我都有同佢講過疫苗通行證唔會成世都喺度
忍耐一排
所以我有時都邀請佢上嚟同我屋企人一齊食飯
唔使成日喺停車場度食
但係佢真係好似好想堂食 周圍去睇戲咁樣
可以打邊爐食韓燒嗰啲
你另一半也是這樣嗎
我有時會邀請上嚟我屋企食飯
偏偏佢住到山旮旯咁遠嘅村屋
入去都費事 真係好遠好遠
但佢就唔係好想上嚟食飯 因為我屋企人都喺度
佢就想出去二人撐枱腳嗰啲
是，打齊，我一針也沒打.鬧完佢佢無再提過，（我也心平氣和分析過我嘅想法立場）
1個讚
我都係堅持不打 不過佢比說話我聽姐
1個讚
如果佢為咗吃喝玩樂而想你打金，我覺得有D過份。某程度上係將你既健康睇得低過飲飲食食。
我會建議你同佢認真傾下。
我都係好遲先打金，第一金係4月頭，一直唔打係驚，而我老公一早被要求打，我話唔打佢都冇咩，直至佢身邊9成同事都中左，佢每日番屋企就超緊張咁消毒，我叫佢輕鬆D啦，中咪中囉，佢先講「因為我冇打金，驚我中左就會好嚴重」，聽到佢咁講之後我就即刻預約，因為我既驚打金，攪到佢每日都咁緊張消毒，我過意唔去。
希望你男友都係呢個原因叫你打金啦…
1個讚
我只會用健康理由叫人打針
今日可以為食飯, 明日可以為旅行, 但就無為過你身體健康, 值得一齊過人世?
第日嫌棄你身體差，要照顧埋你
個男朋友有問題
， 唔可以堂食真係咁大影響咩，有得唔打梗係唔打啦，我比公司焗打三針，頭一、二針算無事，但打完第三針成日feel 到針口痛，久唔久又心口、鎖骨位置痛一痛，我依家都唔知去唔去睇醫生好🥹，老老實實，我屋企都有人一針無打，之前屋企人有人打兩針照中（中咗自己好返，醫生都無睇），但反而一針都無打嗰嗰好哋哋，我有時都唔明，做乜鳩係咁迫人打針
打針有打針嘅好處（應該係）， 但人哋唔打亦唔應該去迫人打囉，自己嘅事自己決定，傍人唔應該迫
1個讚
除左停車場＆你屋企
仲會唔會有其他地方係可以俾到你地兩個一齊食下野？
去你屋企一齊食，你屋企人响度，咪冇得二人世界？
打邊爐食韓燒呢啲有冇考慮過外賣？
有冇黃店做緊唔清楚，要再搵資料…
利申：我冇睇哂其他人寫俾你既comments/建議
只接受打針係巳注冊，經過多年臨床經驗及有效愈防疾病（好像天花，德國麻疹等）而打針。
為份工打係無奈，因為一家幾口要養。
不接受為堂食，睇戲及去旅行而打。
不過又明白拍拖通常都係行街睇戲食飯。已婚嘅就話外賣自煮啫
呢啲問題都反映到雙方嘅各不相讓，如果呢様嘢都冇辦法妥協，咁要諗下點樣可以繼續一齊行落去
去d 有情調d 嘅地方食外賣會唔會好過喺停車場? 例如西九、赤柱堤壩、西貢海灘、石澳後灘、汀九海灘、欣澳堤壩, 甚至有d地方可以坐喺車入面望景, 例如葵涌貨櫃碼頭橋底、飛鵝山。上面有d 仲見過人開埋野餐枱開餐。
3個讚
身體係自己嘅 男友應該諒體愛惜你先係丫 有車可以喺車度食已經算好好 
我都想講其實食外賣都可以好有情趣，唔一定爭係屈喺架車，只係爭在你哋有無呢個心思啫，為堂食同娛樂去打針真係好反智，有乜野重要得過健康？而且打針係個人嘅選擇，佢係愛你嘅就應該要尊重
3個讚
多謝建議
謝謝理解
堂食都係咁迫, 又要等位, 外賣番屋企食仲舒服啦
但係你地宜家有無得上對方屋企呢?
咁呢段時間你地拍拖有咩做咁?
講得好呀!
價值觀不同, 一律分手處理
以前太平盛世(比依家好D喇), 就話忍得就忍, 大家互相體諒, 有愛就咩都可以解決
依家個環境, 今日唔知聽日事, 早知唔對路就搵過其他, 冇咩時間浪費
3個讚