可以搵啲咩專業人士 求協助謝謝
婚姻輔導？呢方面我唔熟，
有無網友幫到手？
婚姻輔導同埋心理醫生，但呢個係要佢肯承認同願意改善，否則就真係冇得挽回。
老實講我接受唔到我老公係咁
我老公依家仲嬲緊 唔想同我講野
咪有佢嬲，你讓步即助長佢以為打人係啱嘅，係你迫到佢要打人（丁蟹思想）
家暴就一定唔岩架啦
但咪住先，樓主似乎主動郁手果個係你先喔。
我嘗試代入你老公啊，明明就燥底緊，你住起勢咁搖人隻手，咩事啊依家，係咪燥底冷靜下都唔得？
唔想俾你搖，自自然就會諗住Fing 開你隻手，咁Fing 開你隻手，你又以為佢郁手，跟手你又打埋一份，咁樣沒完沒了，除左其中弱果一方受傷係結果，我諗唔透仲會有啲咩結果
咁如果你唔鐘意打交嘅，不如下次你老公燥底嘅時候，你俾佢自己一個靜靜地冷靜下啦，如果咁佢都仲郁手嘅話，樓主你快快手尋求果啲家暴求助
18個讚
你兩個都有問題
我想講、我父母都係咁打嚟打去、根住我大大下連我都比人打、每次佢地開拖我都好驚、呢喺被竇忍住咁喊、成日幻想佢地快啲去死、咁我同呀哥可以去孤兒院。
又會成日諗如果佢地唔係我父母有幾美好。
所以對佢地完全冇感情
呢傢我過年都會話唔舒服唔返去做節
睇到都覺得好心痛
父母咁樣對小朋友好大影響，壞既童年經歷一世都會有陰影
唔好以為父母hea 下hea 下一齊就係好，小朋友睇在眼內，真係會你哋寧願分開
我仔依家歲幾 有時聽到我地嘈即喊 我都唔想再係咁 佢一直冷暴力我 唔肯講嘢
其實你遲 d 都要留意返你小朋友，會唔會有 ADHD (專注力不足/ 過度活躍症) 或 ASD (自閉症)
將來可以搵精神科評估
同樣地你老公都可以搵精神科評估吓，睇吓咩原因會有暴力傾向