同意，好多地方完全唔知點呃到咁多人
1個讚
唔好睇，變左套drama, 女主個口音又奇奇怪怪
岩岩煲完inventing anna, 覺得好好睇，對以上有完全唔一樣睇法，我覺得上面睇錯重點／錯期望。
部戲精彩既地方唔係講點扼錢（呢個係個劇既gimmick only），實際上個戲名叫inventing anna, 咁who is inventing anna, 就係個女記者。since 佢獨具慧眼spot到呢個勁料開始，就不斷寫佢點排除萬難去追訪搵真相，到最後佢成功，而anna 係差一步成功。呢度擺2個女人一齊要做個對比，就係2個都一樣smart, 一樣為自己既目標鍥而不捨，點解到最後一個名成利就成功洗底，一個就入獄呢？究竟d錢係咪真係咁易搵？點樣既成功先係成功呢？
除左女記者仲有一班推手invent anna，即女記者interview 過既人。最有印象係alan reed, 點解佢無償都幫因為（我覺得）佢co relate 到女主角係佢個女，佢好希望幫到有目標有團火既後生， by doing so 令佢覺得人生有返意義同生命力；律師todd都一樣，immigrants 就係容易比人睇唔起，佢都suffer 過，佢想救anna 就似係睇到當年無助既自己，而呢樣佢老婆係唔會明。我覺得呢度想講班專業人士既價值觀，係咪個個都為搵錢呢？好多時點解anna 會令人幫佢就係佢會click 到唔同人既共嗚位，比錢或性更有效。
至於個女主角anna, 我覺得佢好醒wo, 佢吹既foundation 值成2億wo, 淨係concept 都值2億wo! 自己搞掂晒需要既文件，成本proposal 同埋kpi 等等既書。如果佢自己一個做晒呢d仲要扼到幾間大機構投資者，都咪話唔恐怖。就算有得抄都抄唔黎。
如果唔係有咁多條線，只睇anna 點扼人就無咩驚喜，同tinder 一樣只係another scam movie. 有埋其他人會豐富好多，立體好多。好似去搵佢爸媽但最後唔寫，呢個位都幾值得反思。
到最後，anna 身邊既人（vivi, todd, rachel, alan等）都因為anna而發財，而當時人就入獄，都幾諷刺，因為本身anna 就係想透過佢地來發達的。anna對佢地冷血，但佢身邊既人反而會看顧anna, 又係另一種對比。
所以對套劇來講，anna d錢點黎變得唔係重點，如果錯focus 就會失望。
4個讚
全部都講得好好， 好精彩。呢套戲真係好好睇。
由其是講alan
reed 個段， 一睇就知將anna代入左佢個女， 佢心底都想呀女好似anna咁幹一返大事。所以先咁出力幫佢。
睇完anna 之後睇tiner, boring n fyre 都無佢咁好睇。
講到alan reed, 最後佢有升職但同時squash court由no1 downgrade 去no 12, 你話邊樣令佢更在意.
至於vivi, 講佢陀住仔去追訪又係好有趣既setting.令佢個角色好落地同真實，每個working mum 都明白佢個種唔容易，好易有共鳴。
仲有vivi身邊既同事vs anna身邊所謂既bff，又係令人睇得好過癮。到最後總編話調走vivi令佢衝去廁所，有個老記者係隔離開解佢，我覺得呢度都寫得好好，帶出一個位：vivi係咪已經越過中立既界線去幫anna（記者唔可以幫買衫到最後出動私夥仲諗埋要著咩衫）? vivi係咪同其他人一樣都利用緊anna來實現自己？呢種利用係畜意定唔覺意？咁岩呢集主題就係講「畜意」。
anna既家庭背景又係可圈可點。到最後，究竟係咩攪到anna咁呢？最後vivi 講左句what her parents had to say, no child should have to hear that. 留左個空白位，自己諗。
套劇加左呢d鹽同醋，增加一碟餸既餘韻，比其他scam movie 來多小小反思。
3個讚
遲咗十世終於睇咗，摩洛哥嗰集好緊張喺梳化縮埋一舊睇，之後趕deadline 嗰集睇得好興奮因為我本人最鐘意就係趕deadline 
真實記者篇報道幾好睇，可以一睇呀如果有時間
睇頭幾集時奇怪篇文點解淨係由neff 角度寫，睇番劇集先知原來咁多人想不願意接受訪問同埋不具名，咁多制肘都寫到，都幾犀利
rachel 嗰篇就算罷啦，除非係超級fans 想汁都撈埋的話
我對呢段都感受深，但同你個重點唔多一樣。我感受深嘅位係關於parenting，Anna個媽媽話其實父母對於小朋友turns out 會係咩人嘅影響冇想像大，children do not come from but they come through. （大意應該係小朋友唔係父母教化嘅成果，父母比小朋友嘅只係生命）
感受好深因為作為資深嘅新手媽媽，我都成日想幫佢建立好嘅習慣性格etc，但其實好多嘢都係細路仔本身。類似呢到d 有兩個小朋友以上媽媽都話乖嘅小朋友係因為本身乖，父母識唔識教唔係最重要。
呢個咁fixed mindset 嘅講法真係sad but true，不過我都會一直努力keep 住growth mindset，明知不可為而為之 
1個讚
我覺得佢父母唔太理佢，甚至覺得anna 同屋企人好唔同唔夾之後就ignore 佢, 由佢自己做自己野，美其名就留個自由空間比佢發展，但其實父母既忽視對小朋友影響都好大。
我估anna 心裡面渴望有人care 有人愛，到最後要出名要成功搞一大輪野都係為左父母可以睇得起佢。
佢太多大話，我都唔知咁估岩唔岩
1個讚
該主題在最後一個回覆創建後90天后自動關閉。不再允許新的回覆。