我估唔到啊，雖然我都鍾意自己搵自己洗，不過如果係被迫要一直返工唔可以脫節就好似有啲辛苦。
當初揀科都預計到第時攰想休息，或有機會湊小朋友唔做嘢幾年，擔心隔咗好耐出嚟做嘢會冇人請。所以選擇啲無論空白期幾多年後都會即刻有人請嘅專業，人工係有市價。
High five
可能我鍾意獨立有自由，要我返工受下老細氣，都一定唔要寄人籬下同男家住，或者兩公婆要為經濟問題日嘈夜嘈
而且獨立有收入＝就算第日發生咩事，起碼我有條件作出選擇
2個讚
其實又掉返轉諗，要你哋養埋老公得唔得呢？
冇預設立場，如果有需要，我覺得自己ok嘅，雖然現實上我老公係有事業心而我係hea做果個
1個讚
如果老公係ftf 我應該ok呀，養埋冇所謂
如果佢因為病要休息，或者失業一排我唔介意
大前提係佢本身份人係努力上進
如果係Hea底嘅，我接受唔到
1個讚
如果係hea底咁求其打份工養到自己，又做下家務，負擔少少使費，冇話喺屋企做大爺都可以嘅，屋企我出大份囉
如果好努力但又搵好少呢?
會唔會介意養埋老公?
(我諗起林奕匡, 佢老婆做金融, 當年就係做音樂搵唔到錢佢老婆差D飛左佢. 佢就憑住咁慘既心情先作到"高山低谷")
[quote=“notb6b6, post:107, topic:55834, full:true”]
如果好努力但又搵好少呢?
會唔會介意養埋老公?
要睇咩情況，如果係未結婚前，我會介意。即係我專業人士揾好幾萬，但對方揾1萬鬆，我根本連一開始都唔會同佢一齊。
但如果已經結婚，只係中間touchwood可能有意外/病，揾少左好多，咁我唔介意養埋佢。
至於因為追夢而人工低，可能係我現實，我覺得追夢都要有個限期，如果淨係講夢想完全唔考慮經濟既男人，我應該都係接受唔到。
1個讚
應該係林奕匡俾咗死線自己，再做唔起佢放棄陪老婆返加拿大？我聽訪問咋。
睇吓點為之養埋啦？
即係飯都無錢食就難d，但佢住我到，大家嘅錢夠生活到，我後生拍拖都可能ok，我細個時無諗我咁現實
係呀
但如果佢有份糧負擔到自己，又有比少少屋企，我諗都唔算我養佢啩
認真答我以前有同老公傾過。
原本我份工收入同穩定度係比佢果份好、加上佢煮飯同做家務係比我做得好。但照顧小朋友喺完全唔得。（好似今朝佢仲比套夏季校服個仔著）
而且又無理由要佢一個男人日日喺屋企對住工人姐姐同個仔。
其實如果有小朋友, 辭職係因為要照顧小朋友, 咁無論係父親定母親辭職, 都唔應該叫"俾人養", 應該叫分工合作.
如果係冇小朋友, 我又唔明有手有腳做咩要俾人養, 男同女都係咁話.
除非有咩健康問題啦, 咁就冇辦法.
講緊冇小朋友, 如果養人果個返工好辛苦, 俾人養果個無所事事, 咁久而久之, 返工果個一定會心理唔平衡啦. 幾愛都係咁話啦.
6個讚
總有啲男人覺得妥妥貼貼照顧好自己嘅女人係一種成就、請埋工人，叫個老婆只係負責嘆乜都唔駛佢做。
1個讚
如果女方好有錢, 但男方好窮. 係唔會養個 “老公”, 只會養個 “情夫”.
1個讚
應該個女人本身都係呢種人
住屋村唔係有錢，唔駛返工但係乜都唔理
ps 以前屋村都好多呢d女人
1個讚
有機會真係要自己番工
我覺得係識唔識尊重人嘅問題，如果個老公連咁基本嘅嘢都唔識，就唔好做ftm啦。
咁呢類今日都有
電視訪問過啲綜緩女人話每日訓得太多好辛苦、又話個仔冇電腦上網定點。
真係辛苦晒。
2個讚