有冇計過舊鎖一裝一拆要幾錢？買過把鎖連安裝留返比下手業主又要幾錢？
以我好有限嘅認知，裝過電子鎖嘅門，因為開窿問題，未必裝得返傳統鎖，呢樣有冇考慮？
3個讚
裝電子鎖就預左冇得拆走，所以當年住99樓上因此而冇裝電子鎖，間屋好岩心水會長住先好裝
所以咁樣其實真係幾冇品
1個讚
蠱惑，即係衰嘢。
所以樓主真係要做一個蠱惑嘅人？
慨嘆x2
1個讚
都可以，正常買家到時都會換
講真我無父幹，努力辛苦儲錢先買到樓當然想慳得就慳，我跟住合約做無犯法就叫做古惑？
同樣我只是想問可唔可以咁做，而唔係要你批評，其實你無謂意見可以唔駛留言
未用過電子鎖，即係咁，如果你係買家，上手留低個電子鎖，真係可以安心照舊用，唔需要換過把鎖？
三千蚊！ ？仲以為三萬蚊。
買過把又新款又多功能好過啦
3個讚
是的 只要factory reset就可以安心使用
3個讚
拆同安裝都要錢, 同埋你又要買同安過另一門鎖俾新業主，一來一回未必慳到錢，如果當中有任何損壞，你又要去買過咪仲煩，得不償失
1個讚
認真問 你原意是否會安裝一把操作正常既大門鎖比下手？ 裝工加鎖應該$1500以上
你要查下電子鎖算fixture 定chattel
我唔知呢啲嘢易唔易拆
拆完會唔會有個印肉肉酸酸咁, 俾個買家詐型要你換門?
明白你想慳錢，但其實都好多人幫你計過條數，你冇需要做到咁盡，都係驚你得不償失先勸你唔好咁做。
唔係唔犯法就一定等於好事嘅～
不過多得你呢個post令我下次買樓嘅時候都會小心啲，學到嘢
2個讚
建議拆埋個馬桶走，留返個窿，都all 到屎，冇犯法。
2個讚
九成都會留印呀 仲要用左三年 底面會有鴛鴦色
另外電子鎖要挖空嘅位比較多
咁樣轉返舊鎖 入要會有空位 要fill up返又多啲人工物料
如果因為一樣野trigger到買家條nerve
每個item同你對 （唔知對方有無影相）
到時就得不償失
2個讚
其實我同意裝拆都要千幾，或者我睇下有無d差唔多價錢裝把新電子鎖
哦，我新屋有馬桶，唔需要咁做
多謝提醒,下次買樓,要自己影定相加video,以防賣家…!
正所謂,防人之心必要有,害人之心不可有!
4個讚
其實好多人都係好心提醒下你者。亦都好多人幫你計過數﹐一拆一裝 + 裝返個普通鎖﹐其實同你買個新既+裝唔會差好多錢。咁合約無寫明你真係想點做都得架。你話要拆個冷氣走﹐無問題架﹐你封返個窗就可以。(不過你咁做的確會比人覺得小家左D LOR) (咁唔排除有D新買家一D都唔CARE﹐重最好你CLEAR晒所有野比間全吉屋佢添﹐咁樣佢裝修重方便添)
2個讚
同意
如果拆舊鎖人工+買新鎖+補返大門開孔位+新屋裝舊鎖既人工係平過買把全新既電子鎖+裝工咁樓主咪拆左佢囉，不過就要承擔風險，拆花度大門要賠返大門俾新業主，另外電子零件可能拆過就神神地結果都係要換新鎖，得不償失。
電子鎖年年都有新款，3年可能已經話俾你聽無得保養無晒零件，到時都係要買過把鎖仲要開過晒門孔仲麻煩。
2個讚