你可以話我懶同蠢, 因為我真係乜都無唸, 我只係一心好想囝女可以離開呢個荒謬地, 但佢哋唔肯自己走, 所以我先會唸我陪佢哋。
我無唸過有咩JETSO 要攞, 我自己一心唸住陪仔女過去讀書。
點解,人哋bno visa唔係畀你等退休之後過去用囉, 你唔明呀
你老公點諗？為仔女緊要？定係做到退休緊要？
我唔係話你
1個讚
其實聽完你哋咁講, 我又真係有唸住認真同佢深入再傾下你講嘅問題。
其實你d仔女咁大個，你同佢地講送佢地去英國係咩原因，佢地都應該會明白?宜家唔明白、遲d都會明白，遲d唔明白都唔緊要(因為你送走左佢地，佢地未必體會到如果一直冇走會係點樣)
佢地唔肯走係因為唔想同你地分開？ 定係覺得香港冇問題？(有好大分別，特別係16歲果個，對社會應該多少有d睇法？)
我覺得如果你同老公都覺得細路應該走既，就送佢地2個去外國讀書，唔一定係英國既，其他國家都得。十幾歲呢d年紀以為好知自己做緊咩，其實睇返轉頭好多決定都可以做得更好(我講我自己 
)，做父母既有時要狠心d，唔係樣樣野都可以用民主方法決定 
至於去英國邊度好，其實好簡單，都係睇送食飯，你有幾多budget都決定左你可以去邊d城市，宜家咁多人過左英國，要有照應唔難既，只要主動d、友善d好多人都願意幫手。
4個讚
就咁睇你似係細女升中失利先諗下去英國, 而兩個小朋友對去英國都冇好大興趣。當然佢地未必明香港而家有幾荒謬, 但係如果佢地走嘅意慾唔大, 你一個帶佢地過去都可能都會好辛苦。你又唔係為BC, 又要做太空人, 加上你老公宣誓完+退休先過去, 可能真係最後得個吉。
與其係咁, 不如好好俾兩個小朋友諗下佢地將來, 發掘下志向, 同佢地舖路自願去外國升學仲好啦。佢地可能係唔想離開屋企, 但係俾多幾年時間準備, 等佢地自己揀條路可能會肯去呢。
1個讚
樓主，多謝你解釋，你情況再了解多啲再同屋企人傾好啲
2個讚
唔係唔係, 完全唔係因為個女而盟生, 之前我已成日同個仔講叫佢出去讀, 老實講我呈願自己辛苦啲都想供佢讀書, 嗰時我完全唔知有公立學校呢樣嘢, 到2019後就更加覺得佢哋要走, 我都有同佢哋傾, 但佢哋唔係好想, 可能都怕啦~ 所以我老公最緊提起, 我先唸下, 其實自己為細路著想, (意思係我係佢哋嘅踏台階) 係咪又值得陪佢哋過去, 等佢哋幾年間適應咗, 可能我又可以功成身退。
睇左樓主回應，明白其實可以選擇嘅路唔多。你一個人籌謀，但其他人都冇好好配合，老公要留港十年、仔女冇意欲要走，就算比你過到英國都唔會開心。
一家人唔好分開，唔值得。
3個讚
我都好想狠心, 但始終我唔想做到自己獨大, 唯我掌權, 其實呢1-2年我都有同佢哋討論, 但仔唔係好敢/好想自己出去, 因為佢本身都係內向底, 所以可能更驚卦, 我都有不停同佢講, 或者再睇下點啦, 慢慢又再加啲加啲, 希望佢最後會係自願去。
1個讚
你又啱嘅。其實我老公本身由好抗拒變到依家尚算接受 (可能唔係要佢即刻走卦), 而仔女方面, 我覺得佢哋係唔想自己離開, 所以我先會唸, 如果自己做到嘅就盡做, 作為一個踏台階, 陪佢哋一齊過去, 佢哋應該會願意。
如果經濟許可，一家人一齊啦。外國生活好唔同，家庭觀念好重，大時大節都係同家人過，weekend同自己相熟嘅人見下面,long weekend一家人去road trip，如果冇疫情，直頭可以個個禮拜開P，真係享受生活，好用心去玩、去relax，唔似香港咁壓抑。就算係平日，可以5點收工返屋企煮飯家庭樂。
如果得仔女自己過去，成個感覺都唔同，會好孤單，有唔開心同你講你又擔心，唔同你講就更孤單。
6個讚
我細個果陣我阿媽有OFFER我去外國讀書,但係因為當時都真係太內向, 唔敢試但係心底都係葡萄人地有得出國嘅, 最後都係冇去到,大左就覺得後悔。最衰而家疫情, 唔係可以俾佢地試下啲短期EXCHANGE感受下自己生活先。其實陪讀唔一定要5+1, 不過就入唔到公立學校囉。
同樓主講聲對唔住，以為你係搵錢至上又想周圍搵著數嘅人。
4個讚
內向更加應該叫佢出去外國讀書，我自己18歲去外國讀書，我覺得個段時間真係學到好多野 (初頭自己一個去外國生活既苦都係成長既一部分)，特別係男仔就更加要學識獨立生活
你想佢自願先去原意係好，了解下佢地有冇其他地方想去？16歲既之後想做咩？再睇下有咩國家發展好d？
1個讚
樓主同老公講下亦都諗清楚先, 細路去讀書, 讀完又要返香港就無謂, 勞民傷財, 又無本PASSPORT (除非你不嬲都留左筆錢比佢出國讀書)
你要趁佢18歲之下你先可以用BNO帶到佢去入籍拎BC PASSPORT, 你再諗下諗下佢過左18就只可以去其他地方, 到時佢一係去其他國家, 一係只能留香港, 又係咪你想咖呢?
呢個係我一路想。
你講得啱, 其實係我開題開錯咗, 因為我真係什麼都未search 未拿捏就嚟問, 其實我唔係想黏人哋國家啲乜, 只係唸住可能可以有長啲嘅時間可以陪佢哋喺嗰邊, 至於我自己我無咩籍日子都係咁講, 我都好想等香港有日能夠從見光明。
1個讚
謝謝你明白, 都係我自己心急無唸清楚就開題嚟問, 所以我懶係抵你哋話嘅。