其實結咗婚就係另一家人，唔好要求人哋咁多家庭道義，一家人開心就團聚食餐飯，唔好講到一定要/覇正日/覺得新抱要服侍你，又唔好覺得自己湊大個仔好偉大期求咩報答養育之恩
你個仔同個新抱就會對你好
8個讚
仲有，千祈唔好覺得係個新抱執到，調返轉人哋都覺得自己個女係寶，係你個仔執到
愛情邊有得講執唔執，我自問好Q多缺點，我老公都當我女神。根本上一輩就唔好理咁多
5個讚
有d人係要講到執到乜乜
大家咁高咁大唔得嘅
2個讚
今年中秋返左娘家過節，好開心勁感動
（雖然返奶奶度唔係唔開心，但始終無咁過癮）
1個讚
你個仔係你個仔，人哋個女都係人地個女，唔係個個節日正日都要霸住人地個女嘅。
好似我哋咁，中秋喺我媽度，團年飯喺佢媽度，大家要互相專重而唔係嫁左人就奶奶大晒囉。
我又唔係工人，我負責睇住阿囝玩。
見到老爺仍然安好，感到思慰
1個讚
正解！
1個讚
我媽成日都覺得係我老公執到，因我讀書叻又有好嘅職業，我糾正佢：你個女我脾氣又臭，做事衝動，口出狂言，又唔細心又唔識煮飯(當年)，又唔係靚，你咪咁諗
我老公讀書同搵錢都爭我好多，但佢善良細心好脾氣，我覺得係好條件
每人都有優點，要欣賞，唔好覺得邊個執到
奶奶開明，有自由度，真心為後輩好，唔擺款，啲仔呀新抱點會唔肯返去？你唔叫佢哋都痴你啦
1個讚
出去食最好，而家出邊食飯成日要你90分鐘埋單，食完啦啦聲各自歸家
下一關係咪做冬？
奶奶果邊不嬲唔正日食飯
我老公以前都係洗碗嗰個
任何節日都可以同老公二人世界
1個讚
諗起就頭痛，每次話七點開飯，住最近嗰個總係遲到，搞到八點先開始食，D餸又唔啱我口味，次次齋座到十一點先走，今年好想搵個原因唔去，實在唔想再去應酬男家
2個讚
我同你剛剛相反，我係好脾氣嗰個佢係臭脾氣嗰個，如果佢同你諗法一樣就好了
你嘅伴侶很幸福
咁我唔係一開始係咁諗架，後生時揀靚仔揀才華，點知火星撞地球，啲友又大男人，我同佢哋死過，拿拿聲分手，到識我老公覺得點解相處咁舒服﹖從來都冇試過可以做返自己唔使楂頸就命，好快就知道係呢條友了，佢唔好彩娶到我囉，惡死倀雞乜都據理力爭
開頭我都成日蝦佢，又嫌佢做嘢慢人生乜火都冇，後來我唔知因咩事(好似係睇到其他朋友嫁錯性格不合既例子)開始反省，當然自己脾氣都收斂咗(少少)，會珍惜同欣賞佢，真心都要幾年時間
你要畀佢知道你優點，夫妻一定係互相補足先會需要結合，你亦要欣賞佢優點甚至缺點
樓主唔好意思，我超級離題
1個讚
我勁鐘意樓主標題, 太有共鳴啦…
我做節當日, 因身體不適為由, 缺席… 我只係凡人, 唔陪同Blue blood同枱…
我位奶奶無節日概念同儀式感，所以我絕少番去食飯。佢自己講話過年如過日，我就番左阿媽到食。
該主題在最後一個回覆創建後30天后自動關閉。不再允許新的回覆。