唔記得有呢件事，估唔到有叻過醫生嘅時候 
我媽有一次過左黎，
見到部自動吸塵機，
充緊電，
我媽見到以為係電子磅。
成個人企左上去，
部機開始郁，
我媽好大聲講（嘩，點解識郁嘅，嚇死我真係。）
我家姐係到偷笑
。
2個讚
豬隊友係唔會煲水，我歸類佢為唔識煲水，有一期我病到死吓死吓，點解屋企冇鬧水荒？因為佢寧願開咗支2公升（for制水用）嘅蒸餾水嚟飲都唔去煲水！
2個讚
叮蛋會爆炸
有同事試過
蝦就唔知
我有長輩都試過，不過好在未成個人上去
我見過一啲女人係咁，唔係後生仔女。
仲要proud of 自己唔識、唔知。
無知唔係褒義嚟㗎，係咪白痴㗎
唔識就學啦！唔知就聽人講啦！
對住呢啲人真係反眼反到後腦
2個讚
通常草根扮高級先會proud呢d
1個讚
我隊友成個家族，都清楚明白唔識唔學就唔使做，所以好多生活常識都冇，等其他人做！
不過起碼識返工
1個讚
學咗好啲囉
拿，你生活年代因為冇fax machine, floppy ，電報，舊電話呢啲而唔識， vs 唔識滴露，唔識煲水，唔識個電器發泡膠呢啲 current 嘢係兩碼子事喎
前者明白，後者白痴
5個讚
exactly，柒就柒啦
年代代表 
見證住「撥個輪」去打電話
提起會想講：
家居電話有一短時期，由有線進化到無線 
煲電話粥唔洗拉住條線勁方便…雖要差電啦… 殊不知 
呢個年代直頭進步到只要有wifi+手機就夠用
想知道有冇人屋企都一樣 
飛起固網、淨係要寬頻上網？
我就係呢啲人啦，不過對工作無咩影響。當時份工剩係搞電腦。
滴露我真係做咗媽媽先識。
打邊爐我到而家都唔識，我嘅方法係唔打邊爐，因為唔鍾意食，唔阻著人就算。
Fax機到而家都唔識用，我份工係要fax，但公司用all in one機，未所以見過fax機。
滾水係識嘅，細個有學。
肉點為之熟，我最近先識。因為有咗好多簡易嘅煮食youtube channel 。
我連買衫，都係結咗婚先識。以前媽媽會不停買衫，我罵佢都唔停，太多衫著，無機會買。到我嫁咗，佢仲係咁塞衫俾我。終於有一日，我係佢面前丟件衫落地下，佢終於唔再幫我買衫。
諗返起上嚟，好多生活常識嘅嘢，我媽都會搶嚟做，罵佢都唔肯俾我做。所以我要搬走後，先有機會接觸。除咗電腦，因為阿媽唔識。
到今時今日，我仲有好多常識得未學識，努力緊
然後我識一個和我同情況但更嚴重嘅朋友，佢父母咩都唔俾佢做，咩都管。但朋友未結婚，無咁易離開呢個環境。
我仲可以發脾氣丟走阿媽俾嘅嘢，但朋友嘅父母會用伙食，水電，鎖匙，半禁錮手段控制佢，咩都唔俾佢做，難搞好多。
佢千辛萬苦搬咗出嚟，儘量避見父母，但仍然有好多生活常識係未學到，生活工作都好艱難。
真係唔奇，呢個年代仲有幾多人要寄信⋯⋯
小學常識科有教嘅，冇聽書咪唔記得囉～
2個讚
所以e+D自理營成行成市，因為發現原來自理在家真係未必學到
唔知係咪生活常識
我有一個就嚟30歲啱啱做咗人母嘅同事。。。
以為一年之中只有8月15先可以見到月圓
(冇sense 兼從未抬頭望過天？)
1個讚
中學時同啲女同學整烚蛋, 佢地煲左一煲大滾水然後放啲湅蛋落去.
1個讚
我屋企唔鍾意打邊爐所以次數真係一隻手指數得曬，都係靠感覺。如果係牛肉嗰啲仲可以睇到顏色判斷但魚丸墨丸呢啲真係估估下。
滴露我睇電視見過，但如果係講緊洗衫落幾多就真係估，因為以前大學住宿舍洗衫用洗衣粒所以用幾多洗衣粉/洗衣液就真係估估下。
水滾識，細個睇過阿媽煲水。
講起買衫，我好少買因為買返黎阿媽都話樣衰冇 fashion sense
同事叮奶黃月餅叮到響alarm
1個讚