咁新加坡限聚政策都唔弱，試過circuit breaker,即係lock down.
’
又有試過禁堂食， 全民強制work from home, 真係有officer 上公司check, 如非必要，員工返左公司，公司要罰錢。
而家係50% work from home, 5 人限聚令，所有商埸除診所或超市外，要打齊三針先可以入。當然亦有類似安心既trace together. 不過佢配套好啲，可以選擇用token, 老人家唔用電話都出入到。
但而家就算確診都係家居間隔十日，屋企人可以同住，自我檢測陰性就可以正常出入。尚算生活正常，小朋友可面授上課，課外活動一切如常。
我都唔明，大陸咁驚做乜，唔係已經打哂針啦咩
個個唔返工係屋企食西北風好未
呢樣係重點，起碼見到Singapore 大人承擔比小朋友正常返學，而唔係係香港，大人去跳舞開扒小朋友埋單。
兩睇啦，打齊針既大人係屋企，個未打針既幼稚園生去返學， 都唔係人人認同。
你錯啦，香港d老母不知幾想停課，話驚寶貝仔冇左條命喎
一啲啲
幼稚園我接觸嘅大部分係想復課
小學中學返開全日嘅，有啲家長就覺得返半日都幾好，但zoom 都依然係噩夢
難d wo, 香港咁多working mum, 點會想幼兒留係屋企對住工人長老。呢家個個k1-k3煩緊上補習班托兒wo。
same. zoom 個d講秩序都無左半堂，小朋友吸收5成都唔知有無，轉頭返學就測驗啦。
我都唔明呀，但一入功課谷，個個老母喊哂咁話學校唔停自己都要停，又話條命緊要過返學，好似返學佢個仔會死硬咁，有d仲話寧願一世zoom都唔返學，睇到眼都凸埋
我上年都好驚，個個返哂學我仲額外留佢哋多一個月喺屋企睇定d 先俾佢哋返學。
但一年後睇多d 真實嘅情況，其實小朋友中咗隨時比平時冷親仲要弱，真係唔會再驚。
佢強制到wfh 又唔同喎
香港敢咩？
而家做到唔拖唔水
我女小學，同班同學上星期頭中左，今個星期尾就返學。不過，同班又有另一同學確診。全部無病徵，係做自我檢測時發現。
阿仔中學，暫時又未有個案。
香港抗疫根本係笑話，佢要禁你做乜咪抗疫囉，其他嘢佢哋識同武肺講數。
人地星加坡d屋幾大，我地幾大
再者，屋企就算有位你做wfh, 又嫌mon細，唔係double screen, 唔夠快，屋企環境唔夠專心
根本work work 下from home 好多都自願返公司做野。
呢邊處理得好好，係circuit breaker 前巳經放風叫企業做好WFH 安排，特別係政府部門，服務無乜影響。
政府比資助同時要求實行work from home. 唔係自願性質，公司要求員工上班，員工可以舉報，,公司會罰款同停業。
而家實行50% work from home, 但經過年幾兩年，有部分公司已經行全work from home. 只係有需要時先返公司，公司又搬細啲office 慳錢，其實都可行。當然非所有工種都得，但已經減少左好多人出入，搭車少好多人。
當然老闆好唔like, 不過法例係咁，佢亦無得反抗
我真係想虎佢！！
我嗰到都係，發現慳返好多燈油火蠟
呢一代啲幼稚園學生，見 mon 多過見人，長遠來講係好影響心智發展，少咗好多同陌生人嘅社交能力，十幾年前，我啲仔女得三歲幾都會上台表演，比賽之類，贏唔贏無所謂，但係膽係大咗，對住一大堆人講嘢唔會怕，interview 都定啲，但呢一代就少咗呢個機會，唔計政治，只係講呢點，有幼兒嘅家長已經係一個好理由要走。
我都係用notebook 做，notebook 公司比速度唔由我決定。有需要時我都會返公司，但已經減少好多。
當全部人都係咁，自然要調整自己預期去接受。
最重要老闆都要被迫接受