通常可以，但都收原價7折
1個讚
校車，同同學仔坐校車係童年好好嘅回憶。
我女搭少日都唔開心，因為冇得玩。
1個讚
我個個都係，因為係幼稚園，所以佢地直頭當去旅行咁，係站頭等緊時已玩得好開心，上車前早已warm up 完。
1個讚
豪比佢, 我果時(幼稚園)只搭回程都要收全費, 我都係自己送返學, 之後先返工, 咁大家每日瞓多一個鐘
1個讚
自己送，可以睇到學校門口嘅小朋友，家長 老師，收風收多啲
我會搭校車，打風落雨天，自己接送好煩。
有無得揀單程？
因為我黎緊9月小朋友開學
係揀返學嗰轉搭校車，放學自己接
因為朝早繁忙時間驚好趕，校車好似準繩啲
放學就無乜所謂
同埋佢N班時（超大B)已經坐校車
佢又幾enjoy，無喊無嘔
仲學識同司機叔叔打招呼，同啲同學仔玩
自己送但不是自駕，大人小朋友落車要行10分鐘， 即返學和放學都要行10分鐘，好天曬落雨淋， 雖然朝早瞓多半小時，但自己搭車都係有啲頻撲， 我會選擇坐校車，除非係自己揸車接送！
1個讚
我係選校車，除非自已渣車或者彈性上班時間。
6:35校車真係好早呀,我小朋友7點我都覺得早
我都係,因為我地自己搭車要轉車
時間差咁遠又唔係要返工/湊 B，最好接送。
有媽媽送返學係一種幸福，一路行一路搭車可以同佢傾計理解下佢諗咩，必要時候可以一路返學一路抽書 
2個讚
你係咪指問書？我就係，但又要低調d我怕比人以為係虎媽
係，我朝早返工好多有幾個爸爸都不斷問串字（認到一個九龍灣 St Jo 小一，一對優才孖仔，一個高主教，一個聖心），一路行一路搭車一路問，所以唔會有問題，好多人都咁做
1個讚
可以瞓多 45 分鐘，梗係自己接送。最多落雨著雨褸水鞋返學，返到學校再除
好勁，已經記得係邊間學校
我都打算上小學就搵老公湊返學，係時候比佢親子一下
因為日日都係同一批人，我好奇望下啲校服睇下間。因為我出門唔夠 7 點，所以都好奇望下啲小朋友係咪返學好遠。中學除左幾間傳統直資女校，有幾個非華裔係港基青信好遠！
小朋友有得訓多陣就訓，一路讀書上去到出黎工作就越來越少時間訓。訓覺是福。
有爸爸湊好啊，通常啲爸爸都著西裝靚靚咁返工好專業，書記校工見到都特別禮貌啲 ，同埋令我諗起英國皇室嗰三個小朋友都係爸爸拖住送返學。
1個讚
親自送過兩年，但結果係太頻民
大風大雨時全身濕晒，想找的士都call唔到
小朋友書包又重，我幫佢揹住再快行都好辛苦。
第三年改返坐校巴，送左佢上車，我就回家補眠，坐校巴塞車又唔計遲到，家長的時間好用好多
我揀校車，
當年係6:45上校車（頭站），放學都係頭站，最快到屋企，都ok
最重要係我懶，自己湊返學，一日四程車，乜時間都冇哂，搭巴士大家都辛苦，校車開心舒服d
你鐘唔鐘意接送？你小朋友想唔想媽媽接送？