五千淨洗︰夠
連買餸︰唔夠
1個讚
買餸唔多，有時晏晝買外賣或出去食，兩條友起碼過百。早餐買麵包都$10個，牛奶都七蚊盒。
同老婆講你都冇$淨，又有目標，大家再慳D洗
最多俾多$500 
樓主老婆都算本事，有份工搵到咁上下，
我每個月都有家用得嗰萬零蚊，無其他收入呀，但我包曬所有補習、學琴、小朋友八達通、買餸、買日用品、衣服鞋襪、學校費用、書簿、三個人迪士尼全年証、住酒店（一次俾7-9千住酒店）。
錢真係之遠唔會嫌多。
老婆使唔使負責外家洗費?
如果佢出到聲，咪大家傾下要多幾多。
5k買餸都唔算充裕（如對食物有所要求）
唔介意餐餐豆腐，蛋，油鹽水浸時蔬另計
其他日子早餐通常我去完跑步買埋比佢地食, 或者佢自己煮D 簡單比細路同自己(e.g. 麵包/ 腸仔旦/ pancake etc). 假期一齊出去食費事搞咁多, 午餐我多數唔食 (因食左早餐), 佢煮烏東/ 通粉 etc 或出去買lunch box, 夜晚就佢預備比小朋友, 係兩三餐煮同煲湯一齊食, 如果唔係就出去食/ 買外賣
1個讚
我又覺得唔可以唔理老婆份16k 人工，5,000係膳食費，老婆份人工就係佢嘅零用，慳D 就私己儲多D （家庭儲備個份已經由老公供）。
不過part time 都有16 k ，full time 時應該好唔錯，可能之前生活質素較好，為了家庭放棄full time 工作、機會，生活質素又下降會感唔開心。
不過睇樓主條數，自己份人工都無剩好多，要加幾多家用都係要睇幾多能力。
2個讚
如果係為咗近期儲錢移民，食少啲著少啲都要慳住啦，問題係老婆有冇呢方面嘅共識先，女人要慳錢都可以好狼死。
我唔係呀，我嘅家庭係老公俾晒成分糧我，我再分返車費飯錢俾佢
由我睇哂成盤數就真係可以好慳，如果你老婆叻睇數都可以咁做，我老公呢方面唔叻。
佢就係本身儲唔到錢有幾多用幾多，所以都得我一個儲埋錢
樓主，你已經負責曬所有大開支，你老婆仲有咩理由要求加錢？
1個讚
其實一家真係唔知一家事，佢問得你拎一定覺得唔夠，你上黎問多半都唔想比。不如問下自己左度右度又要儲錢情況下，最多可以比老婆幾多。
快快睇左你reply 一次，老婆知你有能力儲到一舊錢，每個月儲到2至3萬，咁既基礎下想自己再舒服d想多d錢使下，or even 按通漲咁加d, 加唔加隨你啦。
5000 其實唔多
如果老婆開到聲咪加少少，一兩千
最後都係用返落頭家，就okay啦
太太收入係點用？佢用完依16k再加五千都唔夠定係點？
好似大家話齋，5000話多唔多，話少唔少，真係每個家庭同生活質素唔同。見樓主要上嚟問，感覺唔太願意加家用，真係大家坐埋一齊，攤條數出嚟慢慢計下啦。
5k淨係佢同小朋友的一日三餐都勉強夠。
如果加埋小朋友衫褲鞋襪，興趣班，醫療開支，買玩具，女人仲要買護膚品，衫，因為你知道出得街少不免買啲嘢，咁五千就唔太夠。你同太太傾下想加幾多，你能力範圍內負擔到加幾多。
在於我係夠，因為我好慳，老公成份糧比我嘅，我只留幾千比佢，而因為我負責所有開支，所以我會盡量慳，但慳唔代表冇質素，我都唔食大陸豬，唔買10蚊3斤菜，一樣可以有湯有菜有肉食。
而我平時有控制自己每日唔洗多過100蚊（一星期700蚊），早午餐我同仔，晚餐就1家3口，一星期煲3次湯，每晚會有菜有肉，煲湯果日貴d第2日就食平d。
雖然財政大臣係我，但我都會同老公講下d開支，亦比佢知道我每月可以儲幾多，起碼有動力繼續慳落去。
不過每家都唔同嘅，我認為可以同太太拎出嚟溝通下大家嘅開支，亦可以比佢知道你為緊咩而努力，大家一齊拎個平衡。
2個讚
同老婆開聯名戶口，每月有剩錢就放聯名戶口，咁咪又儲到錢，老婆又唔會同你要多d家用囉
如果樓主老婆嫌唔夠錢，以佢資質全職可以揾更多，再請工人處理家事囉，冇咩錢搞唔掂，生多個真係要諗清楚
樓主如果係負擔得到，就比多d，唔係話夠唔夠嘅問題，而係錫唔錫老婆嘅問題
齋買餸，我足夠
你已經算好好。我想講我老公只係俾$4500我，但你講你負責既開支項目係我全數支付