見到佢連三文治叮唔叮都要問老婆
個老婆帶佢去睇樓，佢嫌貴嫌細又唔知價，又唔識自己搵agent
買部電視都要買8K，幾萬蚊
喺招聘會吹水話啱做lorry driver ，聽到要night shift又say no
唔知佢真人係咪咁，不過條片拍出嚟個老公好唔掂
幫唔到手不突止，重成個小朋友咁要老婆照顧
唔搵錢都起碼要照顧到屋企，我睇到佢問老婆使唔使叮三文治果下都有啲火滾
1個讚
我睇到佢執行李都覺：唔係嘛？！
但我哋睇到嘅淨係影片所呈現嘅部分，係咪佢哋生活嘅全部？
我至少見到佢接囡囡放學時，都肯嘗試講英文，雖然搞笑，至少肯試。
老公個外形，大大份，又訥於言，俾人個感覺唔係精靈，唔得醒目。印象麻麻咁。
有時個形象係生活上所有細節造成。我識好多夫妻，同框時同分開時簡直係2個人。
又片中嘅囡囡，係香港屋企做功課個樣，同佢係英國學校個樣，簡直兩個人來。
環境可以改變人，亦可以摧毀人(文藝咗)，都係睇心態。
2個讚
覆完你之後，先去咗睇佢fb, 老師寫得好真。幾感動。
1個讚
以冇乜budget計，佢算settled得唔錯，起碼唔使食穀種先，有收入就sustain到生活，算係移民成功啦，不過生活係辛苦，但小朋友有將來，係值嘅
不過個visa居然未有，唔知佢地有冇打去問下咩情況
見咁多人講周太點解會嫁呢個老公，我又想講下。其實做老師唔一定要讀ied，好多人都係學士畢業再加張cert就可以教書。計返囡囡年紀，佢似係岩岩畢業（22/23歲）就生，咁如果佢唔係讀敎大嘅，好難講係咪本身就諗住做老師嘅。
見身邊唔少大學同學畢業後讀pgde去做老師，中小學老師都有，唔好認為做老師門檻好高好難讀，佢哋成績未必係非常突出。勁唔勁始終都係睇返教咩學校。
將周太同佢先生比可能只係學歷上差別，職業實在冇乜可比性。
3個讚
佢地到而家都未批到簽證？唔會呀？佢條片最後應該係到埗後4 個月拍，即係舊年10 月喎，距離而家都差唔多半年，佢個LOTR 都應該一早過期啦。
佢自己喺FB page 話未批。
1個讚
唔係呀？咁又真係奇怪喎？佢又有冇講佢而家係咩身分留喺英國？因為理論上個LOTR 應該過左期好耐啦喎。
最新既fb post 話仲未有簽證啊
睇返老師個page, 係佢先生提出全家去移民英國，佢先生都肯作出改變為左下一代，呢個係值得讚。有時要欣賞每個人既好處，而唔係不停比較批判邊個叻邊個勁。
7個讚
用 LOTR 入境而申請咗 BNO Visa，LOTR 會自動 extend 到 BNO Visa 批，所以佢哋仍然都係擰 LOTR。其實 withdraw 再申請會快過喺黑洞出返嚟
及繼續為功課考試而日做夜做
31 歲、個女7 歲、即24 便生了、23 歲有左。港人心態唸、咁後生點解唔搵個好d 的？哈哈
我朋友啲小朋友去左加拿大生活都開心左好多人成個人脫胎換骨。
如果後生唔生，到31歲都仲係同同一個人一齊，就會諗做乜唔後生啲果陣生，老公就成40歲。可能佢覺得自己揀定呢。
要同Home Office 再申請？因為真係除左舊年2-3 月申請嗰班黑洞朋友，真係暫時未聽過有人超過6 個月都未批。所以真係唔知原來有得extend。
黑洞朋友都好似冇聽過有人仲未批出來。我最長聽到係8 個月後，即係舊年10 月批出。
2個讚
我都唔肯定，好似係自動 extend。我本身 Visa 都入咗黑洞，3 個月未批，打上 hotline 佢叫我哋 withdraw 再申請，反而好快批晒
第二集尾，講BNO visa申請自動cancel咗
如果喺香港申請緊visa 係唔可以入境的，佢應該入之前取消申請，用LOTR入，到埗再申請過
係呀，hotline 教我哋上機前 withdraw, 入境時冇申請緊 BNO Visa 就可以順利入境，入境後再申請過。初時以為要蝕一家四口申請費，點知原來 Home office 會退埋錢。唔明主角點解入境前唔 withdraw 先，咁會簡單好多。