因為藍c平台鄰x買有售
淘x有 又夠哂平
而且太多黑心/不負責任商人，只要有商機既野都入左貨先
啲商家角度：
用左有問題咩？關我鬼事？你自己買之前唔諗清楚？我有攞支槍指住你迫你買？
我唔賣都有其他人賣，肥水不流別人田，總之我就賣防疫野賺左一大筆先，唔賣埋一份先笨呀
3個讚
首先賣嘅都未必知
二來又冇話唔賣得
所以只可以自己睇路
香港大把兩腳電器都照賣
你見到嘅大滴，但係仲有好多見唔到嘅周圍飄
我呢兩年淨係噴alcohol ，相對安全因為揮發性高，但係副眼鏡花哂先知有好多spray係你睇唔到
即係話，平時任何清潔劑、噴髮膠、止汗劑，都唔安全，最好唔用spray ！
淘狗買埋狗屎貨
同意你所講賣既未必知
只係賣家可唔可以多返少少責任呢
尤其啲網店賣家，而家攞貨容易吖嘛，個個都話自己係店主，個個都話自己係批發
消費者有權選擇買定唔買，要為自己既選擇負責任，咁賣家既責任呢？
我好多時見到既只係班網店店主高舉貨物出門，恕不退換呢8個大字
有客人响落單前想問多少少關於件貨既貨源或其他資訊，都俾班賣家响背後攞黎笑，話佢地煩，例如：件貨先幾十蚊，問問問問咁多野，有咁多野想知，買一左返去試下咪一清二楚囉，你買就買唔買就算
賣家角度
我賺你果少少錢，有咩問題就自己上網搵，我冇咁多時間服侍你
好心啦，作為賣家，都有權選擇賣定唔賣，你擺得件貨出黎賣，就請負全責，一係唔賣，賣就賣最好既
對件貨唔認識，就設法認識多少少，你自己都存疑既就一律唔好賣
可惜，無奸不成商，個個都為求賺錢不擇手段……
利申：我曾是網店店主，但因唔想做奸商，所以暫時退出左網購既商業世界
見盡呢個圈子既醜惡，有感而發
1個讚
唔關網唔網店事，所以點解要去可靠嘅舖頭買嘢
見到乜嘢地方都有測試劑賣，更加覺得係亂咁嚟，連ps5 嘅game舖都賣緊，就知幾誇張
我想知噴火酒去啲門柄位果啲，如果就咁噴响表面由得佢自己揮發係咪可行？定一定要用紙巾/布呀果啲抹返乾？
當大家提到噴霧唔安全，我開始擔心我到底係咪應該轉用其他消毒方法
尤其因為家有小孩
酒精可以噴，因為易揮發就算入咗肺都會出返嚟
只不過傷眼鏡
1個讚
理論上75%酒精(乙醇)較安全,除非對酒精過敏既人士
但要小心火燭, 酒精影燃,如果有吸煙人士,或近廚房使用,就不建議用酒精了
有時間可以睇下，條片講得幾清晰
韓國死咗好多人，有好多人終身傷殘
霧化最好唔好亂加野
多謝你既資料
我估如果有敏感，正常應該已經出現左過敏反應？所以暫時應該安全
咁我就放心少少了
該主題在最後一個回覆創建後90天后自動關閉。不再允許新的回覆。