我都試過，日航既不銹鋼餐具，仲用緊
1個讚
公司每個月一人派2卷廁紙，因為用得唔多﹐儲到咁上下會拎啲返屋企用
2個讚
屯門去沙田，到大窩口轉48x巴士，因為唯獨是嗰個站，可以減$8.2。即係全程屯門至沙田$10左右就搭到
4個讚
以上好多都有做過
只係人大咗，少咗咁做
喺澳門搵發財巴搭去威尼斯人，搵賭徒買船飛搭金光飛航返香港
嗰時金光平過噴射幾十蚊
3個讚
唔算好cheap仲覺得好自豪嘅一件事：
去foodcourt檯面執單夠200蚊免費泊車
4個讚
只係試過去酒樓食飯。
攞濕紙巾走。
1個讚
應該要攞，因為啲濕紙巾個包裝可能會污糟咗，執檯啲人唔會回收，唔攞都係製造垃圾
1個讚
好耐以前日本酒店預約網站Jalan 每一個新嘅account預約有 ¥500 off.
我跟住嗰兩個trip, 每一晚用一個新account book…. 開咗10幾個account….
食放題差唔多埋單嘅時候，一定要攞一罐新嘅嘢飲，飲住走
新屋入伙，有牙簽筒但係冇牙籤，因為唔想一次過買好多牙籤，所以嗰排keep住喺人哋酒樓餐廳拎牙籤返屋企入滿佢
1個讚
上面好多嘢都攞過，但唔會特登問人攞，只係佢放喺到預咗我用又冇用到先會攞。
2個讚
酒店叫熱檸蜜，唔落果樽蜜糖仔，拎番屋企 
2個讚
呢單 cheap 出國際，我老細意願但我有份做幫兇。
話說有一次去印度出差，為咗慳錢慳時間同埋唔想路上搵食得入口嘅嘢。十點鐘落去食早餐，早餐係十一點完，之後佢叫我整多幾片面包夾花生醬，佢話佢有三文治密實袋，可以拿埋 muffin, cup cakes, 連殼 boil eggs 。 其實酒店係唔俾 buffet breakfast 又食又拎，CLS，佢直頭成碟意粉連碟塞入個膠袋。
上到去一點鐘，佢拿返啲戰利品出來當 lunch 喺個 executive suite 度食，無錯，係Suite , 有錢住 suite, 無錢食 lunch , 我自己拿咗個旅行煲，就自己煮日式拉麵，加埋嗰幾隻偷返來嘅蛋，佢就食嗰碟凍意粉。 我同佢講我有好多糧，唔使咁攪，但佢係覺得咁樣成功感大啲。
有次仲好笑，上 executive lounge, 有段時間係有免費熱食，大約係 4pm to 6pm , 佢話食完，再拎啲走，今晚唔使出街食 dinner, 又偷 ！？？人咁少好易俾人見喎!
結果係，真係捉到，不過 manager 好人，仲俾個 gift box 俾老細放食物，唔使用密實袋，仲叫廚房整碟長通粉俾我地，其他人無㗎! 我已經望下附近有冇香港人，真係 cheap 到爆。
12個讚
有一次同我媽去食自助餐，
寫明浪費食物要收50蚊。
佢攞左好多食唔曬，
我話等一陣埋單啲職員會過嚟check.
佢將啲食物倒落台，
找張碟蓋住啲食物。
再找布蓋住。
佢話咁咪唔洗比果50蚊囉。
無拉拉比多50蚊幾唔抵。
1個讚
Mr.Bean有集係咁 
睇到呢度大笑咗，個密實袋都應該好大，連碟都裝到 
你老細係唔係香港人？
最大 size 嘅密實袋，碟唔係好大隻，塞得入，我幾驚俾人拍片柒出國際
1個讚
其實… Executive Lounge 唔使咁鬼鼠. 直接問員工嘩可唔可以拎走, 通常都唔會拒絕. 因為有啲人真係冇時間食嘢.
2個讚
我都覺得係，
自助餐收咗檔無人要，一係比職員，
一係會倒。
其實唔太過份問左職員帶小小走應該ok既。
收錢都係唔想啲人去浪費食物，
食幾多攞幾多，
啲人食自助餐，
好似我媽心態，
比左錢食得小會蝕抵。
係香港人。
其實佢太多 cheap 嘢，不能盡錄。 佢可以花個幾兩個鐘去印度醫院睇門診，買幾百粒降血壓藥，佢話同一個成分 但三分一香港價錢。 我和你 time cost 都唔只啦，仲要我陪佢一齊去。 門口咁多病人，咩病毒都有，十幾年都係咁過，我懷疑我對好多病菌已經有抵抗力。
有次係酒店房無 bottled water, 支水係玻璃樽可以 refill 嗰種，我話用來淥麵OK, 就咁飲就唔好啦。佢又唔肯買酒店啲 bottle water, 話貴，之後又 Google 搵最近嘅雜貨舖，call Uber ，成個鐘先到，連司機都話唔想入去啲橫街窄巷， 真係九龍城寨嗰種 feel, 司機叫我地自己行入去，天都黑晒，仲要係印度，買咗八支一 L 裝嘅水，再 Uber 返酒店，咁就玩左兩個幾鐘. 其實酒店都係賣港幣 20 一支， 出面係 4 元一支，車錢呢! 仲有分分鐘我要學葉問咁打十個
8個讚