會呀，先掃咗啲塵再抹
可能係奶奶有潔癖，地下有一條頭髮都會即刻執走佢，我地返去食飯係只可以坐圓凳唔可以坐梳化
所以老公肯跟我個標準真係幾好！
不能同意更多，你講嘅拖延症我唔覺得係必分手嘅原因，家暴、第三者呢啲先係。
我老公都好多垃圾唔肯丟，銀包會有甩色收據同年頭一二月嘅紙仔，厚到放唔到錢入去。叫佢執係冇可能，我幫佢執亦令佢好抗拒，因為怕我丟左有用嘅嘢，或得太好佢唔知啲卡放左係邊。另外有好多一袋二袋嘢係佢千年唔用但要keep黎用在一時嘅嘢，我比左一個大櫃佢放，唔比佢超出櫃嘅範圍，我睇唔到就當冇事發生。佢老家有間房，有佢中學大學嘅嘢，十幾年冇掂過，又係唔肯丟，浪費空間。
如果你勁介意一個男人好亂，就唔應該同佢一齊，洗濕咗個頭就請你改變自己。
所以我有界線，亦接受佢會儲垃圾。
你日日諗點改變佢，只會破壞大家感情。
1個讚
咁唔結婚，唔住埋一齊又唔會知佢嘅衛生習慣嘅
我又冇話一定要佢改到合我心意，只係想佢知道一般人嘅做法，睇吓佢會唔會採納下
佢而家抹地之前都唔會吸塵或者掃地，我都唔會因為咁樣勞氣或者哦佢，有時我會吸完塵叫佢拖地，等佢自己比較吓吸完塵先拖個感覺會唔會好d，如果佢覺得冇，咁我由佢繼續淨拖地
只係我想呀b出世前，想佢為意多少少個衛生je
1個讚
唔係㗎，見微知著。出街食餐飯就知道，不過 full picture 就未必知就真
1個讚
每個人都會儲某d嘢，只要唔影響其他人就ok，但如果d嘢多又亂放到影響到其他人，例如：會click親人、搞到個廳冇路行、間屋有蟻，我覺得係需要解決
我的確有少少想佢改善，但並冇日日想改變佢嘅想法，而我亦唔係冇接受佢嘅不足，因為喺佢眼中可能我都有不足之處
我只係想睇吓有冇方法可以取得一個平衡，或者係透過大家嘅建議open my mind，指出我睇唔到嘅盲點
例如尋日有人提出我只係想老公掉嘢，而忽略咗同理心，我自己都會檢討下自己，再試下一d有建設性嘅建議
2個讚
佢出街食飯會抹乾淨d餐具，準備好紙巾，食嘢，除咗漢堡包同pizza，基本上只用餐具，食嘢張枱好乾淨
反而我有時都會掉咗d食物落枱
同埋佢每次出街都會準備手巾仔抹汗
你超好，我完全接受唔到，接受佢不足？我踢佢落樓梯好過
其實大部分時間都接受到，但都會呻吓。。。都仲未係100%接受到
特別係如果有時間限制嘅嘢，我好易會躁底
你提佢就快有垃圾徵費，到時先掉就好甘。
係啵。。。到時掉咁多嘢，真心貴
一定有，不過男人嘅做法係好簡單，接受。
所以你要幫手將件事變成唔會影響其他人，例如老公有間房專門放佢嘅嘢我唔會幫佢打掃，最打打開房門嘅時候取笑佢。
當然你可以用把口去提佢執嘢，不過你要預咗作用有限而唔好自己咁唔開心。
所以最重要係你個心態。
我嘅做法就係搵辦法去令到佢啲壞習慣唔影響到我，而唔係改變佢嘅壞習慣。
我屋企空間有限，而且間屋嘅嘢好多都唔係我兩公婆，但只係得佢有決定權掉定唔掉，因為係佢屋企人遺物，佢亦唔多鍾意人哋幫佢執，佢覺得會搞亂佢d嘢
我亦都真係只有開口提佢，其實如果唔係愈嚟愈近呀b出世，我唔會咁煩躁不安，因為真係冇位放呀b嘅嘢
我其實都睇開咗好多，以前食完飯，佢兩個鐘內唔洗碗，我真係會好忟好躁咁話佢。。。而家我唔理佢幾時洗
有時我好衰咁，只係洗我自己用個d，唔幫佢洗（好似好計較咁）
補刀，奶奶如果知道咁貴一定好肉赤。。。
係……佢知道應該會好後悔生前儲咗咁多嘢
佢本身好慳，如果收垃圾費就得不償失