香港係有d矯枉過正左，咁有時佢真係小朋友啫，想點喎
True
我有次係外國見到人地將超大架bb車推上巴士
覺得好震驚
香港個啲日本細細架都要接埋先好上
1個讚
呢句真係好岩
無錯，係英國搭巴士係唔使收車，大家好包容，讓個位俾媽咪擺，係香港真係收遲d都俾人媽到pk
3個讚
係，我都覺，我之前都唔知原來香港人咁唔鍾意人推BB車直到係FB睇到these posts.
香港真係太細所以D人咁唔鍾意BB車吧？不過我都沒理，我會盡量唔阻到人，但我都會照用，因為我用揹帶超過2，3個鍾就會腰痛。我寧願佢哋自己喺度嬲算
但係去樂園衣D地方已經咁大，好難會阻到人，想知佢哋又唔滿意D咩？？
3個讚
我仔坐BB車坐到2歲半左右，跟住佢都唔肯坐了
7歲已經小學生，仲坐車真係幾怪。
我女兩歲已唔比佢坐車，細個時行到攰我同爸爸都係輪住抱，都係要suffer一段時間。再大少少，我哋教佢響出邊玩到攰可以坐下休息下，但響街瞓覺就唔適合，加上我哋好少抱，佢習慣行，可能咁體能唔錯，五歲左右已冇試過因攰而響街扭抱。佢攰時我哋會搵地方坐低食嘢休息下，或搵位坐下，通常佢會捱到上車先瞓。
有時見到d大小朋友塞響架車度要父母推住行，真係有啲無語。
7個讚
呢樣嘢係亡國都嘈好耐，一講推bb 車就大把阿媽走出嚟「認叻」，有人話自己一條hip Seat 走天涯、有人講自己個仔識行開始就唔坐車，其實你覺得叻無所謂，但言語間總係講到推bb 車有問題。
我女去到4歲定5歲，返香港都推bb 車，再揹住個細，無辦法，落機第二日就出去見朋友見親戚，唔通要喺屋企瞓幾日適應jetlag 先出得街咩？
有時候佢哋啱啱起身，轉個頭出門口又瞓返，唔推佢出去我點一個帶兩個？唔係佢哋唔願行，而係真係好攰。推車仲可以掛下袋，唔係一湊二真係無命，尤其講緊仲要揹固體要出街換片嗰時。
我呢d 老母出街肯定俾人批鬥，我推親車，就算係細女一歲坐緊Bb 車，都試過等𨋢俾d 阿叔打尖同鬧返轉頭。
4個讚
點解唔適合？
咁多人生多過一個，湊出去玩成日，細b 都要瞓晏覺，唔通要全部人走為咗佢瞓覺？
2個讚
7歲，小學生，有能力自已行，仲坐bb車做咩。攰咪搵地方休息坐低。 唔通咁大個唔食飯又仲要餵佢食？
但個case（應該）架bb車係想用黎車細佬妹，但個大囡就用左黎坐一陣，咁樣就另計啦。
4個讚
非常同意，一攰就有人推住行，仲可以想瞓就瞓唔洗理推果個幾辛苦，好易嬌生慣養。
7個讚
認同，但呢個係社會問題，唔應該怪責父母。
我得一個時都係用hip Seat 揹佢周圍去，攰就返屋企瞓覺。
但我唔會歧視其他推bb 車嘅父母囉！
1個讚
如果果日出去目的係比佢玩，我係會因為佢攰而提早走嘅家長。既然佢玩到攰，攰到要瞓，咁咪走囉。如果係一大班人聚會，我諗唔少家長試過因為小朋友原因早走。
有返咁上下大，玩到攰可以坐，如果周圍瞓，的確係唔適合。
你覺得需要可以繼續推車，我只係講出我觀點，7歲小學生仲坐車等父母推，我覺得有問題。
4個讚
如果你本身揸車就另計啦，你可以隨時上車訓，但係香港真係好難，唔好話bb，就算已4, 5歲，玩到攰都會想訓，唔通想訓覺又好過份咩，小朋友唔使咁harsh瓜
3個讚
你用自己個女嚟做例子，教佢喺街瞓覺唔適合，我先問，我亦唔知你定義係所有小朋友？
我講緊嘅係超過一個小朋友嘅家庭，我會諗埋大嗰個嘅感受，如果因為細佬、細妹攰而佢都要返屋企，我諗佢會唔開心。
4個讚
我女反而剛識行個時死都唔肯坐車仔，死都要我抱，個時好羨慕d肯坐車仔嘅小朋友，大人小朋友都舒服，可以慢慢行慢慢睇野，後尾佢大d明道理就肯坐返車，一天光哂
1個讚
有個目測4歲嘅小朋友瞓咗，爸爸喺巴士抱住佢企位，亦無要求人哋讓座，都照俾人批鬥。
然後一大班人講，4歲唔使瞓晏覺、由細到大都返屋企瞓、寵壞哂乜乜77，瞓著都要拍醒佢⋯⋯
我覺得喺香港做家長真係好慘，有時覺得帶小朋友出街已經係錯。
4個讚
對我來講出得去玩，其實大人都會想玩，如果佢有需要訓覺而咁就要走，我都會好失望，去廸士尼我通常小朋友小睡個時我就去store行下睇下有冇靚野買，呢個時候點都需要車仔
3個讚
4歲唔準訓晏覺，咩道理
2個讚
之前呢個Page 有d 恐怖，彷彿細路唔應該存在，今次可能多返D 家長留言。