其實睇吓住邊嘅村屋。如果元朗、錦田嗰D咁入，無私家車真係唔掂。
我咁啱呢3年幾搬去村屋住。但我呢度青衣超方便，3分鐘已到巴士站，去荃灣、沙田、尖咀、觀塘、旺角等等…都有巴士。勁好
但當然，青衣嘅屋不嬲貴，其他地區嘅村屋真係相對平㗎。
我哋有租埋天台，不過無咩點用。好浪費
如果以house來講已經算平，可以泊幾部車， 停車場費都慳唔少，但係元朗真係好遠，摣車當然方便啦，如果唔摣車就好麻煩！
錦田自從有西鐵後村屋都好方便呀
住村屋最重要係唔怕蛇蟲鼠蟻, 就算裝好蚊網, 都一定有小昆蟲入到屋, 唔只蚊、蜜蜂、四腳蛇依d例牌, 仲有手掌咁大嘅蜘蛛, 近果樹會有臭屁蟲蛋黐喺衫上面, 秋天會有蛇同蜥蜴喺草叢邊走過, 蜈蚣由座廁或水渠爬入屋。朋友試過瞓瞓下有條手指尾咁粗嘅蜈蚣爬上床。
2個讚
就算摣車都要小心揀村屋, 要查清查楚路權, 特別係屋前嘅路係公家路或政府路, 否則分分鐘有屋歸不得。我朋友屋苑大閘同政府路中間有幾米地係另外一個地主擁有, 屋苑其中一個業主得罪咗該地主, 大閘前就放咗個大石凳喺度, 所有車不能出入。搞咗足足一年先放行。
仲有d車唔好亂泊… 輕則俾人貼紙"即刻駛走, 否則後果自負", 重則爆玻璃甚至成架車唔見咗。
1個讚
好彩我住咗3年幾無呢D大問題咋。係夏天耐唔耐有1隻蚊走入嚟。所以我哋超感恩
可能加上我住3樓唔係地下。
即使四腳蛇，我自己間屋只見過2次 (唔計佢哋嚟咗但我唔知)
但真係唔好住地下，見過米奇喺地面走嚟走去。所以地下嗰層好危險。隨時入屋都唔奇
因為養狗我係唔同地區都住過村屋，最後真係怕左，情願住細啲貴啲都搵返市區樓住
1個讚
村屋仲有啲圍村惡霸，所以有得選擇都唔敢住村屋，我講可以慳番停車場錢係元朗錦xx園，之前去睇過樓，屋入面可泊兩部，自己門口又可泊1部，都幾好，麻煩係仔女無車就出入麻煩！
1個讚
好奇問，有冇遇過蠱靈精怪嘢？
舊村通常附近都有祖先山墳，試過行山玩kill 標（高柱），掛住望電話個地圖，行入咗去山墳中間俾啲山墳包圍住
住三樓連天台，再熱少少就開吹氣泳池游水
都係屬於村屋，不過高級過散收收自己一間間果啲
青衣多樓梯及斜路
但我呢邊都唔係
所以我住呢度好好
我就好想住，討厭高樓大廈，都唔近大自然嘅
真心怕
見到你寫得咁仔細，我即刻唔再發夢住村屋
有冇見過野豬同蛇？
我親戚見過路邊有箭豬同有蛇入屋
有見過蛇, 幾次啦, 都喺草叢邊走過, 通常蜈蚣同蛇會差不多時間出現
1個讚
該主題在最後一個回覆創建後90天后自動關閉。不再允許新的回覆。