其實我喺個仔bb時、老公都係咁
懶到死、bb屎上背都繼續喺梳化睇電視唔理
但小朋友係會大、佢大個左、照顧小朋友嘅問題係會慢慢減輕
仔女、奶奶都只係過客（小朋友會大、有自己世界）、老公係行一生一世嘅人
同老公傾老人家同小朋友問題、要揾時間、喺佢放工返嚟好煩好累、或者佢呢排趕緊考試寫緊paper、你捉住佢講、係會唔耐煩聽唔入耳、你又會覺得你自己好煩好累都要理bb,但佢只顧自己唔理你感受。
你想離婚、原因係咩？如果係「你哋唔啱話極都唔改、所以要罰你地冇左老婆同bb/孫」、咁唔多唔少係為啖氣、你諗下如果你離左婚、你先生係會愛另一個女人、會組織家庭生小朋友、甚至學識咗點樣錫老婆對下一頭家好好、如果你個心入面仲有呢個人、你會好痛苦。
小朋友幾大？
有冇時間頂到佢出國？
Sorry 唔想問你太多問題，但我會揀2
咁你揾錢能力都唔差啫，唔覺得離婚後對小朋友生活嘅影響有大問題。
但係呢，因為婆媳問題而離婚我就覺得唔抵，你都唔係弱嘅女人卦，婆媳鬥法唔一定輸呀。
視乎小朋友幾大啦，同埋叻唔叻啦～
想知奶奶有幾強勢
同住？
如果話你睇唔慣6299湊孫方式，我諗除非係自己親手湊，如果唔係真係冇得say
如果男方財力ok,你可否做ftm？自己照顧番bb
我生完之後發覺係湊b方面最易同數字人有爭執，令到自己好唔開心
同埋你自己湊番，佢就唔會覺得你係有求於佢，咁就可能唔會咁咄咄逼人
真係頂唔順都冇辦法
我一定揀二，唔需掙紮，我開心大曬
樓主
Happy mum happy son 呢個係我湊仔攻略
我個仔都係歲幾，情況同你有點似。
建意你揾娘家人湊，社區保姆。吾好同數字人見面，大家分下生活，自然就揾到合適嘅路
我case 唔係數字人問題
但揀左1. 好無奈 唔講咁多屋企野
我既意見係
首先再同老公傾下
唔掂先揀2
因為 Happy mum happy child
我老公係我唔開心嘅時候總會送我一句『你唔好唔開心咪得囉～』聽完真係仲火滾！不過理性啲諗，女人啲唔開心其實都係睇你點handle你嘅生活，會唔會太在意一啲可以ignore嘅嘢？
到今時今日，除非真係有家暴令我生命受到威脅會揀離婚，其他情況我會計下錢再講。
如果冇愛都仲肯同你表面和諧已經好好啦。
呢啲真係想扯巴佢喎、尤其當佢係唔開心嘅源頭果陣。
真心呀，仲要通常佢有一半機會成為源頭
不過成熟啲諗，唔想同自己過唔去，所以我都有努力挑戰『唔好唔開心』呢個咁理性嘅方法⋯⋯我諗我打算成佛，看透一切又放下
大家有無愛係關鍵
小朋友仲細會好多爭執，又會好容易睇對方唔順眼。
我自己經驗係頭三年兩公婆最多磨擦、尤其我地係完全冇長老幫手。
之後小朋友大咗、可能辛苦慣左、又睇開左、慢慢又會好啲。
上到小學簡直係重獲新生咁
我都體驗同搏鬥緊，多謝你比個希望我
我想講，數字人仲可以擺幾耐先，遲早都會走，唔理佢或者hea佢咪算囉，唔好太認真，佢強勢咪由佢話事，只係小朋友嘅教導一定攞返個主導權，千祈唔好比數字人影響到小朋友對自己嘅觀念。
另外，如果你真係有離婚，之後獨力加工人姐姐照顧小朋友，當返工長時間，放工真係冇乜時間及精力同佢玩，你自己要衡量依點。
另外，我老公朋友係離左婚，我哋2家不嬲都好close，離婚後個小朋友跟爸爸，有次我個女話返比我聽，話xx好羨慕我爸媽冇離婚呀！當時係6歲左右！
所以你會唔會試吓係苦中搵下一點甜，數字人嘅嘢唔好咁上心，當然我唔係你，講就易，家家有本難念的經！
加油呀！離婚只係其中一個choice，I will take it as a last resort！
試吓set 個期限
試吓解決方法先
真係搞唔到都要離開
例如：試吓一家搬出黎住
請工人湊
減少同男家接觸
數字人搞事，一係同佢死過（我會，頂你又唔係我邊個喺度影響我家庭），一係就同佢個仔死過
如果太媽寶，我一定成全佢兩母子，我唔鍾意為錢委屈自己，自己又唔係搵唔到
唔係叫人離婚，但樓主一開已經講明2先係開心啲，人生短短幾十年，唔開心屈幾十年有cancer點算？數字人比錢你醫？叫佢食屎啦