己先去。但如果我走係為左小朋友，咁無左爸爸既小朋友有咩影響。
我衡量過之後，我屈服，因為我覺得爸爸既角色都好重要。為左小朋友，我就咩都願意忍受。
我都有同樣問題
小朋友一歲
長老有長期病
老公唔想放棄香港嘅一切
特別係我同佢都喺事業增長期中
覺得移民成本好大 乜都要重新嚟過
我自己其實想試吓外國生活 不過老公唔想
就暫時打消念頭
無辦法 兩夫妻如果意見不同梗有一個要妥協
2個讚
小朋友都屈服, 冇左終生英國自由學習發展的機會.
爸爸對小朋友的影響較長, 還是終生自由學習發展對小朋友的影響較長?
還有小朋友的下一代
1個讚
交稅、強姦金已經係啦
約一年前有一日我提出想走，佢好爽快話好，好興奮好開心，因為留喺度實在太抑壓，我自己好辛苦，呢個環境對細路仔都唔好；近來拋咗一個大學學費嘅問題出嚟，再慢慢發現另一半壓根唔想走，我唔明要有幾多錢幾有安全感先夠，結論就係 - 我同啲細路唔值得佢去變，除非個天無啦啦跌幾百萬比佢
呢啲情況完全可以清楚我哋係佢心目中嘅重要性⋯⋯Extremely sad but true.
3個讚
我覺得，決定得結婚就要共同面對所有困難
都唔係講句理念唔同就話離婚
當然小朋友係好重要，但佢地成年後都有自己人生
你伴侶先係到你行到最後果位
真係移唔到民都可以努力啲送佢地去外國讀書嘅
好似某國啲膠官子女咁
3個讚
你小朋友幾大？我嗰個傾嗰陣已經13歲，佢中一已經要zoom，教得好嘅老師走晒，連跟開佢嘅補習老師都走埋！所以佢對去英國係好正面，因為佢好多好好嘅小學同學都去咗英國，佢話就算唔同區，同一時區個感覺都近啲。
而且計過條數，BNO VISA用嘅錢係少過Student visa嘅錢（因我會陪埋過去），所以我老公屈服，俾我同小朋友自己先過去。
1個讚