所以佢哋尼D人先最自私
完全屈服係政府淫威底下
連思想都冇諗過半點反抗
直接向弱勢埋手攻擊
妄想所有人聽話就可以得一席安寢
1個讚
袁XX 就係當中 婊婊者。。。。。
1個讚
真係難聽過粗口
得罪講句你都只可以證明你打完針到呢一刻叫無事咋
2個讚
最pk係自己同阿邊個邊個打完都無事，然後叫人去打嗰啲pk，你無事唔代表人哋都會冇事㗎 
7個讚
我朋友前排見過幾份工都係問佢打咗針未
真，俾個政府呃咗咁多次
我一向都話我唔係反疫苗，我係反強制疫苗
我完全理解好多人為咗開飯同生活焗住去打，同樣我都希望對方會理解我唔想拎自己做呢個沒完沒了嘅人體俄羅斯輪盤實驗
正苦就係想製造分化等你哋自我批鬥，PR都唔洗開工而家香港人已經好投入咁玩對立，重點係兩邊打嘅稻草人都代表唔到曬所有人，日日掛住口水戰慢慢就唔記得咗我哋真正嘅敵人係邊個，成件事完全冇意義
而家正苦嘅手段就係想你哋以為自己係少數，以為自己孤立無援，用所有手段壓迫你哋消磨你哋嘅意志，等你哋唔想再思考唔想再堅持，最後墮入「不如算啦，不如埋堆唔好令自己咁辛苦啦」呢條以為自己冇選擇，但係其實係自己放棄咗選擇嘅不歸路
同樣手段19年都用過，唔係咁快唔記得呀話
仲有，經歷咗19年之後我唔明點解仲有人諗嘢可以咁非黑即白
一係反一係撐，唔講仲以為睇緊小學辯論比賽
脷伸：我同我男朋友都冇打，盡量堅持到最後
10個讚
唔係個個都夠韌力去抵抗
好多人都以利益行先
真正有心有韌力守住初心既香港人已買少見少
就好似我之前成日講既”慢慢成為自己曾經討厭既人”
4個讚
每個人嘅利益都有佢自己嘅因由，我冇辦法用我嘅身份去衡量呢樣嘢對佢本人嚟講有幾重要，正如其他人都冇辦法用佢哋身份去衡量我嘅選擇對我有幾重要
就好似我男朋友媽媽前幾日先打咗4hing，我同男朋友又唔會罵佢港豬，因為我哋明白佢老人家冇得買餸基本上等於生活唔到，咪唯有打多啲電話關心吓佢，叫佢抖多啲，有咩需要打畀我哋搵我哋幫手囉
佢知我哋唔會打針，佢都好尊重我哋，仲會緊張我哋問會唔會影響到我哋份工
呢個世界唔係話同自己選擇唔一樣嘅人就一定係敵人
處境唔同，負擔唔同，身份唔同，出嚟嘅結果自然唔同
所以no offence，我覺得你呢句有少少地圖炮
假設有人要養起成頭家，而佢做嗰行焗住要打，唔打就要自願resign
你叫佢堅持唔好打其實又係一種自私，因為最後硬食嘅係佢，甚至係佢全家人，而唔係你
批判人哋嘅選擇唔會令自己嘅選擇正當啲
唔好咁二元啦
自問我同男朋友堅持到都係因為我哋嘅負擔相對上細，我哋膝下無兒女，又冇家人要養，又叫做後生可以捱到餐餐食外賣，份工又暫時叫做冇影響（seemingly）
12個讚
你千萬不要這樣想，唔出街你可以屋企同小朋友煮飯仔做小手作，有你係一齊佢哋一樣咁開心
你準備定啲手工用品圖書，小朋友好需要你。
係呢個時候，親子關係更加要緊密，加油！
6個讚
我由政府放風開始就日日都同小朋友講媽媽未打針，遲啲同唔到佢出街食飯同行唔到DONKI架啦。遲啲可能連巴士都搭唔到。佢聽到都好唔開心，因為呢啲佢全部都係中意做嘅。
我同佢解釋返話因為媽媽怕枝針對身體同BB唔好，但係又有人要我一定要打左針先可以做呢啲野，咁媽媽冇辦法唯有唔出街食飯同行街啦。不過爸爸有打，都仲可以陪你去嘅。講左個幾星期，佢好似都接受到。不過佢最唔開心係我冇得入學校陪佢，咁我又同佢講，其實都唔知你幾時先返到學啦，哈哈。
