英國啦
台灣,你set up 好又要再走咩又係煩
小朋友讀書最後都要放洋,當地搵食人工又少,倒不如一了百了去英國唔使煩咁多次
應該do the right thing 而唔係take the easy way out
英國啦
台灣,你set up 好又要再走咩又係煩
小朋友讀書最後都要放洋,當地搵食人工又少,倒不如一了百了去英國唔使煩咁多次
應該do the right thing 而唔係take the easy way out
hk咪一樣融入唔到
不如諗下你係咪真係想走啦
見你地有咁多有利條件(有本金、後生、小朋友細、父母肯跟你走,仲可以繼續做嘢),你都仲俾咁多藉口自己,又話驚融入唔到,又驚維持唔到現有生活水平(你話小朋友出世無耐,其實佢都唔知自己生活水平係點啦,真係影響咁大?)…咁後生都跳唔出自己comfort zone,難為我哋呢啲4x諗住重新嚟過
如果樓主講既好生活同物質有關真係唔需要走、連台灣都無需要去
我自己都較喜歡台灣生活、但既然走係為小朋友將來、咁就搵個穩陣既、台灣年青人都要出外闖、發展有限加上政局始終有隱憂
台灣會有憂慮,一來唔知台灣幾時會係第二個烏克蘭,第二,台灣有地震,呢2樣係最大問題
我有朋友過咗去台灣1年幾,上年年尾話唔批。但佢之前喺香港做中資公司。
但佢喺台灣識咗好多香港人,佢識嘅人當中基本上無邊幾個批到有夫婦唔係做政府工又唔係做中資公司。個老婆只係幼稚園老師。最後都唔批。佢話好多人都徬徨估唔到會咁。
最後我朋友喺台灣申請到延期,因佢本身搞網上生意。唔係話走就走到。仲要按程序Settle埋D手尾先。但佢同時間申請緊澳洲讀書。當地學校收咗。仲仲未批Visa…佢一家三口。小朋友高班度。
我朋友屋企人都係咁。佢屋企人過咗去英國。但香港公司繼續Run…佢都係咁行呢條路。員工繼續留喺間公司做。
英國啦,唔講其他,淨係教育,台灣教育坦白講就唔係好入流,再同英國比更加係一個天一個地。
你移民都係為小朋友啫,梗係去個穩陣啲嘅地方啦。
為小朋友梗係英國讀書 for sure
另外有台灣居留既朋友都諗緊辦想移去第二度
同意樓上有人講 如果為物質及生活質數 樓主可以留番係香港
你諗清楚自己係咪想移民,心理上ready未
琴日同朋友傾計,佢先話佢識人去咗台灣,準備申請長居,點知唔得,仲叫佢走。
真係企晌度。
全部都係投資移民?? 我如果去台灣都係打算專業移民, 唔知係咪都係難批?
唔使諗一定英國,淨係教育台灣一定唔會係選擇,都未講你個150萬係白蝕俾佢,150萬拎來英國買樓都著數啦,台灣而家仲要打仗咁款,唔通到時又移民
你真係講得好岩 講真我老公唔想走架,只係為咗個小朋友,同埋我有少少逼佢走… 可能大家好難理解,點解我地條件咁好但都仲要考慮…
因為我老公覺得自己係香港份工作算係佢既理想,成功創業而且收入都算ok,但呢家要佢將自己幾年既心血放低,正常都會有啲糾結。去到英國仲有機會要佢做超市/炸薯條咁。
可能你會話 去到英國再試下做返老本行囉,事實係機會好微… 可以試但有啲天真
其實好多野我地都明,只係到落決定真係要走既時候就會緊張好多野,所以好多謝大家既意見
多謝你既資訊!
我諗好嘅生活係 滿足到小朋友所需 我同我老公都可以做到自己想做既職業。呢啲條件香港真係滿足到我 但政治醫療法治教育新聞我地都唔接受
抱抱先
唔難理解啊,從來最難處理嘅事都唔係同錢有關,係人啊!
男人唔同女人,未必會為咗小朋友做出太多犧牲,收入減少失去嘅安全感亦有可能壓垮佢哋,我諗你可以做到嘅,係比佢知你完全唔介意同佢由零開始,用行動比佢知你係真係接受到,執定CV睇下搵工資訊呀咁…佢會安心啲。而且搵份藍領工打下,都唔係零呀!
如果做得返生意,或者其他更輕鬆嘅工,就當bonus!
3年時間 姐係今年!祝你地順利
同意,移去台灣係可能血汗錢都無埋,尤其係彈藥唔算多。
移去英國,啲錢唔會無左,最多只會係用左。
多謝你既建議