親戚煩只係親戚，我一早已串死咗我啲藍屍親戚，保好，順便反埋面
幾十歲人，自己人生緊要過啲一年見兩次扮關心其實想八你嘅親戚啦
1個讚
我都好想講，
長老一講野就係好惡，
有人問佢點解一開口就鬧人，
佢話我邊有鬧人姐？
呢啲都叫鬧咩？
一係你一問佢野黑一黑面先，
再之後好大聲好悔氣咁答你。
細個好怕同佢溝通。
1個讚
啲長輩最鍾意冇道理講就話人態度唔好
又唔見佢哋諗下自己咁態度
8個讚
係呀係呀，有啲以前打到啲仔女街街，永無同佢地慶祝生日，淨俾餐飽飯食，無關心愛護過仔女。到仔女大時就下下要錢，唔諗吓以前自己做過乜
4個讚
呢啲係性格&心態問題，同黃藍冇乜關係，老人家冇寄托多時間，自然特別多嘢諗，只係性格同心態取決佢諗啲乜⋯⋯
我屋企有長老一有機會就諗起佢屋企人由細到大對佢唔好，理所當然咁認為全世界都欠佢咁，入咗棺材都會醒返；我老闆係一個老人家，由朝到晚都以為份人工係佢皇恩浩蕩咁賜比我哋，以為個個好舒服唔駛做冇供獻等出糧，佢真係大庭廣眾咁講出嚟，話自己先有供獻喎，只係冇人應佢；呢啲係我印象好深刻，不知足仲要討債嘅長老
2個讚
咁你都好呀，起碼你生完都可以返外家過節，我由細到大到而家大個個10歲半都係冇任何要返外家造節嘅活動
1個讚
我父母都係咁，由細俾佢地打大，到而家都係乜都佢地岩曬，好聲好氣語重心長咁同佢地係WhatsApp 傾計, 佢哋話我俾麻煩佢地，佢哋係完全拒絕溝通，完全唔會理我感受，所以我都已經好心淡，同佢哋而家蜻蜓點水式嘅關係，佢哋第時有咩事唔好搵我就得
4個讚
我屋企都係咁，有一個好要面，好強嘅長老。
如果你話佢一句唔岩，或者你唔小心講左一句佢唔岩聽既說話。就會即刻發脾氣不停鬧你。
以前每次去外婆家，番黎佢都會問外婆有冇問起講，或者我有冇係外婆家講佢壞話。
有一次佢要開一個梨食佢自己食唔曬一個，
問我食唔食？我話飽唔食。
佢故意走入嚟鬧我.扮曬嘢。
我覺得莫名奇妙。
1個讚
有時候會覺得好難相處，
你要成日驚住幾時會講錯野比佢鬧。
好多。
不知足到俾幾多錢佢用都話唔夠，仲周圍唱仔女對佢唔好
但佢零用錢(純自己使用，佢屋企燈油火蠟另計）已經等於我家庭開支，仲不斷苛索更多，以為仔女識印銀紙。
2個讚
好多人都知道自己長老壞嘅一面，例如情緒勒索/過分要求/講難聽說話無理取鬧等等。
點解你哋繼續要比佢哋咁做，而唔同佢哋保持距離，或者唔再理佢哋？係咪感情上放唔開
我屋企都有一個由細到大都情緒化地鬧我，嬲既時候講啲好難聽嘅野，下左道氣之後又同我講「一家人無隔夜仇，乜都講得」之類嘅說話，想冇咗件事。
我細細個會好傷心，覺得自己衰，以前仲會用心去安慰開解。漸漸地變成好嬲佢，但係因為佢係自己屋企人，過一排始終個心好想同佢和好。來來回回好多年，難聽嘅說話聽得多，同埋人大左有自己家庭，而家我心態已經變咗，心灰意冷。覺得雖然佢係我血親，但我係冇得揀嘅，我唔可以再俾人不斷傷害。所以而家同佢保持距離，盡量都唔想見，佢有咩事我都唔想知，因為知左又忍唔住想理，理咗佢又唔appreciate 。
一講到屋企人就都好糾結，糾結喺愛同恨之中。家家有本難念的經，純粹分享自己睇法。
見到朋友仔嘅屋企好好，充滿愛相處融洽，其實我就好羨慕。
3個讚
咪傻啦，你俾幾多錢佢都會唱你㗎啦
既然係咪都會俾人唱，咁就梗係唔俾好過俾 
1個讚
睇嚟好多人都俾咗長老情緒勒索
我諗可以嘅話，每個月你一份家用仁至義盡
其實冇話邊個欠左邊個，覺得你有義務要受佢氣
佢哋唔化係因為時辰未到
我嘅睇法係，保持基本禮貌
聽到唔合理嘅嘢，
微笑
不作回應
離開
就好似養狗咁樣教，你重複以上動作，佢哋冇癮就唔會再做，咁就唔會助長佢哋繼續做呢啲行為
每個人嘅時間都好寶貴，令你活得困擾就要主動離開，無謂浪費生命
1個讚
我家中果位成日講一模一樣嘅說話！仲要你繼續嬲就係你小器記仇…
我都係傻左好多年先知自己一直被情緒勒索緊。
2個讚
你講得啱, 真係做幾多都唔欣賞… 你做既野佢覺得應份之餘仲要挑剔… 我真係要再調節下心態先得 
1個讚
唔洗驚, 因為你做乜都係錯既 
只有佢啱哂 
1個讚
Exact7ly
啱！ 而家無論對咩人，家人/朋友/路人甲都好，我都要咁提自己。我嘅心機精力淨係需要擺喺值得嘅人身上。
替你難過，祝福你可以過渡到
2個讚
我有點疏遠呢啲至親，特別係我結婚後，冇辦法，我自己都有人生，唔想受佢哋影響
1個讚
原來咁多人都有不知足的長老。
我老爸都係，太多講都講唔曬。而家由政府養佢。
我都係，生完小朋友睇多咗親子書就醒咗啦，逐漸疏遠佢，就話我生完小朋友成個人變哂