正如麥片幾好食我都唔食
1個讚
對於唔打針即自私既觀點，我原本都不以為然，因為身體係自己無話自唔自私，直至以下新聞出左：
//記者梳理發現，包括國泰空姐的母親及35歲兄長在內，該群組至少6人未有接種疫苗，另有1人接種情況不詳，亦即該群組近半人沒有打針。資料顯示，該群組的接種率不但對比望月樓群組100%接種率低，亦低於全港73.4%的人口已接種第一針疫苗的比率。
政府專家顧問袁國勇提到，打疫苗不等於不會被感染，疫苗保護力並非100%，但接種後被感染者病情會較輕微，傳染病毒的時間和數量都會比較低，對他人影響會變小。他呼籲市民護己及人，應盡快接種疫苗，並且在條件允許情況下打第三針疫苗加強保護。//
omicorn 初段由國泰空姐傳入，而無打針既人體內ct係高過已打針，所以再傳比好幾個人。如果唔打針隻菌又高度傳染，你點ensure 自己體質唔會變成超級帶菌者呢？
所以呢家個爭論會變成：唔打針對自己好vs 打左針為人地好。
利申：仍然尊重每個打唔打針既人，因為各自都有困難要面對呢個共業。
個人黎講對香港新聞/專家全部抱住一個懷疑態度，例如近排已經唔再講打針同唔打分別奶嘢既比例etc，偏向覺得新聞會主觀地隱藏部分資訊。
疫苗既作用由一開始話既防感染，之後轉口話只係防重症，再後黎又演變成防傳播咁快，5時花6時變，未夾好口供咁款。
6個讚
咁計法, 所有出街的人都係自私, 你點ensure 自己唔會係隱性帶菌者呢？出街有可能傳染人, 唔出街對他人影響會變小
4個讚
所以呢家話研究封城1星期，算唔算求仁得仁？
1個讚
要強檢又對外開門，只禁市民自由出街有咩用? 強檢ensure唔會傳染?
1個讚
單純封城冇用，要配合在家檢測搵出確診者至有意義， 但正苦目前應該冇足夠 test kit 存貨俾所有人同時做檢測。
1個讚
冇架，ensure唔到自己係咪超級帶菌者，但同時都冇人ensure到枝針之後有冇長期後遺症甚至你身體會唔會打完針受唔住。既然超級傳播者係睇體質，咁同打唔打針有咩關係？有冇數據打左針嘅人CT值係會高啲呢又（CT係越高傳染力越低，唔好搞錯）？
肺勞都可冇無病徵感染，都唔會無啦啦有成人去打疫苗或者去驗。感覺上香港人對疫情都已經麻木，個個人係怕突然圍封,冇菜食多過瀨野，睇新年個個冇事咁團年拜年就知，對比上年新年，條街邊有咁多人。就係因為呢一波，大家都有諗法係聚得就預左有風險。自己出得街，應該預左會瀨野，點解會係怪其他人唔打針？我真係諗唔明。係咪你應該要為自己嘅選擇而負責，而唔係瀨左野個責任就係人地度呢？
好明顯個問題已經唔係傳染而係點樣治理病人同社會。日本什至歐洲爆到七彩，確診嘅都係留係屋企自己好返，有follow up有資源，成個system已經run得好順。
處理疫症從來唔止淨係靠疫苗，香港政府有兩年時間準備，抄外國功課又得，抄大陸都得。點知準備過左兩年，淨係一日爆1K都會企左係度。外國人知道一日1k就連餸都唔俾你買，真係笑大人個口。
過左成個星期，病人對應仲係0，排隊問題仲係搞唔掂，連快篩都唔夠用嘅。又唔諗好似大陸lock down，學咩人講動態trianing 啫(雖然我都唔知係點解）。將所有責任推俾市民都係會爆架啦。
7個讚
你講呢D 完全同我屋企人催我帶小朋友去打針既情況一樣
因為我嗰個仲細，而且我哋今年之內會走(如果仲有得走的話…) 有期限的話個折磨係會無咁難捱…
留下來的家長真係唔易做，加油
2個讚
抄外國=政治不正確=香港只想同外國通關, 唔想同大陸通關
唔係我講架, 係大陸官媒講架
抄大陸都唔做，晒咁多時間坐左個腦成兩年。
1個讚
抄緊啦
D排隊畫面同大陸一樣
不過香港人仲未夠大陸人奴性
人地排幾日幾夜
香港人排幾個鐘就嘈
尼兩年俾大陸長官坐住個腦
愈坐愈多
已冇獨立思考
仲有日日夜夜趕住排隊做檢測嘅人
未到最後一刻都唔想放，
最後可能徒勞無功
但呢一刻仲未到4 月
我唔自己驚定自己先
狗衝去拍針
傷港人， 大家要加油
1個讚
肺癆疫苗=卡介苗，基本上50‘s 後香港出世果班，正常一出世全部都打咗，而且只對十五歲以下兒童有效，每個人只需要接種一劑，所以真係唔會有成人去打，香港到今時今日仲有肺癆中心。
不過我明白你嘅表達或者只係舉例
我仔外國出世，冇得打卡介苗，但香港係高危，我所以比較注意呢支疫苗
唔使理人，你有權唔打，佢都有權講，你又有權唔聽，自由社會應該係咁
3個讚
係有呢個數據，有做PCR 就多數做埋，我老公中過delta，有出個數據，所以上次我&一對仔女Keep 到negative 。你上網都會搵到資料
其實我唔會支持亦唔會反對打針，始終打唔打、都係自己去承擔責任。我唔否認為支針咁新真係信心不足，不過數據支持+個別情況，我一家唯有去搏。
其實好睇枝針幾時打同埋係咩變種。O仔嘅傳染力同Delta都好唔同。
2個讚
但CT 一樣係由PCR ，同埋我地成日返醫院、同醫生傾會講。
打booster 、2 針、0 係有分別，而且我哋太多朋友同事中，O 仔最多。