以前有買，但儲到錢先買，同埋以前啲名牌無咁貴，唔使儲好耐都買到
到左而家啲袋款舊左又唔用，賣出去又唔值錢，放係到又阻住
講開衫又啱。
我都係呢2年先捨得買3百蚊以上嘅衫。
之前一直淘寶，或買百幾蚊
1個讚
無買開, 人地用左我都唔知佢係名牌, 唔識呢啲野.
1個讚
就係試過太多次，呢啲都係錢，所以先買有質素嘅名牌
1個讚
之前有個post話男友送c，但樓主想夾錢買h，仲話自己夠錢，係咪同一個人？
點解要買
名牌只限手袋
1個讚
同意，貴買但用好耐，條數都抵返.
唔洗專登儲錢都買到就更好
我都係咁呀!
又係出左黎做左十幾年野先捨得買第一個輕奢品牌手袋
(千幾蚊仲要特價先捨得買 
)
初初出黎做野人工真係好低
錢都儲唔到幾多
幾百蚊一個袋已經覺得貴
貴嘅高跟鞋舒服，襟著，靚，咩都值返。
5個讚
唔好話名牌
就算一般牌子幾百蚊幾千蚊野我都少買
冇物慾
舊的唔舊唔需要換
4個讚
香港人算係幾重視牌子/門面嘢，就算只係打份普通工，儲錢買d名牌我覺得ok
但就唔好去到「追」呢種心態
捨唔捨得睇個人，有d人有無閒錢都未必會花係名牌度，只係個人喜好
最無聊嘅人，係睇唔起用名牌嘅人。話有錢人唔用名牌，好樸素，其實係睇人。你估d有錢太太住house有司機，個個都係著U記咩，其實咪就係鐘意樸素又有，鐘意名牌都有。
唔係偷係搶，自己用自己錢，洗鬼人地理
捨得，唔需要靠人地認同，自己覺得開心值得就ok
11個讚
好認同，其實所謂買名牌都係自己嘅生活質素一部份
有能力嘅自然會追求一啲啱自己心水嘅生活
例如牛扒都有平有貴，由罐頭鹹牛肉，急凍漢堡扒，去到唔同地方買嘅牛扒價錢都唔一樣
同樣道理，有需要買件衫買個袋買對鞋，都會因應返自己追求嘅質素去返邊度買咁解
2個讚
全中
有d人對食嘢無要求，就算「有錢」都只會食餛飩麵，但有d人鐘意飲飲食食一餐一千幾百，雖然食後都係去廁所自然排出，但我唔覺得食得好、食得豪有問題
有無錢都不是重點，重點只係在乎自己捨唔捨得
1個讚
我識好多後生稍為搵到錢，就將副身家買哂名牌、例如名錶十幾廿萬，但就現在所餘無幾，亦無其他資產例如住屋，都係黐父母住。通常年青都有渡過、呢種虛榮心時期，到個人成熟左或真正搵到錢，就唔會太追求名牌虛榮感，反而買名牌係追求耐用安全。
我屋企就係捨得食,買野就唔會捨得買好貴既牌子
你完全講中曬我朋友2公婆既情況 
佢地已過30歲都係咁
1個讚
其實依家好多三四十歲，都係年青虛榮心態。我都有認識三四十歲兩公婆，全身名牌每日揸車出入，但冇乜現金仲欠其他人債唔還，但除此之外就冇乜值錢嘢 ! 呢類人好高騖遠、頭腦簡單一味要威，唔係精明醒目人士、亦唔識錢搵錢投資，一味想搵快錢，同埋最緊要行出嚟，行頭唔好俾人睇小，通常呢類人都冇置業。
識一個第一次置業時，當時佢直接地產商做樓按，可做一成首期及借凸做裝修費。即係先俾一成首期，但可額外借番轉頭做裝修，佢兩公婆就將筆錢求其裝修、有剩又係買名牌、去食去玩去威，錢用完就冇亦唔識搵錢。習慣左較虛榮生活後不復返，之後兩公婆就做違法事入獄 !
冇錢充大頭鬼就話虛榮，有錢用名牌/不用名牌，個人選擇。
我舊公司receiptionist，有錢女，返工全部名牌，成日同佢個上司 撞袋，有年長員工對此不以為然，勸佢低調D，搞到佢冇幾耐辭職走埋。
我成日覺得，人哋份工做足本份，盡責，理得人著名牌返工。
3個讚
如果諗住放返出去，要買年份新，金剛色，epsom/togo皮，25/28，價錢最穩陣
但要keep得新淨，盒塵袋配件單要keep齊，就算放番出去都應該唔會蝕好多，或者有機會賺少少