資料上網應該搵到， 因為好多兄姐已入，所以會用埋抽獎位比細佬妹
兩間呂有冇試過冇111都叩到？
一呂應該唔得，沙呂呢幾年聽到有人得
填甲二三係要黎叩門，唔係要黎填二三線嘛！
所以係誤導，冇解釋清楚。
佢地都未必知發生乜事架。唔好以為校長老師就一定知。好多班主任俾填升中表意見係糊塗誤導架。
其實叩門學校係咪一定會check左111先俾in？
填110一呂會唔會好冒險
111 10 間有 9 間都唔係必要架。兩呂係接受 both 110 同 111，而且兩個都有人叩到！
得 2、3 間係必須 111，記憶中係東區崇真。馬基浸聯都係 110 都可以。旅港係 111 筆試淺，非 111 就深。太多學校就唔詳細列出。
我識身邊嘅都係叩跨區嘅甲二三成功，仲要都係當區一線大熱，有得面試都係因為甲部有填。佢地甚至好多間 000 都得左。所以 111 只係一串被神化嘅數字，你個小孩才是最重要。
除非非君不嫁，不會叩門，否則唔填就自己吃虧。甲部作用一向都係要黎叩門。有啲家長懵查查仲以為甲部乙部嘅一二三都要一樣。
1個讚
謝謝你嘅意見！
我仲擔心甲2，3會影響乙1嘅機率
假設：
自行 一呂
甲一 一呂 甲二 新油天 甲三 軒銅
乙一 瑪神 乙二 旅港 乙三 愛德 （《此乃嚴重自殺式填表，冇私校 backup 但想咁樣填就要三思三思）
咁你一呂就 110 可以叩，新油天要你揀過先可以叩咁就係 020 叩，軒銅又係有揀過就優先 in 咁所以 030 叩，我識兩個就係咁樣入新油天同軒銅，兩個都係 030 叩入。入新油天嗰個，甲一天神甲二瑪利諾，入軒銅嗰個甲一華小甲二 St Jo，兩個媽媽都係知道甲二三係要黎叩門，結果證明佢哋策略係啱嘅～ 
依家兩個小朋友都讀得好好，其中一個再插班龍校走左了～
瑪神、旅港、愛德 000 都得，而且三間都有人係 000 叩入，我識人 000 瑪神同旅港但最後入左另一間 000 有中學部勁啲嘅津校，呢個小妹妹有考埋 000 聖家。呢三間全部筆試全部都 000 收佢！佢讀緊嗰間都係筆試成功。
咁所以 111 唔係必勝武器，有時候就係甲二三幫左你。好肯定上面嘅甲二三係唔會中，只係影響叩門出線機會。啲咩「漏空會提升中獎機會」係誤導+廢話，除非你填埋啲聞風喪膽嘅寶校（e.g. 趙X學韞、耀X），否則你填唔填都係一樣嘅中獎機會。
但我識人000都叩到
咁都係嗰句，如果真係叻嘅，000 都可以直入～～不過唔係個個都做到呢樣。總而言之就係，111 非神物，只係一串被神化嘅數字。
1個讚
真心請教，如不考慮天主教背景及港島，九龍區還有些學校值得填甲二，三？謝謝
如果唔係天主教嘅話就少左好多靚選擇，好多都有人 000 入。甲二三叩門都係天主教嘅多。
九龍區值得叩門嘅基督教學校有協恩、奉基、太子協和、陳瑞祺喇沙
協恩就非 111 嘅非協恩幼稚園部嘅學生入讀，但相信都唔係多。奉基同太子協和都係可以 000，但有揀過會好啲。陳瑞祺喇沙係好嘅，但佢考筆試而且 000 都得，咁就要睇下支筆得唔得。
次等啲啲就係紅馬同福馬（官立），福馬 000 都可以，紅馬係有揀過就優先啲啲但其實 000 都可以叩到。
男女英文津小嘅拔X 就真係強烈唔建議，唔好貪佢個名同貪佢係英文小學。
奉基同福馬紅馬我都識人唔係 111 叩到有 offer，係 00X 或者 000，咁所以更嘅證明 111 係…嚴重被神化。
1個讚
同是91網，但下年先K3，想知直私考邊間？
有考直資，但已放棄大抽獎。
謝謝你咁詳細的回覆，真的很有用 
真道播道優才黃錦輝陳守仁CKY 培正，仲有幾間私校
1個讚
已經有穩入既心水？
暫時已有直資收左，所以唔可以參加自行同大抽獎。
不過我仲等緊心儀直資。
2個讚
恭喜晒！有安全網安心好多！