咁社工有無見到你俾人打到瘀曬嘅樣？如果社工唔係俾到啲即時改變到的幫忙，有冇試過打去其他機構？風雨蘭？好似上面啲留言仲有提過其他機構，逐個打去問
你要數有啲咩困難，其實呢度個個唔會唔知，只係唔想你繼續俾人打，都怕遲早打到你兩個女，而你就走去講有生蠔食，又諗咩新戀情，不如你整理吓自己思緒，究竟自己想要啲咩，唔駛多，淨係一個目標，再睇吓可以點去達成呢個目標
你要記住，脫離困境從來都唔會易，困難越難，你要拎出嚟的勇氣就要比佢多
7個讚
酒店有bb 床有配套，點會唔得，不過算啦，決定權係你度，無論如何，希望你幸福
我覺得呢個話題可以完啦。
一開始問大家意見係咪應該要走，大家俾咗建議之後，就用好多唔同嘅嘢推翻。
我明白我哋唔係身處其中，好難去判斷或者作出決定，但係都咁多人都提到唔可以容忍家暴嘅時候，你都仲話可以試吓忍多一個月，所以我覺得可以完呢個話題，因為講咗都冇用。
15個讚
同意，祝福樓主平安
咪就係大家都唔係傻嘅，都睇得出根本呢個post只係討拍求安慰。
好似樓上話講咁多安慰嘅說話有用咩？幫到件事咩？
如果呢個係取暖post，大家冇興趣係好正常，因為佢仲有兩個女，佢有責任去面對問題而唔係繼續求安慰。你啲說話講到再好聽都好，都幫唔到件事。
所以就算樓主喺度出定唔出post，但佢唔去解決問題，結果都係一樣。說話再好聽都冇用。
樓主倒不如你又講下係你老公角度黎講，你做錯左啲咩而要打到你咁甘？
琴日鼓勵完樓主一輪，今日再睇樓主所講嘅嘢，我諗要冇成本又可以改變到將來避免再被打嘅話，唯有自己上網學啲自衛術傍身
除咗祝福佢對孖B之外，我冇說話可以再講
2個讚
樓主，其實你肯去公立醫院驗傷，話俾人打，就應該有得開file 有人跟
當然，你先可以為自己做決定。你冇娘家，但如果搵朋友，應該好多人都會幫你。
唔好發夢有咩新對象，從來人唔肯自救，就無人救到你。
記得好好保護自己同小朋友
裝睡既人叫唔醒，
大家都盡左力拉。
只好祝樓主過得快樂。
4個讚
可能社工都好多case要做，見你無即時危險，又比較逃避，所以都係建議觀察咁。
你無錯架，都只係受害者，唯一錯既只係揀錯老公。
無工作能力，無獨立能力，先係問題所在。
至此，我已睇唔出你能夠靠自己帶埋兩個女離開。
事實上，你連自己獨立生活都有疑問，何況帶住兩個細既。
淨想做 ftm，甚至係少奶奶，無問題。
希望遇過另一個照顧你既男人都無問題。
首先照下鏡，身形仲 keep得好唔好，個樣係咪吸引人。仲有要戒講粗口，有食煙要戒埋佢。
要依附人都要付出的。
照完鏡都覺得自己有條件既，最易埋手係揀個毒L。人自閉自然錢多，幻想多自然係浪漫主義，會想保護弱質婦孺。所以一定要戒粗口戒煙。
如果仲想搵個條件更好既，去買六合彩應該機會大些。
記得記得，事成帶埋兩個女走。
唔好拋底佢地自己過新生活。
最後都搵唔到水泡的話，請認真考慮送佢地去兒童之家果類半孤兒院。
16個讚
呢個時代連迪士尼公主都要改價值觀、教人自立自強，真係估唔到會有年輕女仔坐響度幻想等人救。就算有第二段戀情，故事只會無限loop, 呢個係價值觀問題，女主角由頭到尾都只係想扮演依附物，咁我明點解會得唔到尊重
1個讚
佢價值觀一定係出咗問題，只怕長期身心都被折磨，其實mindset同我哋一定會有偏差……
1個讚
走啦, 唔走望天打救咩
既然你唔走得，咁又傷米飯班主嘅自尊心？人身攻擊都係暴力嘅一種呀⋯⋯又要痴住個家暴男又要撩事鬥非，你做緊乜呀？
窮人生仔要負責任
我係確保自己有能力單親先會生，世事無常，你點知今日嘅好好先生，聽日會唔會突變做家暴男？所以冇plan B係自己問題
如果你冇能力保護自己先，咁你做媽媽已經唔正確了。
樓主，網友怪你係因為怒其不爭。被家暴你係受害者，但其實你仲有好多方法可以去解救自己，過程一定係辛苦同困難，但如果有頂硬上既決心你有手有腳冇嘢係解決唔到。
我唔知你揾個個係咩社工，我媽好多年前都有個朋友又係家暴問題，揾完社工區議員好快就幫佢安排臨時住宿。樓上都有會員提議左好多唔同既機構，你問哂未？
如果你有take action揾唔同方法解決，搞唔店上黎求救的話，呢到既會員9成9都好好人，一定好樂意幫你。但如果你只係想上黎賣慘，真係唔可以怪人話你。相信就算你同現實生活中既朋友講，都係會俾類似反應俾你。
4個讚
其實我唔知你係咪真係有搵到社工，正常社工係會好積極幫你安排，特別你個細嘅有長期病患，家暴單親長期病，簡直打橫行咁滯，唔係點會咁多人去攞綜援
3個讚
哦，咁⋯⋯乜你咁唔小心呀，又比小朋友體驗你細個嘅苦難？
明愛向晴軒幫到你嗎？打個電話試吓
2個讚
孖女將來有冇錢學嘢係其次，首要係有健康嘅成長環境。
唔好意思，我唔知點解你個社工會話小朋友細唔好住庇護中心，因為一般正常社工都會叫你去。
如果你入左庇護中心，你申請綜援外，仲可以申請光房，之後搞離婚。
如果你搞左離婚，你可以申請公屋，到派屋先除戶籍。
娘家點複雜都好，佢哋無support 俾你，你為小朋友有啲位都要insist delete 戶籍
6個讚