日本牌子少女二手衫好多女仔買
真係睇下係D咩2手野…
傢私電器無問題.
衣服既, 我會PREFER 我識既人比, 我通常都會要.
鞋就唔OK…
好少接收二手嘢，只會間唔中買睇落比較新淨嘅二手書
奶樽同學習水杯都收過，
都係鄰居問過唔介意先好拎。
最後無用過。
除左2手書同玩具之外
只會收朋友，親戚比嘅二手嘢
基本上咩都收 但係鞋襪底褲除外
運動底衫都收過 但只係因為好熟同佢只著過2次先收
傢私電器我地直頭幾家親戚共同咁 冇話二唔二手
好似啲氣炸鍋，暖爐會睇邊個要就自己攞去
大家都算乾淨又住得近就冇乜所謂
以前間小學多低收入學生
畢業之後留低一套校服紀念就全部比晒學校派比有需要嘅同學
幫到人又唔使諗點處理
想問下大家覺得底裙算唔算貼身衣物？
因為我覺得底裙其實冇乜接觸到汗以外嘅體液
洗左同其他面衫冇分別
而且大嗰小小嘅女仔入面會再著底衫
咁其實真係仲乾淨過面衫
接受唔到
我三個仔,年紀相差近,一向買返黎三個排住隊著,大人衫褲鞋襪只會free去回收箱,亦唔會要人二手
書嗰D都係買新嘅,細個去圖書館借書見過夾住鼻
佢哋習慣睇完又睇,全部睇到殘殘舊舊
所以一向理性消費,電器傢俬買得返黎普遍用到壞
我都free過所有校服，啲夾棉校褸一上街坊群組立即有家長要，我有三件校褸佢全部都要曬，咁樣佢慳咗七百幾蚊，好和味
1個讚
我自己件夾棉校褸都係師姐送
至少第三手
反正一年著嗰幾次
可能由細到大父母都唔想我用二手書，認為二手書會令我無心機讀書，本書始終唔係自己，所以我到而家都唔用二手嘢，咩都要全新。貼身嘢更加唔會。咁大個只上網買過一幅二手油畫，因為只係掛，非貼身用，而自己又好鐘意幅畫
親戚朋友嘅二手衫褲、傢俬、玩具就ok
但陌生人就麻麻
我中學好鐘意二手書，越花越好，因為可以睇上一手嘅筆記。
我會!! 次次買二手書個科成績都跌, 試過幾次都係買返新書
竟然有時間睇埋上一手既筆記
睇黎你係認真求學既人
1個讚
書本，cd, dvd, 遊戲game 呢d無所謂
衫: 因為自己都係買平衫，所以唔會二手
家私都可以，之前公司轉 椅，都買咁轉轉椅
有用二手野
我屋企有部份小朋友玩具係轉贈再轉贈，所以唔排除我已在係用緊三手，四手
我最近試過捐玩具去救世軍，有份火車連路軌既玩具，架車壞左，救世軍都會照收
之前睇過段片講香港有組織會收集舊玩具，好似仲會維修壞左既玩具，玩具之後係會轉贈基層
底衫類好多時都會買新，因為底衫主要係用黎吸汗，質料唔好既衣物甚至會留有汗味
試過有人俾左袋二手底衫我，我見到其中有部分有黃色污漬，結果全部掉哂
1個讚
幾乎所有都接受到 除左內衣褲/襪
而家都用緊啲免費出讓二手物品平台
有時都揾到寶物架!
2個讚
洗&乾嘅方法
請問有冇得簡單介紹下方法？
我好少買新衫俾小朋友，剩係著二手衫已經多到著唔哂
我買親俾佢既衫都會著得好大陣汗味，佢大左唔岩著，我想留念都唔得