曾經中學既好姊妹係2019年後，發覺都係藍/港豬。。。再唔係就移民
慢慢已經無曬朋友咁 
雖然有男朋友，佢仲好錫我嘅，
但有時見佢同身邊既兄弟會WhatsApp 下
都難免會羨慕。。。
而且初初可能都會覺得好舒服好自由
但時間耐咗，其實真係會寂寞
人大咗真係好難識人
有冇人有興趣同我做下朋友 
好想有朋友可以得閒約埋食下好野，行街shopping，咩都傾，仲要係黃
7個讚
呢度啲年齡層比較高， uncle auntie 比較多。
係真架，之前見到有呢個投票
btw要搵黃既人，呢度係一個合適平台，不過我見有其他人開過post搵朋友，好多回應都係叫果個人傾下偈就好…
認同…我自已都好想識朋友
畢業後返工本身都有一班朋友
後來大家各自有家庭小朋友
慢慢大家就冇再出黎聚
都依家想聚 又輪到佢地要照顧家庭冇時間
一係佢本身藍
已經自我疏遠
近年走得嘅一個一個移民
成班朋友中我比較早婚 現左小朋友已經中學
又冇能力走
所以開始想識D朋友可以陪下去街食飯行山去旅行
又可以乜都傾一餐 又可以鬧下時事(純呻都好）
玩交友apps 又驚遇詐騙
人大左交朋友真係好難
2個讚
就算孖生都有看法不一的地方，100%夾口型無咩可能，8/9成夾到已是已高，除非唔夾嘅地方係不能接受，最緊要了解，知死穴底線
大過左反而會覺得，朋友唔需要勉強，唔好為識而識，同埋有時要接受一個人盡興。
識朋友唔係好難，但係唔代表會開心同埋被理解。
如果太多同D唔係好夾嘅人為聚而聚，其實都相當於應酬。我自己對於識朋友本身open，唔特登周圍去識亦唔抗拒，不過唔會為左迎合而去將就D唔喜歡嘅場合。
2個讚
最近好多關於討論友誼/想識朋友既post，我之前都有諗過有冇可能响bd識到朋友……睇黎大家同是天涯淪落人XDDD
要指明識黃既朋友，真係好難度比較高
就算去興趣班都難識，朋友都講緣份，亦要時間維繫
可惜我唔係時間管理大師，服侍一班主子都夠我忙啦
曾經好擔心自己出嫁無姊妹添呀 
我都想識吓朋友
係到吹下水都好呀，有咩係到呻下，就算冇見過真人都可以做網友
逾大逾少朋友好正常。價值觀逾黎逾唔同，而且好多結婚生子之後都唔得閒。
1個讚
以前細個一開口咩都講, 好易識到新朋友
(我自認吹水怪, R水吹)
大個左, 我都仲鐘意識朋友, 咩都傾一餐, 但
有左黃藍, 自問請野都小心左, 你唔知對方咩人
係到傾, 暫時都可以解我吹水之愁, 亦有好多熱心人幫助解決我既煩惱
有咩想傾, 都可以傾下, 起碼唔使咁悶
(前幾日, 有個中學同學閃左去UK, 佢亦係我第一個係FB 出post去左UK, 感覺好唔真實, 不過本身都係無咩連絡, 都係FB like下post個D)
其實我都唔知算唔算少朋友，以我呢個年紀(4x)，我又覺得夠喎。
知心好友有6~8個以內，主要都係中學同學同埋舊公司嘅同事，而家見面嘅時間真係越來越少，疫情呢兩三年，有啲都只係見過兩三次，但一見面就可以講好多好多好多嘢。
另外有一組1x個朋友，係我同我先生嘅common friend，有某部份都係舊同事，基本上兩三個月就會出嚟見一次，每次出嚟都有食飯、行山、游水甚至去旅行嘅活動，同佢哋未至於好交心，但係全部都傾到計。
但我都好慶幸佢哋全部都黃嘅。
yes，得自己係最了解同明白自己
我有fd一早告誡我要學識獨處，唔可以成日依賴人
其實我而家都好少朋友，因為20年fb刪左後幾乎斷哂聯絡，係得幾個會一年半載得閒whatsapp下咁，我全副心力都放在老婆同個女算了
今次呢個post多啲人回應，可能有機
最啱玩，消費模式又相近的朋友全部係藍，好在早幾年日本睇live時識到班九十後，八十後，而家同佢哋最夾，最多見面！
我人生最好彩就係有好多可以交心嘅朋友, 呢兩三年反而新朋友識唔多, 又疫情, 又顏色, 太多規限所以識少咗人… 但同老朋友D感情就越嚟越穩固… 我有90%+嘅朋友都係黃, 大家都仔大女大, 未到富貴級別, 但又未至於憂柴憂米, 呢兩年唔飛得唔出得街就互相去對方屋企打吓麻雀, 整下嘢食, 甚至睇Mirror … 有幾個都預備會走… 所以更加珍惜可以方便係埋一齊嘅時間… 人與人之間係講求緣份, 無得強求…
1個讚
想講識朋友真係唔難，做到真心朋友先難
我性格係內向，唔識social又悶，無話題，同埋好唔鐘意應酬。可以傾心事既朋友得2個，但係疫情令到大家好小見面，只有間唔中whatsapp講幾句。
細個時覺得朋友好重要，努力去玩去識朋友，但我根本唔鐘意咁，覺得好攰。
而家圈子只有老公同屋企人，其實佢地先係最好既朋友