平有咩區？我要揾屋，想參考下
英國d矮瓜好大隻架喎，兩個大人5條？！
答番你上面留言，Artichoke 係唔襟食，淨食個芯，我都費事買新鮮，掉多過食，想食買罐頭油浸果d.
普通個款樣大，食落唔多。只食一隻，夠纖維？
如果只食一個矮瓜，要有其他菜。
就算係香港，嫰嘅菜芯都可以食到大半斤
香港人唔係習慣多菜少肉㗎咩？
特別大人，肉可以食少 d，菜唔可以求其食少少算。會唔夠纖維同維他命
我以為自己平時都食幾多菜，比起你實在太少
你地有冇食spring green? 平野，油鹽水烚起似似地芥蘭葉。菜梗就比較硬我就切左唔要，但烚耐d我諗都食得。
水果呢？香港呢排菜貴我轉買多啲生果算
我覺得英國生果平。每個星期鐵膽一定有香蕉蘋果提子柑，去到夏天士多啤梨平到離譜。密瓜波蘿有時都平。
但咁梗係冇日本生果咁正啦
睇番尋日張單：
柑 1.35 6個
藍莓 1.75 不過好細盒
加拿蘋果 1鎊6個
蕉 69p 5隻
提子 1.5 1磅到
1個讚
Spring green 好食同平，但唔係次次有，見親都買兩三棵
羅馬生菜我有時會用來滾咸蛋廋肉湯，感覺有 d 芥菜滾湯 feel
來 uk 之前有段時間食蛋奶素，係 uk 頭半年都 keep到。但蔬菜豆制品選擇太少，食到有 d 抑鬱，開始食返肉
1個讚
其實英國都開始好vegetarian friendly, 你試下quorn 呢個牌子既素食制品，多數係豆制品或plant based. 好多素食朋友都話好食。
1個讚
我唔食生果，uk d 柑好甜，但好細好似桔
提子太酸，同埋好似都印度來，uk本身係米冇種提子？
藍梅，蜜瓜，夏天士多啤梨 ok
個d 合成品間中當零食 ok, 幾得意，但長期當主食唔健康，好重味精又可能有防腐劑
我初初都以為呢邊好啱素食人士，因為出親街實有一款 vegan burger, sausage. 但好假好難食
諗住芝士三文治最安全，但個塊芝士咸到痴線
係香港可以成日食豆腐，腐竹之類，呢邊豆腐就貴又細盒。
1個讚
咁菌類你食唔食？磨菇都平，煮意大利麵，意大利飯？正宗印度咖哩都係素多
我反而覺得香港只可以食豆腐
2個讚
食，好好食，夏天時食左好多磨菇，但間中有 d 腳痛，我估痛風。
不過我本身冇痛風，但估同食太多菇有關。停食之後就冇事，所以唔好食太多菇。
豆腐好正架，蠔油豆腐，又可以整腐竹同枝竹，炒下紅蘿蔔雲耳，豆，滾湯啦
我而家成日自己整洋蔥青瓜西生菜牛油果三文治，加 d 盬同 pepper
夏天又可以食返多 d 沙律菜
1個讚
生果當造真係平靚正，試過買盒提子甜到食糖咁，年尾d 橙無渣好似飲橙汁，莓類過咗冬天開始靚，買齊紅莓藍莓士多啤梨日日執一碗嚟食抗氧。
唔夠纖維食隻蕉，生食生果仲夠維他命，煮過嘅菜好多時都無哂。
1個讚
有人話菇菌濕熱
大portabello又係正到爆，當扒食
我尋日仲有買牛油果，50p中等size係咪都算平？
8，9月果陣隻cotton candy提子興過一排，真係食糖咁，我就麻麻。
我都成日打生果smoothie, 加紅菜頭加薑
唔係cotton candy ，普通提子咋。
Melon要讚下，有日本水準，好食到會飛，又平
d 菇汁都好味，但痛風千奇唔好食咁多
係香港成日食冬姑又冇事
牛油果價錢差唔多，都係個 1,2p上落
cotton candy 係邊買？
我極怕酸，好掛住波子提子。
之前見 M&S d 提子幾靚，好似唔係印度，約旦之類，不過都係偏酸
Cotton candy品種係late summer先有，間間超市都有。
平時提子質素參差，有時甜有時帶酸，有時又d皮厚，但都冇話酸到食唔到，我覺得。