我自己對針枝睇法係正面嘅，睇過外國數據我信佢係有用嘅。一有得預約果陣，我長老好快就打左。一來行業迫針，二來佢哋都年紀大，都擔心惹到會好危險。（果陣冇O仔，係得人驚啲嘅）佢哋打左我都覺得安樂啲。不過來緊迫第三針我就會勸佢哋諗諗先，因為佢哋都冇長期病。身邊唔少人都係靠自己判斷決定打嘅。公司迫只係一個誘因，可能仲係後生，未至於係諗都唔諗就因為份工去打，都專重佢哋嘅。
打左嘅朋友都唔會叫其他人快啲打。長老們都一樣，唔會過問我做乜唔打。當然都有講過擔心我冇打針所以唔約咁多親戚食飯（呢個對我來講係好事
如果佢哋照約，好可能打哂針都變拜年群組）。
其實上年星期六日出街都會見到好多後生仔拎住岩岩打完針果本書仔周圍行，都知自己係少數。而家唔會諗佢個通行證會行到幾耐架啦，上次縮過一次全日堂食之後都冇再縮過。用安心先入街市一開始就冇人，之後我果區街市都係咁多人（我自己好樂意用安心嘅，因為連電話都唔洗留，超安心
）。
唔俾入商場果啲好可能都會係咁，頭一陣咪少啲人囉，話好麻煩唔方便，可能最後習慣左又冇野。但係通行證多左樣考慮就係實名制，冇打針嘅我完全冇影響。但係打左針嘅就要諗係咪去邊都要留名？係咪仲要打多2,3針？所以而家全香港人都有新嘅問題要諗，唔只係未打針嘅人suffer。
佢迫起上嚟就更加唔想打，咁講只係鬥氣，我知道自己未打嘅原因係我暫時未需要囉，唔洗俾呢個垃圾政府佔咁大份量。佢可以拎接種率來打飛機，但係實情佢食相幾難睇就係人都知。一個發達國家咁早有貨打，但拖咁耐個接種率都咁低，都唔知有乜好J。
真係十五十六想打嘅人可以諗下自己為咩而打。俾一個原因自己，過得自己過得人就算。冇工返，去唔到學校，買唔到餸都係原因，打左唔係輸唔係跪係因為你有需要。
連我小朋友都明set呢啲限制嘅人好仆街，點計都唔係未打針嘅人嘅問題。你知我知單眼佬都知。大家加油啦。
10個讚
好早期話唔會中招就話啫
我係中立撚
唔反對打針，但反迫針only
2個讚
大人、老人家打晒，佢哋就會逼細路打
2個讚
打唔打曬都會迫
之前未迫係外國未開始打啫
你呢個原因其一啦
用安心、逼針、安心連針咭，都係一步步嚟
香港人始終順民太多
而777完全妖魔化所有事
2個讚
係佢地傻唔好咁諗, 佢地再講就話佢地知,
空姐空少係要打晒針先可以飛, 係佢地傳開先,
再講前幾日記者會張醫生被問到中招既打針
與不中招既比例係 58% 打左中招, 咁即係咩意
思?? 即係打左同唔打都一樣.再講而家好多正苦
部門都既人都中左, 咁表示咩?? 打左針都會中
再講之前話要 7 成人打就可以, 跟住又話 8 成,
最後又話 9 成, 到 9 成個時又話要 10 成, 之後就
係一年半年一針, 無限打落去. 再講啲 side effect
相信你都係 fb group 睇過, 唔同真係信個廣告大家
都打左無事, 咁 Uncle Ray 呢?? 而家無左個廣告有
啲掛住佢.
唔緊要仲有好多人好似你咁堅持, 我都係一樣撐你.
12個讚
香港人開既公司大部份都迫針，仲要迫強檢，我地公司（美資）無迫強檢同無迫針
仲不停叫人WFH
真係感受到文明國家既人管理係大有不同。
10個讚