Sorry我錯重點，阿女有個咁錫自己嘅婆婆好幸福呀
4個讚
老人家愛惜子女係咁，大家包容下，佢拎嚟由佢啦，最多盛載湯壺先消毒後飲 
2個讚
我都記得高溫係可以殺死病毒
可以分少少幸福給我嗎
2個讚
我阿媽都係咁
點解d亞媽硬係左耳入右耳出
但我都明佢係錫孫…
1個讚
「阿媽，辛苦你、亦真心多謝你。
但可惜非常時期⋯⋯大家明啦！
你唔舒服都應該休息吓，你唔覺得辛苦、但我鄧你辛苦！你再嚟、我唯有傷你心，係你面前到咗啲湯佢㗎。」
2個讚
呢啲就係情緒勒索
勸又勸過，話又話過
再係咁，唔好怪做仔女嘅強硬態度
比著我真係會唔開門
好心有病就留喺屋企啦！
1個讚
唔接受溝通就唔係錫，而係純粹、單向地將自己嘅願望強加喺仔女孫身上
既然講同一種語言，點解唔聽吓人哋想要乜？
1個讚
大家千萬唔好咁做，真係好傷媽媽心 ! 十年前我自己曾經大病，當時剛出院身體免責疫力好低，我媽拎湯水食物俾我，但佢老人家用隻手亂掂嘢，之後再掂食物，當時我大動干戈趕左佢走，前年媽媽因病入院，因新冠唔准探病，導致冇家人氹及餵食，先後住左幾個月醫院，進食機能開始退化插胃喉，最後都因多次感染肺炎走了! 
之後同哥哥傾談期間，哥哥講番當年媽媽說起呢件事，話當時好傷佢心，我聽後到現在都好內疚，有得返番轉頭，我真係唔會咁做 ! 
寧願門口收左佢，等佢老人家離開左後，徹底消毒後先倒左去一件事，千萬唔好當佢面前傷佢心呀 ! 
7個讚
又未必，我檢左幾次，檢之前開始喉嚨痛，之後有d 咳，但檢出黎全部陰性，其實呢d 天氣好易喉嚨乾同敏感咳
1個讚
首先，對你嘅經歷表示遺憾，請節哀順變。
另一方面，老實講可以唔傷佢心就一定最好，如果接受到：大不了中招，就ok la!
個個長老性格唔同，冇話一定唔可以，總有人受硬不受軟。
1個讚
多謝大家回應，睇我啲“大逆不道” 說話 ，佢想我好、我想佢好，大家都堅持己見，好難和諧 
盡量對佢唔好咁衰 
雖然有時好煩（成日話：我仲黎得幾多年吖…）
同埋如果我會老，要話俾自己知，唔好變成佢咁，要聽吓人講 ，唔好太over 
1個讚
我完全感受到
該主題在最後一個回覆創建後90天后自動關閉。不再允許新的回覆。