正正常常就真係唔會因為搵得多就俾人討厭
香港大把人好有錢，大把人嫁咗唔使做
我都係二字頭嘅會員 
有啲嘢唔關年紀事，係修養問題（你自己又好，身邊朋友又好）
建議你反省下自己講嘢行事同交友取態
13個讚
咁有人質疑我嘛，我先反擊
淨係多d出街見多d人，我諗都好大進步
2個讚
係啦~
睇到果句我都笑左 
除非大家係同行有競爭
如果唔係佢老公搵多左錢
唔會直接搞到身邊既人搵少左錢架嘛
點解要唔gur佢突然搵多左錢?
2個讚
喂呀
「日日困係屋企」、「在網上都好容易得罪人」、「學習」同「運動」係四樣唔同既野黎、點解你可以組織串連為因果同解決方法
如果只憑你呢個回答做judgement ，我覺得你最需要增值既方面係係「閱書理解能力」、「組織思想技巧」同「如何作因果推論」
1個讚
因為日日困係屋企，所以少咗接觸世界講嘢技巧唔精通，從而導致在網上容易得罪人。
其實我係skip 啲連接詞姐
另外有人叫我增值自己我就問應該學習上堂嗰啲學習定係去學一啲興趣？
1個讚
你仲唔明人地點解攻擊你
咪講嘢唔啱聽囉？
咁你要睇下自己講過乜野地唔啱聽先，仲要呢度只係文字版，無語氣表情架喎。
呢個post 唔止我一個覺得你回答得令人討厭（唔好意思直接左），好似你之前答我嗰句「教你都唔識」巳經令人非常反感。
3個讚
但係我全部都係講事實，我冇包裝好句子，處事不圓滑，令到人哋一針見血
咁事實係教咗你都唔識架，唔係串你呀
我對樓主冇惡意，一開始認真覆完見到其他comment，直情有d 愕然講緊買樓點解冇喇喇好似潤佢6萬同ftm。
不過睇睇下有d 明，睇文字已感覺佢細個，學識唔多，而家老公揾到所以有種吐氣揚眉既感覺。
樓主而家細個有優越感我明，想當初畢業冇耐我買第一層樓時都忍唔住social media 曬命，而家回望番覺得以前既自己可笑，當時既師兄師姐見到應該都心入面恥笑我。而家我買任何資產都唔會高調講，唔係因為咩驚人地會妒忌，而係香港真係好多有錢人，班門弄斧。
細個係會覺得15萬多，但其實好多專業人士家庭收入都有，仲要穩陣。醫生律師會計師工程師做到咁上下出黎開公司亦好好揾。大家圈子學歷揾錢能力差唔多，朋友之間根本唔會覺得係咩一回事。樓主身邊圈子學識估計都係麻麻，所以諗多左。
過多10年樓主回望番可能會明白呢到會員講緊咩。
9個讚
亞女，野唔係咁講架。 我回應個度完全無問你老公做咩，即使我有問，你都唔應該咁回應人，比人感覺好囂張。
3個讚
明白你講咩可以話自己咩都第一次忍唔住有呢啲心態，不過其實我老公個圈子人哋係搵緊每個月幾十萬至百幾萬架（所以老公都好謙虛學習），唔關佢事只係我個人心態問題，導致表達出問題。只不過係我自己同年同學或朋友都係剛剛畢業初出來打工所以自己心裏面都會覺得有差異（我見你講開我先講自己嘅諗法）
咁你真係要好好磨練下，唔好失禮你老公
咁你小心唔好同其他同年人矖命，小心無哂朋友。要矖上網講好喇（認真mode)
2個讚
所以通常我都係唔出聲，一出聲就賴嘢，見唔識你哋，咪直接啲講可能我冇家教，亦都有可能以前太有禮貌但係人哋食住過勢，經常蝦我或者睇我唔起，而家我咪感覺自己對住嗰班人要反擊。
經常聽人講對住啲唔尊重你嘅人唔需要善良，所以我而家逐漸變成對人都唔Nice，因為我經歷過人哋見你善良攞你著數，見你善良對你惡霸霸，多謝你哋有心教導，我要努力改變。。。
2個讚
個post 幾好笑其實。如果樓主老公搵唔到錢其實樓主好難咁大口氣既我信。
一份現金出糧唔報稅既生意，犯唔犯法都叫撈偏。
撈偏起家唔可恥，不過撈偏既人唔襯順景打好個底的話，行完運通常都GG。
打好個底唔係淨係講買資產，仲有係社會打滾既本事，待人接物係好重要個一環。
我無其他補充。
5個讚
我只係奇怪你老公做咩生意可以唔報稅， 所以問佢做邊瓣。
問佢做乜唔等於我想去做。 香港地好多人都搵到錢。亦好多人嘅工作本身唔錯。
呢個世界好大嘅，出去做吓嘢見識下個世界幾大啦。
講嘢技巧係技巧係包裝。 說話裏面嘅內容先代表到你係咩人。
上邊提及過唔係撈偏門，（因為我最唔鍾意啲古惑仔嗰啲運毒或者賭博生意），所以希望你唔好話我地撈偏門，我哋做嘅嘢係好正路
有時喺度諗點解要特登講嘢令到人哋舒服啱聽，如果口花花先令人鍾意有意思咩，會唔會有人鍾意我夠真實呢，有怪莫怪直接啲講，我講嘢唔啱聽你咪嘈啦我都唔需要一路喺我身邊（孤僻心態）可能因為我已經有家庭都唔需要朋友