政府工個base跳得快極多喎
私人公司要靠成日跳糟先追到
唔跳糟就一定少政府一大截
其實應該話入政府係想準時收工
但當然而家未必有呢支歌唱，都睇部門
同埋福利同舊制比真係無得比
新制普通文職做夠10年會有22日年假，但舊制係40日
都好難general 咁比既，好睇職位，如果唔係專業普通文職咁我覺得入政府好d，ACO升到頂都好似有3萬。但如果係專業人士，叻少少有d 上進心既出面其實都好快升到。律師會計師工程師入職6萬幾，我識人係減人工咁入，想stable d 同起碼唔洗淩晨放工。
係呀，呢幾年經濟差私人市場係真係少左bonus，又有失業危機，經濟差時梗係覺得做公務員好。但早期/將來經濟好番時又未必真係覺得咁正。
簡單講就係如果專業+後生，私人市場好揾D。40歲後有哂家庭想stable 就通常又覺做公務員好。
3個讚
但做開私人公司，未必頂得順果d文化
一係就學埋一樣
聽聞好多騎呢人
特別而家咁多人走咗，剩返果d…hm…
係，我妹個陣就係頂唔順太多老屎忽，唔知係咪蝦新人所以比佢想像中忙，計完數佢都係跳番出黎，好彩早左走，走完好快就社運！
而家有埋政治因素，新入職就梗係傻喇。不過一早入左去而留底既我又某程度上明既，現實問題囉，社運之後又疫情經濟差更加唔敢轉。
2個讚
入得耐，轉出嚟好難
而家仲要簽乜簽物，邊有so
#寧食開眉粥
1個讚
減人工入係政府工唔計出面年資
但入左之後好快追過啦
利申：低級工務員一名
士氣，其實係有影響，因為要放棄原先嗰套，其中一個例子，紀律部隊嘅步操要重新學習，跟偉大嘅祖國。其他嘅唔方便講啦。
福利，新舊制係無得比，呢樣好多人都知。但我自己入職時好清楚個分別，同工不同酬，接受到咪入職囉，無話公唔公平，因入職時你都知架啦。但大部份係準時放工，除非你係高層啲嘅就比較難囉。
公務員文化確實唔係人人接受到，亦真係好多畸呢人，好鍾意玩小圈子玩杯葛，但亦有正常同事，係認真工作嘅，老屎忽鍾意恰新仔係有，有時覺得直頭係心理變態，大家都係打份工，唔駛咁呀？我自己就唔係好理人，老細都好西，TB咁，無得罪佢唔知點解唔鍾意你，我工作態度完全無問題，亦做得掂啲嘢，講真低級職員啲嘢會有幾難？佢做埋啲小學雞嘢想你唔開心，我睬佢都傻，你繼續你自己台戲，我都係咁樣做人做事，唔會受佢影響。
為咗生活無辦法，走同留都係兩難。
2個讚
我一早知佢地係咁，所以從來冇諗過
同埋難頂都難轉行，係好sad
1個讚
六點收工已經叫遲架啦 
見過有d 直情會開到聲話五點幾要收工去買送
深表同情~
聽聞公務員文職果邊都有唔少呢d 人
2個讚
係架，文職都算係架構裡面嘅底層，相煎何太急呢？
1個讚
咁我覺得又真係唔一定，例如留big 4 vs 政府，前者升得快成條街。政府醫生同私家醫生又好大距離。幾年只係叫追過入職薪金，但追唔過升幅。我d 同學讀專科既又真係好少覺得公務員筍。不過都有幾個女同學做EO, 讀BBA出黎揾工條path唔係咁清晰。
本身公務員都麻麻地吸引到精英，再計埋政治因素要簽呢樣個樣，真係揾笨咩。
1個讚
認同，仲要影響埋之後有冇得移民。而家話要引入外地既醫護，將來都難保唔會引入外地(心照即係邊到) 既公務員。真係自己計店數喇。
1個讚
咁當然係唔一定
但普遍一定係
林子博都走到
當然人人情況都唔同
哈~
佢幾時回流香港都成問題
1個讚
公務員要士氣嘅咩？聽話先係先決條件嘛！
六點只會係文職同事同old sea food 。有啲做到8點後
1個讚