我覺得要諗清楚其實自己想點？條條大路通羅馬。如果你其實只係想仔女可以離開，咁其實都可以考慮而家儲多D 錢，將來俾仔女去外國讀書再留澳發展，唔一定要全家移民。
8個讚
加拿大讀cert沒有年齡限制。
很多人4X歲帶住小朋友一起讀，cert / dip / degree / master都有，
最重要係DLI認可院校讀2年，符合Stream A資格。
可以去peterson fb group多看詳情。
很多人都係DIY，沒有經agent都批。
不過，還是要國際留學生學費和生活費，而且英文程度能夠應付學習上寫文考試交功課才可以。
P.S. 最近有朋友5X得左，年齡不是最大問題。但不代表沒有其他挑戰/難度。
4個讚
僱主擔保可以4個5就得，但大前提係要搵到人擔保！自己申請最少4個6分，但係而家EOI個分要成90分先會邀請
所以可能要4個8分先得
peterson 係咪即係楓之谷果個 group?
想知多D關於「僱主擔保」嘅資料🙇🏿♂️🙇🏿♂️🙇🏿♂️
成日見呢個名出現，但係條路係點行㗎？
去邊度會揾到相關資訊？
係咪要上當地求職網站揾？
還是一定要揾agent 幫手？
1個讚
Yes
入去刨下文，衡量自己狀況，反正diy唔駛錢。
真係唔得，自己搵錢供小朋友出去讀。
加油！！
1個讚
點解一定要澳洲？
老實講無儲蓄去英國都有難度，你寄嘢過去、去到外國買嘢、租樓settle down 都要一舊錢，不如襯未走得努力儲錢，學下英文先，
1個讚
如果冇積蓄要移民咁遠真係有啲難度。不如諗下子女外國升學，你哋係香港慢慢供好過。
又或者睇下你老公做廚係咩水平，好嘅中廚係東南亞都揾到食。去泰國馬拉可能都OK，不過難入籍/政治都係唔好。但係捱到小朋友大咪返來囉。
4個讚
要睇申請人嘅最高學歷。
如果中五無五科合格，就要由high school讀起/讀佢哋嘅ESL 課程。
tg group睇到有個人嘅朋友要咁行。
1個讚
你要留意多啲澳洲 job market, 耐不耐都會有人請廚師講明會有會機會sponsor. 例如呢個：Head Chef - Sponsorship Available
1個讚
好奇一問，點解想去澳洲?
e+好多選擇更容易移民
係㗎咩? 我以為主要睇雅思幾分。
其實學歷唔高要讀兩年Diploma, 有啲學校第一年讀書，第二年有有薪全職實習(最低工資，實習期幾耐要問果間學校) 同埋拎study visa嘅每個禮拜最多可以做20個鐘part time. 你老公可以申請spouse open work permit ，佢可以做嘢，可以幫補吓。
btw, 想問樓主點解想去澳洲? 曾經住過覺得啱你地一家? 因為睇你講嘅背景，加拿大會易行啲喎。
中學畢業係基木，始終係college
而且視乎選讀嘅diploma，可能對某些科目有程度/成績嘅要求（通常係理科）
係喎、做廚房好過文職多多倍啦、唔係英文叻果批真係搵唔返
我自己覺得僱主擔保風險好大，因為係TR，唔記得要做夠幾多年先可以由同一個僱主擔保再轉PR! 我之前睇新聞有個女仔本身係Canberra jamie oliver度做，點知一年左右就摺咗，之後轉左去Perth分店做，個visa要由頭再計過，到最後又摺埋，個女仔個visa都會即刻取消埋，要一個月之內出境
同埋聽到好多case係agent幫你揾僱主，個事主俾錢俾僱主擔保
呢啲好多都呃人，到最後僱主同agent收咗錢就……個事主亦都唔可以報警，因為佢俾錢僱主呃visa
所以最好自己申請189,190,491，或者你自己揾到啲大集團sponsored會安全啲！你可以去seek度揾吓有冇工肯做sponsorship！
2個讚
我最近都有聽到一個真實case（真係朋友個朋友，講得出名的）。佢比人挖角用僱主擔保方式去澳洲打工，但最後同老闆意見不合，最後一年比人炒左，所以攞唔到PR，返左香港。
另外都有朋友既親戚喺美國都係用類似方申請居留，因為僱主知道佢唔可以冇左呢份工，所以成日比下欄野佢做，同埋佢既待遇係比其他員工特別差。最後佢捱左好多年，攞到綠卡即刻辭職。
所以呢個都係風險之一，用呢個方法移民都要考慮以上情況。
6個讚
我大舅早十幾年就係咁既case, 被剝削幾年
想去澳洲係因為之前有D日子響澳洲停留過
感覺良好
而加拿大就無踏足過
衹係知好好好凍
所以之前無考慮過
但睇咗大家嘅意見
開闊咗好多諗法
好多謝比條seek link我嘅谷友
識到好多嘢呀
我會繼續努力揾料
務求保存下一代嘅自由
希望大家有咩建議都話我知🙇🏿♂️🙇🏿♂️🙇🏿♂️🙇🏿♂️🙇🏿♂️
4個讚
我都鐘意澳洲但我d fd 有錢都揀英國，就係穩定行先
1個讚
澳洲就算專才190 都係宇宙級難, 除非係491
但190 491 等專才所有行業都要有相對應的學歷配對, 即係你係廚師, 你都要有一個hospitality 的cert先乎合其中一個資格
澳洲真係唔好諗, 係果邊讀書, 做野, 雅思拿8 分, 加埋加埋好多野的人都有機會係唔夠分拿PR, 真係唔好再浪費時間睇澳洲, 澳洲是絕望的
一定係諗英國最好, 英國讀書其實好過澳洲, 加拿大只適合剛讀完書的人, 為何不考慮英國呢