佢影時你係咪知情?
佢有無做任何野要脅你?
不如當面爆佢大獲啦…唔係你可能自己擔心半世…
我知情的，就係唔知佢有老婆
假設性既問題我一般唔會答 
不過，如果我遇到咁既事，當然會覺得果個一心欺騙既男人係人渣，但我自己無戴眼識人都係有錯。乜嘢係蝕底咗？拍裸照係自願既，投放感情又係自己決定做，就算對方冇老婆都未必可以結婚行落去，所以又唔可以將呢d嘢講係蝕底。最蝕底係乜呢？就係對方有自己裸照，我想爆佢大鑊又驚佢欖炒，搞到冇得復仇，我覺得呢個就係蝕底。
但冇辦法，依家係比人食住。你同個男人一齊你自己應該清楚，對方係咪會渣到公開你裸照先？點情況先會公開？
所以兩害取其輕，如果我真係咁介意裸照被公開，我會選擇同個男人傾條件，動之以情又好點都好，諗下點既結局對自己最有利。我諗你心目中，公開裸照對你既後果，點都緊要過係咪報復到個男人卦？
可能有高招可以既唔比佢公開裸照，又可以報復佢，但我唔擅長復仇，亦唔清楚個男人本性，所以比唔到意見。
6個讚
同意樓上所講.
自己心理要調節一下. 唔好覺得自己蝕底, 同佢攤牌囉.
不過呢條友呃得你, 都呃得第二個, 唔知佢呃左幾多個.
2個讚
如果要傾，最好睇下自己手上有冇佢d把抦，有幾多籌碼可以同人negotiate.
2個讚
樓主~
我除左同情之外唔知可以講咩
我都明白你好深深不忿
同埋好擔心會俾人公開d 裸照
但同意樓上講
你宜家證明唔到佢有意圖公開你d 裸照
即係好似有人拎左你ebanking login 同p/w
但佢一日無偷入你戶口拎走d 錢
警方都應該唔會受理
你肯定佢會放上網？點解你會覺得佢會咁做?
若佢對方咁做，你唯一可以係報警處理，順便令佢老婆知道佢老公咩為人，大家一拍兩散。
我感覺佢會喺telegram啲狗公叫雞群share出去
我知你會好panic
不過事實應該係佢驚你多啲
佢公開你裸照嘅話
佢成本比你高
你可以爆佢身份 搞到佢家破人亡 人人都知佢有老婆有囡都搞女人 隨時無得撈
純粹個人經驗
就算真係傳… 啲相未必可以好傳得
depends on佢喺邊度公開同分享俾邊啲人
利申 屋企人因為分手俾恐怖情人報復 傳過裸照
2個讚
我都覺得機會唔高，無啦啦自製危機比人有機會知佢出軌…
男人用下面諗嘢，冇咁醒。
其實有冇可能攞得返啲片？
3個讚
咁要睇下樓主既談判手腕，既唔可以比個男人一開始就睇穿自己會被裸照要脅，又要講到係理性分開冷靜解決問題。男人好多時會衰心軟，我諗可以試下動之以情令佢DELETE D嘢卦。但我自己覺得，如果個男人聰明既話，成數唔高。都係果句，唔識個男人，唔知佢乜人，比唔到乜嘢意見。
其實裸照或者呢啲短片每一日都有好多人拍。
如果你覺得影咗裸照會好崩潰，你可以試吓安慰下自己：一般嘅外貌同身材應該都唔會爆紅。
搵到疑似當事人Facebook 喇
個囡嘅出生日期完全match
睇佢個樣
似好自戀的人，成日6/4分面
佢拍片可能都係自我欣賞下自己幾靚仔㗎啫 
你又唔駛太擔心流出嘅
佢話哂有名有姓，應該冇咁猖狂
不過呢啲人誤人子弟
你爆佢出嚟一來保障自己 (有流出就一定係佢做啦)
二來啲咁嘅人都唔配做人老師啦
仲有… 見到間琴室
一見到張白色張梳化就覺得應該係嗰度發生…
但我有一點唔明喎
佢Facebook 乜都public post
依家識人唔係google 一餐起咗底先㗎咩
點解你會咁失策乜都唔知?
我都覺
佢當日用得cam 拍晒咁賤
宜家佢一樣可以backup 左去第二度然後呃你delete 晒
同意
樓主宜家應該冷靜
檢視手上有咩證據證明條友呃你單身同埋出軌
好好收埋證據
有咩事最多一拍兩散
更正，一般嘅裸照or裸短片係唔會紅嘅，但係如果件事爆起先，咁條片就會變得好有話題性。
所以樓主真係要小心處理，因為出軌呢啲話題好多人都有興趣，加上男嘅背景好易受人批評，一人參一腳咁⋯⋯已經俾人起緊底
2個讚
佢一直都冇加過我facebook，而且佢應該係最近先轉返做地球post，之前所有嘢係lock曬的。
連登見到呢個post 一定會幫你出㗎喎
佢哋最鍾意呢啲話題
呢個post 出咗三個鐘
當事人都未收到風咩?
連登對呢啲非名人，又中年男人其實興趣一般
反而如果係fb樂器導師/家長secrets貼…肯定大把家長好似我咁，好緊張咁google下會否係教緊我仔女個位阿sir…