本來 稱0 就 自然清0, 咁簡單都要唔識，仲想連任？
E家攪成咁，經濟真係清0了
2個讚
番工果啲人肯驗，
只係做比公司睇，
為左賺錢無辦法。
無番工既人，
驗黎都廢事，
又唔洗同人交代。
我一出事已經通知左，
我果幾日見過既人。
如果係你你會唔會咁做？
已經係當傷風感冒咁睇
中左幾日就好返，好左又會再中
再中就再食藥/睇醫生
好返七日就返工
唔共存可以點，都要勉強生存
1個讚
外國依家就係咁 
一家三口幾日內中哂。每人病徵大致差不多,但每人最吾舒服的地方各不同,總結係專攻自己較弱的部位。
我氣管一向差,得我一個喉嚨痛到十級,另家人鼻敏感差,佢鼻最犀利又塞,乞嗤。屋企係有準備藥,不過有d徵狀食左2日都冇改善,又冇另一隻替代。自己又吾係藥劑師,又怕d藥成份可否一齊食,好Q大壓力。
而家全屋中哂,究竟仲要在家帶口罩嗎?佢哋覺得大家已有菌,都不用再帶,食飯用公筷就得,大家自己慢慢好。
但我又擔心一個好緊,另一個未,會否無限輪迴,我知屋企全日都帶口罩好辛苦,人都癲!
就算表面康復左,都有排食中藥要調理番
呢樣我都驚。
我都曾經試過咁擔心，但係如果全家中咗，唔戴口罩啦，呼吸暢順都重要，,心理健康亦對病情有幫助㗎。如果你對自己啲藥唔知得唔得，可以問藥劑師，佢地會答。不過其實啲藥都係舒緩徵狀要好返曬，靠自己身體抵抗力。飲多啲暖水會幫你身體快啲清左排出毒素㗎
2個讚
唔好話老人家,
我姑奶一家都係咁, 平時戴口罩一戴一露, BB咩都唔肯帶仲帶佢遊超市,
最後真係中哂, 陽左大半個月, 一好返又話去街, 話有疫體唔會再中,
我懷疑佢得到個唔出街會死嘅病。
我諗外國玩共存, 都唔係就咁拎個BB出去遊囉!
我家都係咁，之前準備嘅藥，都唔係全部對每個人都有效，最辛苦嘅位點都要捱一、兩日。
好彩中Covid ，確診公告天下之後都有病假抖足咁多日先返工，我最辛苦係頭2日，發燒，但快測又未驗到有，WFH 但人地當你正常辦公咁，多嘢做到由朝到晚，但又病到頭暈眼花手腳又慢。確診後由朝瞓到晚真係好好多。呢個星期，我做得最多嘅動作係煲水，密密煲水、飲水。
2個讚
多謝大家回覆!
而家日日飲水,煲水,飲到頻頻去廁所。
不過我哋報左快測平台,真係最怕比佢拉去隔離,剛老公收到電話,話呢2日有人上門同佢核酸,我同女暫時收不到電話!
我同老公講,話最後唯有犧牲佢,佢去隔離,我哋2個留家啦!
1個讚
我都係快測申報上去，
聽啲中過既人講，
派快速測試包起碼5-6日先收到。
又無話要覆檢。
屋企人重叫我唔好成日驗慳返啲快速測試包，佢自己都唔會驗。
我比較相信中完都有機會再中。
我冇乜出街見人，見嘅都係密切接觸姐。中左就預左一鑊熟架啦。同屋住嘅會唔會全部中哂都係睇彩數。識人一個家人中，其他屋企人連BB過左一星期都冇中。
暫時我小朋友都未有病徵
但係我同老公都中咗，我哋輪流照顧小朋友，都好驚佢隨時中
我今日退左燒，但就開始喉嚨痛，咳
情況同你好似呀
以往傷風咳喉嚨痛我都唔會睇醫生食藥，今次都應該等抵抗力自己好，退咗燒已經精神好多，暫時會停藥
1個讚
上星期四圍封強檢我爸係陽性,阿媽係陰性,過2日後阿媽都變左陽性,兩個有幾聲咳及流鼻水。keep 住食特強幸福傷風咳素,今日再check,阿爸已轉陰性,阿媽就一條紅線,另一條是淡紅線。
上星期全家都中左，得咳、喉嚨痛同打乞嗤
本來我冇諗住食藥，但阿媽擔心，所以食左3日中藥，喉嚨就唔再痛，夜晚出左一身汗就好返曬
屋企人中西藥一齊食，依家都好得七七八八，淨返少少痰未清
因為成個過程冇人發燒，病徵又輕，真係當普通感冒咁處理
3個讚
朋友2月頭中咗，個時個正苦都亂曬大龍，佢打極衛生署個電話都無人聽，搞到佢自己隔離咗成20日先敢出街，依家出街返工見到陌生人都驚，好驚再中，又怕咗電話響，驚有人會上門/打電話叫佢去山卡啦隔離，長時間處於精神壓力狀態。
我3月頭中咗，快測驗到2條線，無報，自己食藥飲水瞓，無金十第12日已經1條線，但我係屋企悶到開始有心理壓力。
但真心唔好當傷風感冒，我係就算1條線都長期頭痛，咳唔斷仲失眠。平時傷風感冒好條氣好快Recover, 但今次連平時做開D Workout 都唔夠氣力做. 或者平常人唔多運動就覺得無咩，但對於做開運動嘅人可能會有好大分別。
你傷風感冒都唔會搞到有心理問題，但好多人都畀佢搞到就嚟要睇精神科。
3個讚
有一個朋友本來隔離左7日，
同個女一齊住，
依家個女都中左招，
再驗都係陽性，
睇嚟要隔離多7日。
同意!我今日第一天check 到negative, 等足7天才negative。呢幾日仲係喉嚨lim住分泌想咳,條氣好似吾係好夠,做平常家務時,條氣明顯見到有分別。希望係過疫期,全家視像看了中醫一次,中醫叫我哋成功出關後要keep 住睇一排調理。
我就未試過咁辛苦嘅傷風感冒
發燒喉嚨痛周身骨痛咳失聲腦霧抑鬱咩都齊
m期都亂埋