我本身做CS，如果客有道理就唔會阻客人退錢嘅。唔明點解有人覺得退錢係冇可能。唔知佢樂園停業本身有冇補償啦，照道理佢哋會諗呢啲，都會諗定疫苗通行證嘅影響。
如果買會員之前冇必需打針呢個入場條件，而家突然要嘅，入唔到場唔係客人嘅錯。
香港迪士尼嘅CS唔退嘅，大可以去總公司問。以迪士尼嘅水平，唔會去過問客人點解唔打針。
11個讚
追究迫針者
而家連拜山冇打針都唔俾入，寧願得罪先人，何況迪迪尼。
係呀 我都打咗去問 都係話7-14日覆
同埋我見佢退款條件係未用過嘅票
我就想試吓退 22-23年 新續未開始用果張
如果你有消息可唔可以話我知
等我參考下 
邊度有得睇退款條件?
我有一張係續會
但證都未去拎
唔知算唔算未用過既票?
我好似係16/4打去問 但暫時都未收到回覆
有結果未？
我認為退錢，好合理，買嗰陣冇話要打針，咁後加條款，冇理由要客人損失，應該可以退
3個讚
希望可以退啦…始終買嘅時候都冇附帶要打針嘅條款！
我想知你哋打邊個電話有人聽？
我諗起我前老板，次次有客要退款佢都好勞氣，話冇錢就過主喇，俾少少錢又嫌呢樣個樣。
講番正題，我覺得樓主問下都冇所謂，事實係買年卡前都冇要求打針。雖然話係政府政策，但閉園都係政府政策喇而家開番都有廷長年票期限，所以我覺得係可以彈性處理。
2個讚
世事無絕對，你咪試去打電話問下
除非所涉及的產品之條款及細則另有規定，符合以下所有條件的賓客可於2022年6月15日或之前提出樂園門票、其他樂園相關產品和服務（例如迪士尼「尊享優先通行」產品及冒險家半自助餐）及「奇妙處處通」的退款要求
於2022年4月14日或之前，透過香港迪士尼樂園度假區的其中一個直營銷售渠道﹙包括網站www.hongkongdisneyland.com、樂園正門售票處及致電1-830-830﹚購買的樂園門票、指定樂園相關產品及「奇妙處處通」;
未使用的門票、未換領或未使用的指定樂園相關產品及未發出之「奇妙處處通」會員卡;
門票、指定樂園相關產品及「奇妙處處通」禮券或購票確認的換領日期於2022年1月7日之前尚未到期; 及
門票、指定樂園相關產品及「奇妙處處通」禮券或購票確認 (a) 於2022年1月7日至4月20日期間內的指定使用日期，或(b)於提出退款之要求時，仍可有效入場、換領或使用。
請將賓客姓名及確認編號電郵至 [email protected] ，以提出退款之要求。
1個讚
35503388
該主題在最後一個回覆創建後90天后自動關閉。不再允許新的回覆。