唉！我日日都係youtube刨料, 我依家以70高鹷都下定決心要跟女走, 皆因唔想再浪費餘生係呢度, 但老公唔肯走, 自己走咗當然會擔心佢, 見你肯答問題先問多兩句, 唔答亦唔會怪你, 但你出口就話我伸手黨, 是否有欠厚道呢? 仲要預判我兇多吉少, 就更加過份了. 如果浪費了你的時間, 只能講句對唔住. 我能下決心以餘生去搏自由生活, 自己已覺得做好準備面對將來的困難, 無諗過好似你講去做伸手黨,看來向你提問是最錯的一件事.
1個讚
我當然都係擔心你，先會想話你知，咁樣落去你老公走唔到架… 我見其他網友答完，你都仲誤會，以為你老公咁樣可以去到英國，先唔忍心唔理你。
但答得你一次，答唔到你成世。我見過幾個咁樣過咗英國嘅人，有點後悔當時幫得佢地太多，搞到佢地誤會英國生活真係好易，然後喊苦
我寧願而家激嬲人，話佢地兇多吉少，都唔想再同佢地講好易去到英國，覺得害咗人
2個讚
層主省錢個意思應該係2 個人申請同3 個人申請費用；簡單個意思應該係你地2 個都係主申請人獨立申請，冇dependent，同會唔會容易D 獲批冇關係。
正如我之前咁講，呢個情況比較尷尬。因為BNO Visa 講明family 係要同一時間（48 小時內）一齊申請，一般情況下冇得隔咁耐先申請。既然你同囡囡都已經提交左申請，我覺得你就放低呢個假設，當唔可以先。如果日後丈夫真係改變主意時，你先問Home Office 。
另外係，就算你個假設可行，Home Office 話可以咁樣前後腳申請，你都係最好由你申請，而唔好由你囡申請。因為配偶申請肯定比父女關係容易批好多。
你都70歲了，會唔會阿女幫你搞好d，交俾佢決定，我同你一樣case，不過我係阿女，基本上要點申請我幫阿媽搞哂，佢只係負責俾錢同影相
可能唔啱聽，但我覺得你可以放棄，你老公唔會去英國的了
佢都74歲，明知你哋兩母女要走，都堅持唔一齊去，我唔認為佢會喺你哋出發後改變主義，佢應該只會留喺香港日日鬧你哋無良心，留低佢一個人喺香港。我見過太多呢類硬頸老人家。
你實際啲，和阿女諗吓，如果你先生喺香港有咩突發事件，你哋可以返香港幾多日，同時又可以繼續符合資格申請BNO 5+1吧。
多謝咁多位朋友的解答, 意見都非常到肉及有用, 我都知道要老公改變主意的可能性很微, 只是夫妻幾十年, 個人在感情上有點欠疚, 所以所有的假設都只能係「假設」. 睇咗你哋大家的意見, 得到一定程度的開解. 希望獲得批準後會有好消息告訴你們.
2個讚