明白了, 謝謝你
我都係辛苦到16wk先好少少, 不過之後就有其他唔舒服
第一孕期我開頭係胃氣多, 多胃酸, 易胃酸倒流,一食得太飽就會火燒心
食得少就會個胃唔舒服, 都係嘔返啲胃酸出來, 果陣差唔多一個星期會食一枝嘉胃斯康
食左3枝都係唔想食咁多藥就忍住
google 話食飯乾濕分離同少食多餐, 對我只係work 少少…
果陣仲戒左飯, 餐餐淨係煮烏冬/素麵俾自己食, 唔食蒜頭同洋蔥
胃氣就飲汽水梳打水, 得佢谷返啲氣出來, 同埋都食左唔少杯裝雪糕做comfort food
而家都真係好多胃氣.不過都無食藥.怕太多藥點都唔係幾好…
唔敢飲汽水同食雪糕呀… 凍野都唔太敢食… 最多食下生果炸…車厘茄同桔仔呀果d囉…
我照食凍野, 係唔食生野。
因為我食梳打餅唔覺化到胃氣/吸胃酸, 所以就直接飲有汽水
如果胃酸多, 唔好食柑橘類同蕃茄, 會仲酸啲, 如果你淨係胃氣應該可以食嘅
其實你俾你老公睇下啲超聲波圖同埋BB幾大粒, 就唔會expect呢個時候嘅BB大小會係體重度反映到出來…
得1節手指咁大, 就算鐵都唔會重得去邊…
我得胃氣無嘔胃酸,食桔仔同番茄都OK …食呢D而家多過食飯
我老公上次係同我一齊去做第一次產檢…月中既事…果陣BB 得1CM 大…唔知佢係咪覺得我食得多野D BB 會生得快D呢?
叫醫生解釋佢聽嘛
其實係架，我覺得最緊要食得落，唔通乜都唔食咩。
我媽媽成日話陀我嗰時食乜都會嘔返出嚟（連白飯都會嘔），只有一樣嘢係唔嘔嘅，就係咸魚（極端例子
），醫生就話都無計，好過無嘢落肚，最後佢唯有餐餐咸魚。
你真係食得落，咪照試下食少少先，起碼過咗依段時間，可能之後你有其他嘢想食。
同埋我嗰時想嘔，就食super lemon糖，對我係好work
因為我而家真係諗唔到有咩係想食既…只能夠各樣止嘔方法都試下…睇下WORK唔WORK…
我好想快D過左呢個時期…不過到時可能會大食特食…
謝謝你地.
我而家9wks… 第二胎 情況同你差唔多…
第一胎都叫食到麵包 而家飯都食唔到 好多肉都唔想食 菜又覺得臭… .我就黎煩死自己…
唔駛太緊張，其實唔係你食乜佢直接食乜的，佢係攞緊母體儲備嘅營養
反而媽媽心情好重要
呢個時期，有乜食得落就食啦，唔食雪糕魚生就ok架喇
我嗰時都係薯條先通常食到，過十四週會好似多
老公都上網睇下文章學下嘢，頭幾個月體重係可以冇乜增長，後面先會重得快～
媽媽已經多嘢諗，老公要學幫老婆減壓啊
我由3個月開始嘔到生，我每日飲2-3支牛奶，2隻雞蛋，芝士夾麵包，我女出世有7磅幾
我果時第一胎嘔咗6個月,住咗醫院,嘔出血
生咗bb 出來就乜都值得
加油 
多謝大家既回覆 我琴日試左食陳皮 真係止到嘔 唔想嘔就一路肚餓啦 XD 至少琴晚係食到野既
我都有同46 講而家既情況 其實佢都明白既 不過之前唔係好食野 佢就比較擔心者 (佢話擔心我會餓死喎）
希望大家同大家既小朋友都平平安安 身體健康
我琴日試左食左塊陳皮 好似止到 你要唔要試下 私都岩岩踏入左9w而家鐘意食生果 其他野都唔大興趣
明白既 我會盡量試下食 謝謝你
而家一日飲一枝奶 或者豆漿囉
我唔係好食得芝士果d 蛋以前鐘意食 而家覺得好似變左味咁
多謝
我個陣都有食陳皮，口淡淡想嘔食，都真係幾work
點樣食
??