放工返屋企食完飯同小朋友伴讀，原本讀緊本書小朋友都留心聽緊，唔知點解個口開始講唔到隻字，mak唔到口型，識讀都講唔到出黎，下一秒我就係sofa上斷左片。
隱約仲feel到小朋友搖我同埋同爸爸講媽咪好似訓左，但我完全無能力回應佢地，比周公強行熄我個制。
2個讚
突然醒唔起做過啲咩事， 總之都係好無厘頭 ，同埋唔合邏輯嘅事
剛剛知道有咗嘅時候，大約一個月到，同同事食緊lunch，同個同事食食吓飯時，佢不停叫我個名，原來我上一秒答緊佢問題兼放緊啲飯入口，下一秒，隻手喺咀邊停咗。
同事話叫咗我4，5聲，我都無應佢，但又唔敢大聲叫我，原來我瞓著咗。
但我好肯定自己當時無眼瞓感覺，我亦唔係秒瞓著嘅人，唔知點解會咁
咁奇怪？
到而家都係一個迷
小學，星期六夜晚等睇12點幾幽遊白書，播新聞播廣告雜誌時我都係合埋眼等佢播，有次等到佢唱主題曲我都合埋眼等佢，到我開返眼時見仲係唱緊歌，仲覺得自己好叻時間岩岩好。
點知唱完就去左廣告話下個節目係愉，原來係唱完片尾曲。
1個讚
每朝起身都煮飯來帶飯, 有一朝太眼瞓, 洗左啲米無倒落個鍋度, 直接倒落個飯煲底仲要加水冚蓋煮
1個讚
我都試過，喺巴士上面瞓著咗，醒返之後唔知自己做緊乜要去邊，又諗唔返之前發生過咩事，好似失咗憶咁。
喂呢個係日常喎
收工好攰，魂魄飛走左。要行入個商場，要開玻璃門，我係咁推門都推唔開，推極都推唔到，心諗點解開唔到既
後面有人對住我係咁咆哮“拉啊！拉開啊”，我都好似聽唔到佢講，不停咁推門，後面個個人再大聲d咆哮“係拉開啊！”，指住門上個牌“拉啊！”，頂我唔順，出手拉開隻門
該主題在最後一個回覆創建後30天后自動關閉。不再允許新的回覆。